Qyzmet pen mindet

Elimizdiń eńsesin kótergen, kórkine kóz toımaıtyn elordamyz – Astana qalasy qazaqstan-dyqtardyń basty maqtanyshyna aınaldy. Sondyqtan mundaǵy qaýipsizdik eń basty másele bolyp tabylady. Osyǵan oraı elordalyqtar men kúndelikti keletin qonaqtardyń alańsyz tynyshtyǵy men beıbit qaýip­sizdigin saqtaý, olardyń quqyn qorǵaý – elordalyq polısı­ıa qyz­met­­kerleriniń basty min­deti.­ Mine, osyǵan saı 2015 jyl­ polısııa qyzmetkerleri úshin «Halyq senimi – polısııa kúshi» uranymen ótýde. Jyl bastalǵannan beri joǵarydaǵy mindettermen qatar atalmysh aksııa sheńberinde qaıyrymdylyq sharalary, sonyń ishinde balalar úıine qamqorlyq jasaý da nazarǵa alyndy. Bul oraıda keshegi 8 naýryz merekesinde IID bastyǵy, po­lı­­sııa general-maıory Aman­­­taı Áýbákirov Qarttar men múmkindigi shekteýli jan­dar­ǵa­ arnalǵan áleýmettik-medısı­nalyq mekemesiniń 160 arý analaryn quttyqtady. Jyly lebizdermen qatar, gúl shoqtary men syılyqtar jyly kóńil-kúı­ syılap, júzderine kúlki uıalatty. Ishki ister depar­ta­menti qyzmetkerleriniń kú­shi­­men uıymdastyrylǵan bul is-shara áıelder úshin erekshe jar­qyn sátterdiń biri­ bol­dy. Kóp jasaǵan 102 jastaǵy Marfýǵa Hamıtqyzy Isenova jáne 100 jastaǵy Anna Lazareva alǵystaryn bildirdi. Qarttar jáne múmkindigi shekteýli jandarǵa arnalǵan medısınalyq-áleýmettik mekemede Uly Otan soǵysynyń áıel-ardagerleri de turyp jatyr. Densaýlyqtaryna baılanys­ty merekelik is-sharaǵa qatysa almaǵandyqtan IID bas­tyǵy Amantaı Áýbákirov olardyń palatalaryn aralap, merekemen quttyqtady, gúl shoǵyn jáne syılyqtaryn tabystady. Uly Otan soǵysyna qatysqan áıel-ardagerlerdiń árqaısysynyń ómiriniń aıtar­lyqtaı jarqyn sátteri bar. Bir bólke nan jáne bir kılo kámpıt – osyndaı júkpen 18 jastaǵy Anna Vasılevna Pavlova soǵysqa attanǵan. Ushaqtarǵa otyn jetkizýge jaý­apty bolyp, ıaǵnı aerodromda 466 batalonda qyzmet etken. Donsk, Stalıngrad, Ortalyq, Belorýs maıdandary, Polsha jáne Germanııa arqyly ótken. Anna Vasılevna óz qolymen Reıhstagtyń qabyrǵasyna qol qoıǵan. Soǵys aıaqtalysymen KSRO-nyń kóptegen jerlerinde jumys istep, keıinnen tyń ıgerýge kelgen. Qarttar men múmkindigi shek­­teýli jandarǵa arnalǵan medısınalyq-áleýmettik meke-mesi turǵyndarynyń aıtýy boıynsha, búgingi polısııa qyz­met­kerleri uıymdastyrǵan mereke olardy erekshe qýantty, olar­ǵa arnaıy konsert uıym­­­­­­­­das­tyryldy. Polısııa qyzmet­ker­­­­leriniń qatarynan qurylǵan «Jiger» ult-aspaptar­ ansam­bliniń mýzykalyq nómirleri, jol-patrýldik polısııasy pol­ki­niń hory men vokaldyq nómir­leri ájelerdi erekshe qýantty. Astana qalasy elordalyq IID bastyǵy, polısııa general-maıory­ Amantaı Áýbákirovtiń aı­tý­yn­sha, bul polısııa qyzmet­kerleri josparlaǵan birinshi jáne­ sońǵy shara emes. Polısııa qyzmetkerleri úshin áli alda talaı jaýapty da syndarly sharalar tur. Solardyń bárin talapqa saı oryndaý – elordalyq polısııa mindeti. Aleksandr TASBOLATOV, «Egemen Qazaqstan».