Tashkentte qazirgi zamanǵy japon fılmderiniń kúnderi ótedi

ASTANA. 11 naýryz. О́zbekstan astanasy – Tashkent qalasynda 13-15 naýryz aralyǵynda qazirgi zamanǵy japon fılmderiniń kúnderi ótedi. Ústimizdegi jylǵy shara bul elde osymen 10-shy márte ótkizilgeli otyr. Bul týraly anhor.uz saıty habarlady. Baǵdarlamada bes kórkem jáne bir anımasııalyq fılm bar. Olar otbasylyq baqyt, ýaqytqa fantastıkalyq saıahat jasaý, adam men ıttiń arasyndaǵy shynaıy da tereń dostyq sezimi, kezdeısoq mahabbattyń mashaqattary týraly, sondaı-aq Hokkaıdo aralyndaǵy tabıǵattyń keremet sulýlyǵy jaıly syr shertedi. Qazirgi zamanǵy japon fılmderiniń Tashkenttegi kúnderin Japonııanyń О́zbekstandaǵy elshiligi «О́zbekkıno» agenttiginiń yqpal etýimen uıymdastyryp otyr. Saltanattyń ashylý rásimi 13 naýryz kúni saǵat 18:00-de Kıno úıiniń úlken zalynda bastalady. Oǵan Japonııanyń О́zbekstandaǵy tótenshe jáne ýákiletti elshisi Kato Fýmıhıko qatysady. Birinshi kórsetilimge rejısser Sınobý Iаgýtıdiń «Sátti ushý sapary» degen komedııasy usynylady. Ol avıasııanyń ádette jolaýshylarǵa beımálim bolyp keletin jaqtaryn kórsetýge arnalǵan. Fılmniń oqıǵasy aeroporttan bastalyp, ushaqtyń bortynda jalǵasady. Murat Aıtqoja.