Fýtbol. Ońtústik derbıinde «Ordabasy» basym boldy

ASTANA. 5 sáýir. Búgin fýtboldan Qazaqstan premer-lıgasynyń 5-týry ótýde. Ázirge bir kezdesýdiń nátıjesi belgili. Shymkentte ótken ońtústik derbıinde «Ordabasy» «Tarazdy» 1:0 esebimen jeńdi. Bul týraly egemen.kz habarlady. Oıyn birden alań ıeleriniń shabýylymen bastaldy. Tipti alǵashqy mınýtta-aq «Ordabasy» buryshtama dobyn oryndaýǵa múmkindik aldy. Alaıda, tarazdyqtar qaýiptiń betin ońaı qaıtardy. Matchtyń 7-mınýtynda «Ordabasynyń» shabýylshysy Erkebulan Tuńǵyshbaev qaýipti soqqy jasady. Bul joly qaqpashy Aleksandr Grıgorenko tosqaýyl boldy. Jalpy, birinshi taımda alań ıeleriniń basymdyǵy baıqaldy. Ásirese, Erkebulan Tuńǵyshbaev pen Bekzat Beısenovter belsendiligimen kózge tústi. «Taraz» sapynan Jaqyp Qojamberdiniń oıyn órnegine jankúıerler rıza boldy. Kezdecýdiń ekinshi bóliginde shymkenttikter esep ashty. Goldyń avtory – Erkebulan Tuńǵyshbaev (51-mınýt). Oǵan nátıjeli pas shyǵarǵan Azat Nurǵalıev ekenin aıta keteıik. Oıyn sońyna deıin esep ózgermeı, «Ordabasy» maýsymdaǵy úshinshi jeńisterine qol jetkizdi. Ázirge týrnır kestesinde 11 upaımen Shymkenttiń komandasy kósh bastap keledi. Kelesi oıyndy «Ordabasy» 11 sáýirde óz alańynda Almatynyń «Qaıratyna» qarsy ótkizedi. Al «Taraz» «Astanany qabyldaıdy». Dál qazir taǵy eki oıyn ótýde. «Jetisý» óz alańynda «Ertispen» synǵa túsýde. Al Qostanaıda «Tobyl» men «Shahter» arasyndaǵy oıyn ótýde. Ázirge bul kezdesýlerde esep ashylǵan joq. Sonymen qatar, búgin «Astana» – «Aqtóbe», «Qaısar» – «Atyraý» jáne «Qaırat» – «Oqjetpes» arasyndaǵy oıyndarǵa kýá bolamyz. «Ordabasy» (Shymkent) – «Taraz» (Taraz) 1:0 (0:0) 5 sáýir. Shymkent. «Qajymuqan» stadıony. Tóreshi: D.Izmaılov (Taldyqorǵan). «Ordabasy»: S.Boıchenko, R.Abdýlın, M.Muhtarov, A.Sımchevıch (B.Qojabaev 84), G.Súıimbaev, B.Beısenov, I.Bojıch, A.Nurǵalıev (Q.Áshirbekov 73), K.Petrov, D.Tájimbetov (B.Traıkovıch 75), E.Tuńǵyshbaev. «Taraz»: A.Grıgorenko, D.Bashlaı (O.Iаrovenko 78), I.Vorotnıkov, I.Mera, A.Muhıtdınov, M.Nuraly, E.Averchenko, I.Golıch (S.Jumahanov 59), J.Qojamberdi (T.Dosmaǵambetov 44), E.Sergıenko, A.Pıshýr. Gol: E.Tuńǵyshbaev 51. Eskertýler: S.Boıchenko 65, K.Petrov 66, Q.Áshirbekov 90+2 – I.Mera 43, A.Muhıtdınov 90+2. Elaman Qońyr. Derek: egemen.kz. Sýret: prosportkz.kz.