Prezıdenttikke úmitkerlerdiń qatary 21 adamǵa jetti

ASTANA. 12 naýryz. Ortalyq saılaý komıssııasyna kezekten tys prezıdenttik saılaýǵa kandıdat retinde tirkelgenderdiń sany 21 adamǵa jetti. Ortalyq saılaý komıssııasy tóraǵasynyń orynbasary Vladımır Foss osylaı dedi. Bul týraly «QazAqparat» habarlady. Vladımır Fosstyń aıtýynsha, kandıdattardyń 18-i saılaýǵa ózin-ózi, eki kandıdatty, atap aıtqanda, N.Nazarbaevty «Nur Otan» partııasy, al T.Syzdyqovty Qazaqstannyń kommýnıstik halyq partııasy usynǵan. Qazirgi ýaqytta olardyń saılaý talaptaryna sáıkestigi tekserilip, keıbiri lıngıstıkalyq komıssııaǵa synaq tapsyrý ústinde.«8 kandıdatty tirkeýden bas tartyldy. Olardyń ekeýiniń jasy Konstıtýsııaǵa sáıkes saılaýǵa túsý jasyna tolmaǵan. altaýy lıngvıstıkalyq komıssııa synaǵyn tapsyra almady. 4 adam lıngvıstıkalyq komıssııa synaǵyn tapsyrdy. Olardyń saılaý talaptaryna sáıkestigi tekserildi. Olar qazirgi ýaqytta senimdi tulǵalaryn tirkep, qol jınaý jumysymen aınalysýda», – dedi V.Foss. Onyń atap ótýinshe, búgin M.Telebekov, Á.Qusaıynov, S.Muqash jáne Asylbek Amantaı Ortalyq saılaý komıssııasyna kelip, prezıdenttikke kandıdat retinde tirkelgen. Joldybaı Bazar. Derek: «QazAqparat». Sýret: thenews.kz.