Taǵy bir úmitker synaqtan súrinbeı ótti

ASTANA. 12 naýryz. Prezıdent saılaýyna úmitker retinde qatysýǵa nıet bildirgen Qanat Tóregeldıev memlekettik tildi erkin meńgergendigin anyqtaý jónindegi lıngvıstıkalyq komıssııa synynan súrinbeı ótti. Bul týraly gazeta.kz habarlady. «Kandıdat birinshi synaqta «Otty jyldar taǵylymy» taqyrybyn ájepteýir ashqan. Qateleri de bar. 7 qate jiberipti, emleden – 2, tynys belgisinen – 4, stıldik 1 qate ketken. Jumysy jaman emes, jap-jaqsy», – dedi kandıdattyń synaq nátıjesin tanystyrǵan lıngvıstıkalyq komıssııa tóraǵasy Myrzataı Joldasbekov. Onyń atap ótýinshe, ekinshi synaqta kandıdat F.Ońǵarsynovanyń poezııasyn barynsha mánerlep oqyp, komıssııa músheleriniń kóńilinen shyqqan. «Úshinshi synaqta «Halyq tarıhy jáne rýhanı jádigerler» taqyrybynda sóz sóıledi. Degenmen, Qanat myrza, rýhanı jádigerler degendi onsha uǵa almadyń. Rýhpen shatastyrdyńyz.  Sizge birqatar suraqtar qoıyldy. Bolashaqta esińizde bolatyn nárse, árbir saýalǵa jaýabyńyz ústirtteý.  Sodan keıin oıyńyzda júıelilik, naqtylyq jaǵy joq. Shyntýaıtyna kelgende Qanat Sybashuly Tóregeldıev qazaq tilinde saırap tur. Qolma-qol óleń jazady, shyǵarmanyń ózin óleńmen bastapty. Sondyqtan komıssııa músheleri keń talqylap, álgindeı qateleri bolǵanymen, oı júıesinde ústirttik oryn alǵanymen, Qanat Tóregeldıev qazaq tilin erkin meńgergen degen qorytyndy shyǵardy», – dedi komıssııa tóraǵasy. Joldybaı Bazar. Derek, sýret: gazeta.kz.