Aqtóbede analarǵa altyn jáne kúmis alqalar tapsyryldy

AQTО́BE. 12 naýryz. Aqtóbe qalasy ákiminiń orynbasary Aıgúl Arynǵazıeva bir top kóp balaly analarǵa «Altyn alqa» jáne «Kúmis alqa» belgilerin saltanatty túrde tabystady. Bul týraly egemen.kz tilshisi habarlady. Ákim orynbasarynyń aıtýynsha, búgingi kúni qalamyzda 5971 kóp balaly ana turady, onyń ishinde 1285-i «Altyn alqa», 1513-i «Kúmis alqa» ıegerleri. Sondaı-aq, 285 «Batyr ana», 342 I, II, III dárejeli medal ıegerleri bar. Aıgúl Arynǵazıeva qala ákimdigi kópbalaly analarǵa qoldaý kórsetýdi dástúrge aınaldyrǵanyn, osy joly sondaı segiz anaǵa «Altyn alqa» jáne «Kúmis alqa» belgileri tapsyrylǵanyn aıtyp ótti. Odan bólek, ol jyl sanap kóp balaly analar qatarynda jas analar sany artyp kele jatqanyn jetkizdi. Arnaıy uıymdastyrylǵan jıynda Aıgúl Arynǵazıeva Elbasy Nursultan Nazarbaevtyń Jarlyǵyna sáıkes, aqtóbelik Raıhan Áljanova, Alma Qarabalına, Marjangúl Qasenova, Gúlmıra Pahrıddınova jáne Aıtkúl Orazynbetovaǵa «Altyn alqa», al Gúlmıra Jumaǵalıeva, Qyzǵaldaq Nııaz, Raıhan Naýryzalınaǵa «Kúmis alqa» belgilerin tabys etti. Satypaldy Sáýirbaı. Derek: egemen.kz. Sýret: qiyan.kz.