Oblys ákiminiń burynǵy keńesshisine qatysty sot bastaldy

ASTANA. 11 naýryz. Pavlodar oblysy ákiminiń burynǵy keńesshisi Tólegen Bastenovtiń isine  qatysty alǵashqy sot otyrysy ótti. Bul týraly egemen.kz tilshisi habarlady. Esterińizge sala ketsek, oblystyń burynǵy ákimi Erlan Aryn T. Bastenovtiń tutqyndalǵannan keıin kyzmetinen ketip, artynsha ózi qamaýǵa alynǵan bolatyn. Aryslan Ábdiqalyqov pen Tólegen Bastenovke Qylmystyq kodekstiń 24 baby, 3 jáne 117 bóliminiń 4 b tarmaqshasy boıynsha aıyp taǵylyp otyr. Olar «Alaıaqtyqpen aınalysý», ıaǵnı qyzmet babyn paıdalanyp, bir top adamdarmen aldyn ala kelisip, bóten múlikti aldaý arqyly ıemdenip qalý boıynsha aıyptalýda. Qazir T. Bastenovpen birge semeılik qurylyq kompanııasynyń jetekshisine de aıyp taǵylýda. Sonymen birge taǵy úsh adam osy is boıynsha úıqamaqta otyr.  Olardyń arasynda oblys ákiminiń burynǵy orynbasary da bar. Tergeý isiniń málimetine qaraǵanda, semeılik kásipkerler mektep qurylysyna berilgen memlekettik tenderdi utyp alýdy kózdegen.  Jobanyń somasy bir mıllıard teńgeden astam bolǵan. Osy maqsatta kásipkerler Pavlodarǵa kelip, oblys ákiminiń burynǵy keńesshisi Tólegen Bastenovpen kezdesken. Sol kezde ol kásipkerlerge kómektese alatynyn, alaıda tenderdiń bes paıyzyn ózine alatynyn aıtqan kórinedi. Biraq ol kásipkerler suraǵan aqshasyn tapsyryp jatqanda ustalady. Onymen birge Pavlodar oblysy ákiminiń burynǵy orynbasary Aryslan Ábdiqalyqov ta tutqyndalady. Dastan Kenjalın. Derek: egemen.kz Sýret: egemen.kz