Maqsat – kandıdattarǵa jaǵdaı jasaý

Elimizde prezıdenttik saılaý boıynsha Respýblıkalyq qoǵamdyq komıssııa jumysyn bastady. Keshe oblys ortalyǵyndaǵy Sultanmahmut Toraıǵyrov  atyndaǵy memlekettik ýnıversıtette osy komıssııanyń fılıaly ashyldy. Komıssııa tapsyrmasy  saılaý prosesi aıqyndyǵyn, daýys berýshilerdiń saılaý kúni óz erkin bildirýin qamtamasyz etý bolyp tabylady. Kezekten tys prezıdenttik saılaýdy baıqaıtyn respýblıkalyq qoǵamdyq komıssııanyń óńirlik fılıaly Lomov kóshesi, 64 úı, ýnıversıtettiń 101-shi aýdıtorııa­synda ornalasqan. Komıssııa óz qyzmetinde qoǵamdyq uıymdarmen, azamattarmen birlesip jumys isteýdi kózdeıdi. Negizgi maqsat – saılaý naýqanynyń ádil ótýin qamtamasyz etý. Osyǵan oraı qoǵamdyq komıssııa fılıalynyń otyrysy bolyp ótti. Otyrysty júrgizgen fılıal tóraǵasy Eldar Qalıev respýblıkalyq jáne oblystyq BAQ-ókilderine arnalǵan arnaıy brıfıngte bir ǵana negizgi másele bar. Ol – elimizdegi prezıdenttik saılaý boıynsha Respýblıkalyq qo­ǵam­dyq komıssııanyń atqaratyn qyzmetin kórsetý dedi. Qoǵamdyq komıssııa múshesi Arman Eshmu­ra­tovtyń aıtýynsha, jalpy maq­sat­tary – saılaýdy durys ótkizý. Onyń zańǵa sáıkes ótýi óte mańyzdy. Komıssııanyń taǵy bir min­deti – saılaý kezinde bar­lyq kandıdattarǵa birdeı qolaı­ly jaǵdaı týdyrý. Kandı­dat­tardyń saılaýaldy shtab­tary­nyń, oblystyq saılaý komıssııalarynyń jáne BAQ-tardyń tarapynan júrgiziletin úgit-nasıhat sharalary barysynda elimizdiń saılaý zańnamalarynyń saqtalýyna qoǵamdyq baqylaý jasaý. Komıssııa músheleri saılaý kúni saılaý ýchaskelerinde otyratyn baıqaýshylar úshin de arnaıy semınar-trenıngter ótkize bastaıdy. Bastysy – olar «Saılaý týraly» Zańdy bilýi shart. Al Eldar Qalıevtiń aıtýynsha, qoǵamdyq komıssııa músheleri elektorattyq naýqan kezinde barlyq kandıdattarǵa birdeı jaǵdaı jasaýmen aınalysady. Sondyqtan qoǵamdyq komıssııanyń mindeti – saılaý barysynda onyń ádil ótýin jáne saılaýshylardyń óz erkin bildirýin qamtamasyz etý bolyp tabylady. Jalpy, oblystyq saılaý ýchaskelerinde barlyǵy 576 baı­qaýshy jumys atqaratyn bolady. Oblys ortalyǵyna aldaǵy 26 sáýirde ótetin prezıdenttik saılaýda baıqaýshy bolatyn Eýro­padaǵy qaýipsizdik jáne ynty­maq­tastyq uıymynyń ókilderi keldi. Osyǵan oraı, oblys ortaly­ǵynda shet memleketterdiń baı­qaý­shylaryna járdemdesý ortalyǵy ashyldy. Munda baıqaýshylar qajetti aqparatqa qol jetkizip, saılaý naýqanynyń sońyna deıin jumys isteıtin bolady. Saıası sharany baıqaýǵa oblysqa AQSh pen Shveısarııadan Eýropadaǵy qaýipsizdik jáne yntymaqtastyq uıymynan eki ókil kelip otyr. Baıqaýshylar óńirimizde aıdyń sońyna deıin bolyp, barlyq saılaý komıssııalarynyń jumy­symen tanysady. Shet memleketterdiń baıqaý­shylaryna járdemdesý ortaly­ǵynyń jetekshisi Lıýbov Bognattyń aıtýynsha, bul orta­lyqtyń basty maqsaty – baıqaýshylardyń jumysyna jaǵdaı jasaý. Biz mamandarǵa memlekettik emes uıym, BAQ, memlekettik organ ókilderimen kezdesý uıymdastyryp, olarǵa qajetti barlyq aqparatty, qural-jabdyqtardy beretin bolamyz. Ortalyq elimizdiń saılaý týraly zańnamasyna sáıkes ashylyp otyr. Qazir aımaqtyq saılaý komıssııasy baıqaýshylarǵa normatıvtik-quqyqtyq baza quryp, saılaý bólimsheleri jaıly derekter daıyndaýda. Aldaǵy ýaqytta óńirimizge Estonııa men Germanııadan baıqaýshylar keledi dep josparlanǵan. Komıssııa músheleri saılaý ýchaskelerinde saılaý bolatyn kúni qoǵamdyq birlestikterden qatysatyn baıqaýshylarǵa birqatar semınar-trenıngter ótkizedi. Eń basty talap – «Saılaý týraly» Zańdy bilý. Fılıal ofısinde kezekshilik ornatyldy. Al qoǵamdyq komıssııa óz qyzmetinde qoǵamdyq uıymdarmen, azamattarmen jumys júrgizýdi josparlaýda. Saılaý sońynda qoǵamdyq komıssııa óz jumysynyń qorytyndysyn jarııalaıdy. Farıda BYQAI, «Egemen Qazaqstan». PAVLODAR.