Nazarbaev, Pýtın jáne Lýkashenko Astana kezdesýin keıinge shegerdi

ASTANA. 11 naýryz. Qazaqstan, Reseı jáne Belarýs Prezıdentteri Nursultan Nazarbaev, Vladımır Pýtın jáne Aleksandr Lýkashenko Astanada osy aptada óttetin bolyp belgilengen kezdesýdi birneshe kúnge keıinge shegerdi. Bul týraly Reseı memleketi basshysynyń baspasóz hatshysy Dmıtrıı Peskovtyń sózine silteme jasaǵan «Rossııskaıa gazeta» habarlady. Muny aldymen Qazaqstannyń dıplomatııasyndaǵy mánbeler jetkizdi. Sodan keıin aqpardy Kremldiń baspasóz qyzmeti rastady. «Shynynda úsh memleket lıderleriniń Astanada ótetin bolyp belgilengen kezdesýin keıinge shegerý týraly sheshim qabyldandy», - dedi osy oraıda Peskov. Budan buryn Vladımır Pýtın 12-13 naýryz kúnderi Astana qalasyna resmı sapar jasap, Qazaqstan jáne Belarýs basshylarymen kezdesetini aıtylǵan bolatyn. Kún tártibine úsh eldiń saýda-ekonomıkalyq yntymaqtastyǵynyń qazirgi ahýaly jáne perspektıvasy, álem ekonomıkasynda bolyp jatqan ózgerister jaǵdaıyndaǵy eýrazııalyq ıntegrasııalyq úderister týraly máseleler qaralatyn bolyp bekitilgen edi. Lıderler sondaı-aq halyqaralyq ózekti máseleler, eń aldymen Ýkraınadaǵy jaǵdaı týrasynda ózara pikir almasýǵa da ýaqyt tabatyn bolǵan-dy. Murat Aıtqoja.