Aǵylshyn tilin bilý memlekettik qyzmetkerge mindetti bolýy tıis

ASTANA. 11 naýryz. Búgin «Nur Otan» partııasynyń kezekti XVI sezinde sóılegen sózinde Prezıdent Nursultan Nazarbaev memlekettik qyzmetker úshin aǵylshyn tilin bilý mindetti bolýy tıis ekenin aıtty. Bul týraly «Qazaqstan jańalyqtary» habarlady. «Memlekettik qyzmette aǵylshyn tilin tilin bilý mindettilik máselesi qoıylyp otyr. Birtindep. Qazir biz muny birden jasaı almaımyz (aǵylshyn tilin meńgerýdi). Bul bir erikken is emes, áne, qarańyzdar, qanshama transulttyq kompanııalar jumys jasap jatyr», - dedi Nazarbaev sezde sóılegen sózinde. Memleket basshysy memlekettik qyzmetke «Bolashaq» baǵdarlamasy boıynsha shet elderde oqyp kelgen túlekterdi belsendi túrde tartý kerek ekenin atap ótti. «Barlyq mınıstrler ınvestısııa tartý úshin (shet elderge) shyǵyp turady. Biz sondyqtan olardyń tilderinde sóıleı bilýimiz kerek, olardyń ne istep, nemen shuǵyldanyp jatqandaryn bilýimiz kerek (...). Sondyqtan men úsh tildi bilý kerek dep júrmin», - dep sózin qorytty Nazarbaev. Sáken Maılybaı.