«TÚRKSOI Bas hatshylyǵynyń komıssııasy 2014 jyldyń qorytyndysy boıynsha Sizdi Halyqaralyq TÚRKSOI Baspasóz syılyǵynyń laıyqty ıegeri dep baǵalaǵanyn qýanyshpen habarlaımyn» – «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanovtyń atyna TÚRKSOI Bas hatshysy Dúısen Qaseıinovten aqpannyń basynda kelgen hat osylaı bastalatyn.
Bul syılyq eń aldymen el gazetiniń betinde túrki dúnıesiniń tutastyǵyn qamdaǵan materıaldardyń, odan keıin syılyq ıegeriniń túrkitildes memleketterden jazǵan maqala, reportajdarynyń baǵasy dep bilgen oryndy.
Taıaýda Dúısen Qaseıinov Astanaǵa issaparmen kelip, atalǵan syılyqty belgili qalamgerge tabys etti. Syılyq tapsyrý rásimine Qazaqstan Respýblıkasynyń Mádenıet jáne sport mınıstri Arystanbek Muhamedıuly qatysty.
Syılyqta BIRLIKTE DIRLIK VARDIR degen túrik maqaly oıylyp jazylǵan. Bul kádimgi qazaqtaǵy «Birlik bar jerde tirlik bar» degen maqaldyń naq ózi ekendigin aıtqan Dúısen Qaseıinov bas basylym betinde túrki mádenıetiniń halyqaralyq uıymynyń qyzmeti aldaǵy kezde de jan-jaqty kórsetile beredi degen senimin bildirdi. Saýytbek Abdrahmanov halyqaralyq Túrki akademııasymen birlesip «Túrki dúnıesi: tulǵalar taǵylymy» atty jańa joba qolǵa alynǵanyn, onyń aıasynda bizdiń ortaq babalarymyz, búgingi barshamyzǵa maqtanysh zamandastarymyz týraly tanymdyq maqalalar júıeli jarııalanyp turatynyn jetkizdi.
«Egemen-aqparat».
