Qazaqstan kásipodaqtary basshysy úmitkerlikke qujat tapsyrdy

ASTANA. 12 naýryz. Qazaqstan kásipodaqtarynyń basshysy, Qaraǵandy oblysynyń burynǵy ákimi Ábilǵazy Qusaıynov prezıdenttikke úmitker retinde Ortalyq saılaý komıssııasyna qujat tapsyrdy. Bul týraly bag.kz habarlady. Ortalyq saılaý komıssııasyna kelgen Ábilǵazy Qalıaqparuly jýrnalısterge suhbat berip, bul qadamǵa nelikten barǵandyǵyn jáne qandaı nátıje kútetindigin áńgimelep berdi. – Daýys berý ýaqyty bastalmaıynsha saılaýdyń nátıejeleri týraly aıtý artyqtaý. Prezıdent saılaýy – qoǵamdaǵy ózekti máselelrdi kóterip, árbir azamattyń mańyzdy problemalaryna nazar aýdarýǵa shaqyratyn shara. Máselen, ol ekologııalyq jáne óndiristik qaýipsizdik syndy máseleler bolýy múmkin, – dedi Á.Qusaıynov. Á.Qusaıynov 1952 jyly 6 aqpanda Qaraǵandy oblysynyń Telman aýdany Maıózek kentinde týǵan. Qaraǵandy taý-ken tehnıkýmynyń taý-ken fakýltetin (1971 j.) tehnık-shahta salýshy mamandyǵy boıynsha; Qaraǵandy polıtehnıkalyq ınstıtýtynyń avtojol fakýltetin (1981 j.) ınjener-mehanık mamandyǵy boıynsha; Reseı basqarý akademııasynyń saıasattaný fakýltetin (1992 j.) saıasatker (áleýmettik-saıası máseleler jáne baılanys boıynsha keńesshi) mamandyǵy boıynsha bitirgen. Eńbek ótiliniń ár jyldarynda ol Ekonomıka jáne saýda vıse-mınıstri, Indýstrııa jáne saýda vıse-mınıstri, Kólik jáne baılanys vıse-mınıstri, Kólik jáne baılanys mınıstri, Qaraǵandy oblysynyń ákimi qyzmetin atqarǵan. Qazirgi tańda Ábilǵazy Qalıaqparuly Qazaqstan kásipodaqtarynyń basshysy. Joldybaı Bazar. Derek, sýret: bag.kz.