Prezıdenttikke úmitker Erjan Serǵazın synaqtan súrindi

ASTANA. 10 naýryz. Prezıdenttikke úmitker retinde tirkelgen Erjan Serǵazınge lıngvıstıkalyq komıssııanyń kóńili tolmady. Bul týraly «QazAqparat» habarlady. Osyǵan baılanysty komıssııa tóraǵasy Myrzataı Joldasbekov: «Erjan Merekeuly Serǵazın myrzanyń búgin qazaq tilinen tapsyrǵan emtıhanynyń nátıjesi mynadaı boldy. Birinshi jazba jumysynyń taqyryby: «Konstıtýsııa – turaqty damý kepili». Erjan myrza eki bet jumys jazypty. Jumystyń bas jaǵynda ájeptáýir jaqsy tarıhı derekter bar. Biraq qazirgi bizdiń Konstıtýsııamyzdyń turaqty damý kepildigi jaıy ashylmaı qalǵan. Onyń ústine, jumysynda 24 qate ketipti. Emleden – 6, tynys belgiden – 13, stıldik 5 qate jibergen. Jalpy, bizdiń talabymyzda prezıdenttikke úmitker azamattar saýatty jazýy kerek, saýatty sóıleýi kerek», – dedi. Kandıdat ekinshi kezeńde Abaıdyń poezııasy men qara sózderinen 3 bettik mátin oqyǵan. «Shynyn aıtý kerek, Erjan myrza ejiktep oqydy. Keıbir mátinniń maǵynasyn tolyq túsinbedi. Sol mátin ishinde kezdesetin qazaqtyń baıyrǵy sózderin, máselen, qareket, kókirek tazalaý syndy sózderdi túsindirip aıta almady», – dedi M.Joldasbekov. Komıssııa tóraǵasynyń aıtýynsha, úshinshi kezeńde «Qazaq óneriniń bel-belesteri» degen taqyrypta 15 mınýt sóılegen E.Serǵazınnyń oıy shashyrańqy bolǵan. Joldybaı Bazar. Derek, sýret: «QazAqparat».