Ronaldý BAQ ókilderine baıkot jarııalady

ASTANA. 11 naýryz. Krıshtıaný Ronaldý tilshilerge ókpelep qaldy. О́kpelegeni sonshalyq maýsym sońyna deıin qolynda mıkrafony men kamerasy bar birde bir adammen sóılespeý týraly sheshim qabyldady. Bul týraly egemen.kz habarlady. Keshe túnde Ronaldýdyń komandasy Chempıondar lıgasynda Germanııanyń «Shalkesinen» 3:4 esebimen jeńilip qaldy. Bul nátıje portýgal fýtbolshysyna qatty áser etti. Tipti oıynnan keıin alańnan ketip bara jatqan Ronaldý komandalas áriptesi Benzemaǵa «Bul naǵyz uıat boldy» dep, kóńil-kúıiniń bolmaı turǵanyn jetkizgen. Sondaı-aq, ol tartystyń nátıjesi men komandanyń oıynyna kóńili tolmaǵanyn, sol sebepti BAQ ókilderimen kezdeskisi kelmeıtinin bildirdi. 90 mınýttyq tartystan keıin baspasóz ókilderiniń qarsha boraǵan suraqtaryna Krıshtıaný «Men qazir esh nárse aıtpaımyn. Jalpy, maýsym sońyna deıin BAQ ókilderimen sóılespeımin», – dep qysqa da nusqa sóz aıtyp, jónine kete bardy. Maýsymnyń mamyr aıynda aıaqtalatyny belgili. Demek, fýtbolshy sol ýaqytqa deıin tilshi ataýlyǵa baıkot jarııalap otyr. Aıta keteıik, «Real Madrıd» «Shalkeden» jeńilgenine qaramastan, Chempıondar lıgasynyń shırek fınalyna shyqty. Sebebi, úsh apta buryn Gelzenkırhende ótken alǵashqy oıynda madrıdtikter 2:0 esebimen jeńgen edi. Sol oıynda Ronaldý bir márte mergendigimen kózge tússe, keshegi básekede eki goldyń avtory atandy. Sonyń nátıjesinde, Krıshtıaný Chempıondar lıgasynda surmergender kóshin bastady. Onyń enshisinde búginde 77 dop bar. Bul kórsetkishpen Ronaldý Raýl Gonsales pen Leonel Messıdi aınalyp ótti. Elaman Qońyr. Derek: egemen.kz. Sýret: ronaldo7.net.