Qutqarýshylarǵa myń alǵys

Bıylǵy  jyldyń  24 naýryz kúni shamamen saǵat keshki 5-tiń kezinde topan sý eń aldymen A.Matrosov kóshesindegi, sońynan irgeles jatqan Mır, Pekarskıı pereýlok, Iýjnaıa, J.Qyzdarbekov atyndaǵy kóshelerindegi úılerdi basyp ótti, Tipti, A.Matrosov kó­­shesi, 42 úıde turatyn Talǵat  Nur­maǵanbetov 57 bas úlken-kishi­li qoı-eshkisin mal qorasynan shyǵaryp ta úlgermegen. Úıdiń ishi­ne kirgen sý óz aldyna. Al endi, J.Qyzdarbekov atyn­daǵy kósheniń № 7 úıi tolyǵymen sý astynda qaldy. Páter ıelerin arnaıy tehnıkamen alyp shyǵýǵa týra keldi. Osy úıdiń 25 turǵyny kóshirilip, Á.Ermekov atyndaǵy mektep-ınternatyna ornalastyryldy. Jalpy, eldi meken boıynsha 19 kóshe, 38 úı sý tasqynynyń zardabyn shekti. Tótenshe oqıǵany estisimen Aqa­dyr kentine Qaraǵandy obly­synyń ákimi N.Ábdibekov ózi kelip, mán-jaǵdaımen jeke tanysyp, shuǵyl túrde jedel jıyn ótkizip, tótenshe jaǵdaıdy toqtatý, qutqarý jumystaryn júrgizý jóninde tapsyrmalar berdi. Tosynnan bolǵan apatqa aýdan jáne kent ákimdikteri de jedel sharalar qoldandy. Eń aldymen aýdan boıynsha sý tasqynyna baılanysty tótenshe jaǵdaı jarııalanyp. jedel shtab quryldy, Ony aýdan ákimi R.Ábdikerov uıymdastyrýshylyq sheberligimen utymdy basqara bildi. Kenttegi kásiporyn, mekemelerdiń qol kúshi, arnaıy tehnıkalary bir kisideı jumyldyryldy desek, artyq aıt­qandyq emes. Ásirese, Qaraǵandy qalasynan arnaıy shaqyrylǵan Tótenshe jaǵdaılar komıtetine qarasty №52589 áskerı bóliminiń kómegi orasan boldy. 125 áskerı adam qol kúshimen, 6 mamandandyrylǵan tehnıkany paıdalanyp úsh kún boıy tynym tappaı topan sýmen arpalysty, Áskerıler qapshyqtarǵa qum toltyryp, kádimgi maıdandaǵydaı ıesiz sýǵa qarsy bógetter jasady. Osy áreket sýdy aryqtarǵa bu­rýǵa, sý alatyn úılerdi meılinshe azaıtýǵa úlken septigin tıgizdi. Kent turǵyndary olardyń kómegine dán rıza boldy. Osy jaǵdaıdy paıdalana otyryp, qutqarý jumystaryna úlken qolǵabys bergen, ýaqytpen sanaspaı naǵyz erlik pen otansúı­gishtigin kórsetken áskerı bólim­shesiniń soldattaryna, olardy bas­qaryp kelgen podpolkovnık Árlen Búrkitbaıulyna jáne Qaraǵandy oblystyq tótenshe jaǵdaılar jó­nindegi departamentiniń basqar­ma basshylaryna zor alǵysymyzdy bildiremiz. Manat ÁBEÝOV, Nurzat TО́LEGEN, Danııar IŃKÁRBEKOV, Panarkúl IŃKÁRBEKOVA, Sandýǵash IŃKÁRBEKOVA, Maıra ÁBIShEVA. Qaraǵandy oblysy, Shet aýdany, Aqadyr kenti.