Prezıdent: «Polıseılerdiń jaýapkershililigin arttyrý qajet»

ASTANA. 11 naýryz. Polıseılerdiń mártebesi men onyń azamattar aldyndaǵy jaýapkershililigin arttyrý qajet. «Nur Otan» partııasynyń kezekten tys XVI sezinde memleket basshysy, partııa Tóraǵasy Nursultan Nazarbaev osylaı dedi. Bul týraly «QazAqparat» habarlady. «Polısııa qoǵamnyń seniminen shyǵýy kerek. Qazir qoǵam jol-patrýldik qyzmettiń ofıseri jol erejesin buzǵany úshin ákimge nemese mınıstrge aıyppul salatynyna senbeıdi. Men Qasymov /Ishki ister mınıstri Qalmuhanbet Qasymov-red./ týraly tipti, aıtpaı-aq qoıaıyn. Mysaly, jaqynda AQSh-tyń memlekettik hatshysy Djon Kerrımen bir oqıǵa boldy. Oǵan óz úıiniń aldynda qardy ýaqytyly tazalamaǵany úshin aıyppul jazyp bergen. Onyń baspasóz hatshysy aıyppuldy tóleıtindigin málim etip úlgerdi», – dedi Prezıdent. Osy oraıda N.Nazarbaev birqatar tapsyrmalar berdi. «Sondyqtan, polıseılerdiń mártebesi men onyń azamattar aldyndaǵy jaýapkershililigin arttyrý qajet. Sondaı-aq, quqyq qorǵaý organdarynyń ashyqtyǵyn qamtamasyz etetin sharalar jıyntyǵyn jasaqtaý, aqparattyq tehnologııalardyń damytý, beıneregıstratorlarmen qamtamasyz etý qajet. Polısııaǵa kásibı-psıhologııalyq irikteýdiń jańa júıesin jasaý mańyzdy. Polıseı biliktiligin anyqtaý boıynsha synaqtar ótkizilip otyrýy shart», – dep atap ótti Memleket basshysy. Joldybaı Bazar. Derek, sýret: «QazAqparat».