Pavlodar oblysynda jylqy izdep shyqqan kisi joǵalyp ketti

ASTANA. 12 naýryz. Pavlodar oblysy Ertis aýdany Panfılov aýyldyq okrýgine qarasty Toqta aýylynyń 46 jastaǵy turǵyny aqtútek boranda jylqy izdeýge ketip, joǵalyp ketti. Bul týraly pavlodarnews.kz tilshisine oblystyq tótenshe jaǵdaılar departamentiniń baspasóz qyzmeti málimdedi. «Keshe túngi saǵat 23.10-da Ertis aýdanynyń tótenshe jaǵdaılar bólimine Toqta aýylynyń 1968 jylǵy turǵyny Qalıt Zakıpovtyń joǵalyp ketkeni týraly habar tústi. Azamat jylqysyn izdeýge ketip qalǵan. Q. Zakıpov tańǵy saǵat 03.57-de telefon arqyly habarlasyp, adasyp ketkenin málimdegen», - dep habarlady baspasóz qyzmeti. Joǵalyp ketken azamatty izdestirýge «О́rt sóndirý jáne apatty-qutqarý qyzmeti» MM-i jeke quramynyń 5 jumyskeri men bir tehnıkasy, sonymen qatar aýdandyq ishki ister bólimi jeke quramynyń 6 mamany men 3 tehnıka birligi jumyldyryldy. Bul iske aýdandyq ákimdiktiń 11 mamany, 4 tehnıkasy qolǵabys etýde. Aýyldastardyń aıtýynsha, Q. Zakıpov birneshe ret habarlasyp, qaı jerde júrgenin bilmeıtinin aıtqan. Murat Aıtqoja. Derek, sýret: pavlodarnews.kz.