Almaty oblysynda jol apatynan júkti áıel qaıtys boldy

ASTANA. 11 naýryz. Almaty-Qaskeleń trassasynyń boıynda jol-kólik oqıǵasy oryn alyp, saldarynan júkti áıel qaza tapty. Bul týraly nur.kz habarlady. Tarata aıtar bolsaq, Almaty oblysyndaǵy Raıymbek dańǵylymen úlken jyldamdyqpen júrgen «Toıota Lend Krýzer» kóliginiń júrgizýshisi kóligin basqara almaı qalady. Kýágerlerdiń aıtýynsha, ol «Nıssan Sefıro» kóligine soǵylyp, sodan baryp júk kóligine urynady da zamatta órtenip ketedi. Al júk kóligi sol mańdaǵy aǵashqa baryp urylady. Aldyn-ala málimetter boıynsha, aýrýhanaǵa jetkizilgen «Nıssan Sefıro» júrgizýshisi aýyr halde, al jolaýshylar orynynda otyrǵan aıaǵy aýyr áıel alǵan jaraqattardan qaıtys boldy. Jol apatyna kináli «Toıota Lend Krýzer» júrgizýshisi oqıǵa ornynan izin sýytqan. Apattyń mán-jaıy quqyq qorǵaý organdarynyń qyzmetkerleri anyqtaýda. Qaıǵyly oqıǵa Almaty-Qaskeleń tas jolynyń 19-shy shaqyrymynda oryn alǵan. Joldybaı Bazar. Derek, sýret: nur.kz.