Qazaqstan Respýblıkasy Úkimetiniń qaýlylary

Qazaqstan Respýblıkasy Úkimetiniń qaýlysy 2010 jylǵy 18 tamyz  № 822 Astana, Úkimet úıi Qazaqstan Respýblıkasy Úkimetiniń 2003 jylǵy 5 aqpandaǵy № 131 jáne 2008 jylǵy 26 jeltoqsandaǵy № 1265 qaýlylaryna ózgerister engizý týraly Qazaqstan Respýblıkasynyń Úkimeti qaýly etedi: 1. “Saýda rynoktarynyń qyzmetin uıymdastyrý erejesin bekitý týraly” Qazaqstan Respýblıkasy Úkimetiniń 2003 jylǵy 5 aqpandaǵy № 131 qaýlysyna (Qazaqstan Respýblıkasynyń PÚAJ-y, 2003 j., № 6, 62-qujat): kórsetilgen qaýlymen bekitilgen Saýda rynoktarynyń qyzmetin uıymdastyrý erejesinde: 1-tarmaqtaǵy “Qazaq KSR-niń 1991 jylǵy 5 maýsymdaǵy Zańyna” degen sózder “Qazaqstan Respýblıkasynyń 2010 jylǵy 4 mamyrdaǵy Zańyna” degen sózdermen aýystyrylsyn; 19-tarmaqtyń 10) tarmaqshasynyń ekinshi abzasyndaǵy “Qazaq KSR-niń Zańy” degen sózder “Qazaqstan Respýblıkasynyń Zańy” degen sózdermen aýystyrylsyn; 2) “Aǵash konstrýksııalarynyń qaýipsizdigine qoıylatyn talaptar” tehnıkalyq reglamentin bekitý týraly” Qazaqstan Respýblıkasy Úkimetiniń 2008 jylǵy 26 jeltoqsandaǵy № 1265 qaýlysynda: kórsetilgen qaýlymen bekitilgen “Aǵash konstrýksııalarynyń qaýipsizdigine qoıylatyn talaptar” tehnıkalyq reglamentinde: 3-tarmaqtaǵy “1991 jylǵy 5 shildedegi” degen sózder “2010 jylǵy 4 mamyrdaǵy” degen sózdermen aýystyrylsyn. 2. Osy qaýly 2010 jylǵy 18 tamyzdan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. * * * Qazaqstan Respýblıkasy Úkimetiniń qaýlysy 2010 jylǵy 31 tamyz №848  Astana, Úkimet úıi Qazaqstan Respýblıkasy Úkimetiniń 2006 jylǵy 23 qarashadaǵy №1115 qaýlysynyń kúshi joıyldy dep taný týraly Qazaqstan Respýblıkasynyń Úkimeti qaýly etedi: 1. “Densaýlyq saqtaý salasynda attestattaýdy ótkizý erejesin bekitý týraly” Qazaqstan Respýblıkasy Úkimetiniń 2006 jylǵy 23 qarashadaǵy №1115 qaýlysynyń (Qazaqstan Respýblıkasynyń PÚAJ-y, 2006 j., № 43, 467-qujat) kúshi joıyldy dep tanylsyn. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń   Premer-Mınıstri K.MÁSIMOV. * * * Qazaqstan Respýblıkasy Úkimetiniń qaýlysy 2010 jylǵy 31 tamyz №849 Astana, Úkimet Úıi Qazaqstan Respýblıkasy Úkimetiniń 2009 jylǵy 12 qazandaǵy № 1559 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. “Densaýlyq saqtaý salasyndaǵy akkredıtteý erejesin bekitý týraly” Qazaqstan Respýblıkasy Úkimetiniń 2009 jylǵy 12 qazandaǵy № 1559 qaýlysyna (Qazaqstan Respýblıkasynyń PÚAJ-y, 2009 j., № 42, 408-qujat) mynadaı ózgerister engizilsin: kórsetilgen qaýlymen bekitilgen Densaýlyq saqtaý salasyndaǵy akkredıtteý erejesinde: “Densaýlyq saqtaý sýbektileriniń qyzmetine táýelsiz saraptamalyq baǵalaý júrgizý úshin jeke tulǵalardy akkredıtteýdi júrgizý tártibi” degen 2-bólimde: 7-tarmaqtyń onynshy abzasyndagy “144” degen sandar “216” degen sandarmen aýystyrylsyn; “Densaýlyq saqtaý sýbektilerin akkredıtteýdi júrgizý tártibi” degen 3-bólimde: 19-tarmaq mynadaı redaksııada jazylsyn: “19. Akkredıtteýden ótken densaýlyq saqtaý sýbektisine syrtqy keshendi baǵalaý nátıjelerine sáıkes akkredıtteýshi organ bekitken nysan boıynsha akkredıtteý týraly kýálik beriledi. Syrtqy keshendi baǵalaýdyń qorytyndylary balldyq júıe, medısınalyq kómek kórsetý sapasynyń ındıkatorlary negizinde akkredıtteý standarttaryna sáıkestigin ıntegraldyq koeffısıentti esepteý arqyly akkredıtteý standarttaryna sáıkestikti baǵalaýdy júrgizýmen aıaqtalady. Akkredıtteý standarttaryna sáıkestigi 60 %-dan 80 %-ǵa deıin jetken kezde akkredıtteýden ótken densaýlyq saqtaý sýbektisine 2 jyl merzimge akkredıtteý týraly kýálik beriledi, al akkredıtteý standarttaryna sáıkestigi 80 %-dan    100%-ǵa   deıin jetken   kezde 4 jyl merzimge akkredıtteý týraly kýálik beriledi.”. 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV * * * Qazaqstan Respýblıkasy Úkimetiniń qaýlysy 2010 jylǵy 1 qyrkúıek №859  Astana, Úkimet úıi Qazaqstan Respýblıkasy Úkimetiniń 2002 jylǵy 15 shildedegi № 776 qaýlysyna tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. “Kámeletke tolmaǵan balalarǵa alıment ustaý júrgiziletin tabys jáne (nemese) ózge de kiris túrleriniń tizbesin bekitý týraly” Qazaqstan Respýblıkasy Úkimetiniń 2002 jylǵy 15 shildedegi № 776 qaýlysyna (Qazaqstan Respýblıkasynyń PÚAJ-y, 2002 j., № 22, 237-qujat) mynadaı tolyqtyrýlar engizilsin: kórsetilgen qaýlymen bekitilgen kámeletke tolmaǵan balalarǵa alıment ustaý júrgiziletin tabys jáne (nemese) ózge de kiris túrleriniń tizbesinde: 1-tarmaqtyń 3) tarmaqshasy jáne 2-tarmaqtyń 4) tarmaqshasy “turaqty” degen sózden keıin “jáne birjolǵy” degen sózdermen tolyqtyrylsyn. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasy Premer-Mınıstri K.MÁSIMOV * * * Qazaqstan Respýblıkasy Úkimetiniń qaýlysy 2010 jylǵy 1 qyrkúıek №869  Astana, Úkimet úıi Qazaqstan Respýblıkasy Úkimetiniń 2005 jylǵy 11 shildedegi № 718 qaýlysyna ózgeris engizý týraly Qazaqstan Respýblıkasynyń Úkimeti qaýly etedi: 1. “Saýdadaǵy tehnıkalyq kedergiler, sanıtarlyq jáne fıtosanıtarlyq sharalar jónindegi aqparat ortalyǵyn qurý jáne onyń jumys isteý erejesin bekitý týraly” Qazaqstan Respýblıkasy Úkimetiniń 2005 jylǵy 11 shildedegi № 718 qaýlysyna (Qazaqstan Respýblıkasynyń PÚAJ-y, 2005 j., № 29, 365-qujat) mynadaı ózgeris engizilsin: kórsetilgen qaýlymen bekitilgen Saýdadaǵy tehnıkalyq kedergiler, sanıtarlyq jáne fıtosanıtarlyq sharalar jónindegi aqparat ortalyǵyn qurý jáne onyń jumys isteý erejesi osy qaýlyǵa qosymshaǵa sáıkes jańa redaksııada jazylsyn. 2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV

Qazaqstan Respýblıkasy Úkimetiniń 2010jylǵy 1 qyrkúıektegi № 869 qaýlysyna qosymsha

Qazaqstan Respýblıkasy Úkimetiniń 2005 jylǵy 11 shildedegi № 718 qaýlysymen bekitilgen

Saýdadaǵy tehnıkalyq kedergiler, sanıtarlyq jáne fıtosanıtarlyq sharalar jónindegi aqparat ortalyǵyn qurý jáne onyń jumys isteý erejesi 1. Jalpy erejeler 1. Osy Saýdadaǵy tehnıkalyq kedergiler, sanıtarlyq jáne fıtosanıtarlyq sharalar jónindegi aqparat ortalyǵyn qurý jáne onyń jumys isteý erejesi (budan ári – Ereje) “Tehnıkalyq retteý týraly” Qazaqstan Respýblıkasynyń 2004 jylǵy 9 qarashadaǵy Zańyna sáıkes ázirlendi jáne Saýdadaǵy tehnıkalyq kedergiler, sanıtarlyq jáne fıtosanıtarlyq sharalar jónindegi aqparat ortalyǵyn (budan ári – Aqparat ortalyǵy) qurý jáne onyń jumys isteý tártibin aıqyndaıdy. 2. Aqparat ortalyǵy Qazaqstan Respýblıkasy Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń “Qazaqstan standarttaý jáne sertıfıkattaý ınstıtýty” respýblıkalyq memlekettik kásipornynyń (budan ári – Kásiporyn) qurylymdyq bólimshesi bolyp tabylady jáne Qazaqstan Respýblıkasynyń zańnamasynda belgilengen tártippen qurylady. 3. Aqparat ortalyǵy óz qyzmetinde Qazaqstan Respýblıkasynyń Konstıtýsııasyn, “Halyq densaýlyǵy jáne densaýlyq saqtaý júıesi týraly” Qazaqstan Respýblıkasynyń 2009 jylǵy 18 qyrkúıektegi Kodeksin, Qazaqstan Respýblıkasynyń “О́simdikter karantıni týraly” 1999 jylǵy 11 aqpandaǵy, “О́simdikterdi qorǵaý týraly” 2002 jylǵy 3 shildedegi, “Veterınarııa týraly” 2002 jylǵy 10 shildedegi, “Tehnıkalyq retteý týraly” 2004 jylǵy 9 qarashadaǵy, “Tamaq ónimderiniń qaýipsizdigi týraly” 2007 jylǵy 21 shildedegi zańdaryn, “Eýrazııalyq ekonomıkalyq qoǵamdastyqtyń tehnıkalyq retteý, sanıtarlyq jáne fıtosanıtarlyq sharalar salasyndaǵy aqparattyq júıesin qurý týraly kelisimdi bekitý týraly” Qazaqstan Respýblıkasy Úkimetiniń 2009 jylǵy 25 naýryzdaǵy № 402 qaýlysyn, ózge de normatıvtik quqyqtyq aktilerdi jáne osy Erejeni basshylyqqa alady. 4. Aqparat ortalyǵy múddeli taraptar men shet memleketterge olardyń suraý salýy boıynsha: 1) qoldanystaǵy nemese ázirlenip jatqan tehnıkalyq reglamentter, veterınarlyq-sanıtarlyq, sanıtarlyq jáne fıtosanıtarlyq sharalar (budan ári – SFS sharalar), standarttar, olarǵa engiziletin ózgerister jáne ónimniń, qyzmettiń sáıkestigin rastaý rásimderi; 2) Qazaqstan Respýblıkasynyń halyqaralyq uıymdarǵa jáne standarttaý, sáıkestikti rastaý, akkredıtteý jónindegi eki jaqty jáne kóp jaqty sıpattaǵy halyqaralyq sharttarǵa músheligi nemese qatysýy; 3) ázirlenip jatqan jáne qabyldanǵan tehnıkalyq reglamentterdiń, standarttardyń jobalaryn nemese olar týraly aqparatty jarııalaý kózderi týraly qujattardyń kóshirmeleri men aqparatty berý maqsatynda Dúnıejúzilik saýda uıymynyń (búdan ári – DSU) Hatshylyǵymen, DSU-ǵa múshe eldermen, halyqaralyq uıymdarmen ózara is-qımyl jasaý úshin qurylady. 5. Aqparat ortalyǵynyń negizgi mindetteri: 1) saýdadaǵy tehnıkalyq kedergiler (budan ári – STK) jene SFS sharalardy qoldaný boıynsha zandy jáne jeke tulǵalarmen aqparat almasýdyń jedel júıesin qurý; 2) STK salasynda jene SFS sharalardy qoldaný boıynsha aqparattyq júıelerdi aqparattyq qamtamasyz etý, damytý jene jetildirý bolyp tabylady. 6. Aqparat ortalyǵy qyzmetiniń negizgi túrleri: 1) DSU Hatshylyǵyn, DSU-ǵa múshe elderdi, Eýrazııalyq ekonomıkalyq qoǵamdastyqqa (budan ári – EýrAzEQ) múshe elderdi, halyqaralyq uıymdardy jáne basqa múddeli taraptardy: ázirleý prosesterimen baılanysty habarlamalar, qabyldanǵan (bekitilgen) jáne qoldanysqa engizilgen tehnıkalyq reglamentter, veterınarlyq-sanıtarlyq, sanıtarlyq jene fıtosanıtarlyq sharalar, standarttar, olarǵa engiziletin ózgerister jáne ónimniń, qyzmettiń sáıkestigin rastaý rásimderi; tehnıkalyq reglamentterdiń talaptaryn, sondaı-aq veterınarlyq-sanıtarlyq, sanıtarlyq jáne fıtosanıtarlyq talaptardy, onyń ishinde memlekettik baqylaýdy júzege asyrý nátıjesinde buzýshylyq faktileri; mindetti talaptardy, onyń ishinde tehnıkalyq reglamentterdiń talaptaryn buzý saldarynan adamnyń ómiri men densaýlyǵyna, múlikke, qorshaǵan ortaǵa, ósimdikter men janýarlardyń tirshiligi men saýlyǵyna zııan keltirý men zalal ákelý (osy zalaldyń aýyrlyǵyn eskere otyryp) faktileri; tehnıkalyq reglamentterdiń talaptaryn, sondaı-aq sanıtarlyq jáne fıtosanıtarlyq talaptardy buzýshylyqty joıý úshin qabyldanǵan sharalar; halyqaralyq uıymdardan jáne úshinshi elderden alynǵan, adamnyń ómiri men densaýlyǵyna, múlikke, qorshaǵan ortany qorǵaýǵa, janýarlar men ósimdikterdiń tirshiligi men saýlyǵyna qaýip tóndiretin ónimder; qoldanystaǵy baqylaý jene tekserý rásimderi, óndiris pen karantın erejesi, pestısıdter men taǵamdyq qospalardyń ruqsat etiletin deńgeıin maquldaý rásimderi; qaýipti, bul rette eskeriletin faktorlardy baǵalaý, sondaı-aq veterınarlyq, sanıtarlyq nemese fıtosanıtarlyq qorǵaýdyń tıisti deńgeıin aıqyndaý rásimderi; karantındik, fıtosanıtarlyq, sanıtarlyq jáne epıdemıologııalyq jáne epızootıkalyq ahýaldyń jáne ýaqytsha engizilgen sharalardyń nasharlaýy; anyqtalǵan jáne taralǵan karantındik obektiler (karantındik zııandy aǵzalar); halyq arasynda ınfeksııalyq jáne jappaı ınfeksııalyq emes aýrýlardy (ýlanýlardy) tabý; adamnyń ómirine, densaýlyǵyna jáne onyń tirshilik etý ortasyna qaýipti dep tabylǵan ónim; biryńǵaı sanıtarlyq talaptarǵa sáıkes kelmeıtin baqylaýdaǵy taýarlardyń yqtımal kelip túsýi; tehnıkalyq retteý, veterınarlyq-sanıtarlyq, sanıtarlyq jáne fıtosanıtarlyq sharalar boıynsha jumystardy úılestiretin ulttyq organdar; akkredıtteý jónindegi organ; sertıfıkattaý boıynsha akkredıttelgen jáne (nemese) taǵaıyndalǵan organdar jáne akkredıttelgen synaq zerthanalary (ortalyqtary); tehnıkalyq retteý, veterınarlyq-sanıtarlyq, sanıtarlyq jáne fıtosanıtarlyq sharalar salasyndaǵy memlekettik baqylaý (qadaǵalaý) organdary; sáıkestik sertıfıkattar jáne sáıkestik týraly deklarasııalar; tehnıkalyq retteý, veterınarlyq-sanıtarlyq, sanıtarlyq jáne fıtosanıtarlyq sharalar salasyndaǵy halyqaralyq quqyqtyq qujattar; tehnıkalyq reglamentterdi ázirleý baǵdarlamalary; ulttyq (memlekettik) standarttardy ázirleý baǵdarlamalary (josparlary); ónimderdiń tehnıkalyq reglamenttiń talaptaryna sáıkestigin rastaý úshin erikti túrde qoldanylýy múmkin óńirlik (memleketaralyq) standarttar, sondaı-aq ulttyq (memlekettik) standarttar; sáıkestikti baǵalaý (rastaý) salasyndaǵy qujattar; sáıkestigin mindetti rastaýǵa jatatyn ónimder týraly qujattar; janýarlardyń qaýipti jáne karantındik aýrýlarynyń tizbesi; veterınarlyq baqylaýǵa jatatyn taýarlar tizbesi; karantındik obektiler men asa qaýipti aǵzalardyń tizbesi; karantındik fıtosanıtarlyq baqylaýǵa jatatyn karantındegi ónimderdiń (karantındegi júkter, karantındegi materıaldar, karantındegi taýarlar) tizbesi týraly aqparatpen ýaqtyly qamtamasyz etý; 2) DSU-ǵa múshe elderdiń, EýrAzEQ-qa múshe elderdiń jene STK boıynsha ári SFS sharalary jónindegi basqa da halyqaralyq uıymdardyń aqparat ortalyqtarymen yntymaqtastyqty qamtamasyz etý; 3) STK boıynsha jáne SFS sharalary jónindegi aqparatqa qol jetimdilikti qamtamasyz etetin derekqordy jene aqparattyq júıelerdi qalyptastyrý, keńeıtý jene súıemeldeý bolyp tabylady. 7. О́ńirlerdegi Aqparat ortalyǵynyń qyzmetin kásiporynnyń fılıaldary (ókildikteri) júzege asyrady. 2. Aqparat ortalyǵynyń jumys isteý tártibi 8.Aqparat ortalygy DSU Hatshylyǵynan, EýrAzEQ-qa múshe elderden jáne basqa da halyqaralyq uıymdardan habarlamanyń kelip túsýine qaraı olardy toqsan saıyn ýákiletti organnyń resmı basylymynda (Aqparat ortalyǵynyń jarshysy) jáne ortaq paıdalanylatyn aqparattyq júıede (www.memst.kz nemese www.wto memst.kz) aı saıyn ornalastyrýdy júzege asyrady. 9. Aqparat ortalyǵy osy Erejeniń 8-tarmagyna sáıkes habarlamalardy alǵannan keıin olardy 15 jumys kúni ishinde shet tilinen (aǵylshyn jáne basqa) memlekettik jáne orys tilderine aýdarýdy júzege asyrady, sondaı-aq STK boıynsha jáne SFS sharalary boıynsha alynǵan habarlamalarǵa monıtorıng júrgizedi. 10. Aqparat ortalyǵy zańdy jáne jeke tulǵalardyń suraý salýy boıynsha olardy “Jeke jáne zańdy tulǵalardyń ótinishterin qaraý tártibi týraly” Qazaqstan Respýblıkasynyń 2007 jylǵy 12 qańtardaǵy № 221 Zańynda belgilengen tártippen ázirlenip jatqan, qabyldanǵan tehnıkalyq reglamentter, standarttar, ónimniń, qyzmetterdiń sáıkestigin rastaý rásimderi; sanıtarlyq jáne fıtosanıtarlyq sharalar, sondaı-aq olarǵa engiziletin ózgerister týraly memlekettik organdardyń (ázirleýshilerdiń) aqparatymen (túsiniktemesimen) óteýsiz negizde qamtamasyz etedi. 11. Aqparat ortalyǵy DSU Hatshylyǵynyń, EýrAzEQ-qa múshe elderdiń jáne basqa da halyqaralyq uıymdardyń suraý salýy boıynsha, eger ózgesi ratıfıkasııalanǵan halyqaralyq kelisimderde (sharttarda) ózgeshe belgilenbese, Qazaqstan Respýblıkasynyń zańnamasynda belgilengen tártippen Qazaqstan Respýblıkasynda ázirlenip jatqan tehnıkalyq reglamentterge, standarttarǵa, ónimniń, qyzmetterdiń sáıkestigin rastaý rásimderine; sanıtarlyq jáne fıtosanıtarlyq sharalarǵa, sondaı-aq olarǵa engiziletin ózgeristerge memlekettik organdardyń (ázirleýshilerdiń) aqparatyn (túsiniktemesin) beredi. 12. Memlekettik organdar eki kún merzimde osy Erejeniń 6-tarmaǵynyń 1) tarmaqshasynda kórsetilgen aqparatty DSU Hatshylyǵyna, EýrAzEQ-qa múshe elderge jene basqa da halyqaralyq uıymdarga jiberý úshin STK jáne SFS sharalaryn qabyldaý nemese túsýine qaraı Aqparat ortalyǵyna jiberedi. 13. Aqparat ortalyǵy ázirleýshilerdiń derekteri boıynsha STK jáne SFS sharalary salasyndaǵy ázirlenip jatqan normatıvtik qujattar týraly shet (aǵylshyn jáne basqa) tilinde habarlamany jasaıdy jáne eger ratıfıkasııalanǵan halyqaralyq kelisimderde (sharttarda) ózgeshe belgilenbese, Qazaqstan Respýblıkasynyń zańnamasynda belgilengen tártippen DSU Hatshylyǵyna, EýrAzEQ-qa múshe elderge jáne basqa da halyqaralyq uıymdarǵa jiberedi. 14. Aqparat ortalyǵy STK jene SFS sharalary jónindegi aqparatqa qol jetimdilikti jáne ashyqtyqty qamtamasyz etý maqsatynda derekqordy jáne aqparattyq júıeni júrgizedi jáne ázirleıdi. * * * Qazaqstan Respýblıkasy Úkimetiniń qaýlysy 2010 jylǵy 1 qyrkúıek    №870 Astana, Úkimet úıi Qazaqstan Respýblıkasy Úkimetiniń 2008 jylǵy 31 jeltoqsandaǵy №1318 qaýlysyna ózgeris engizý týraly “Salyq jáne bıýdjetkek tólenetin basqa da mindetti tólemder týraly” Qazaqstan Respýblıkasy Kodeksiniń (Salyq kodeksi) 224-babynyń 4-tarmaǵyna sáıkes Qazaqstan Respýblıkasynyń Úkimeti qaýly etedi: 1. “Salyq salýda jeńildigi bar memleketterdiń tizbesin bekitý týraly” Qazaqstan Respýblıkasy Úkimetiniń 2008 jylǵy 31 jeltoqsandaǵy №1318 qaýlysyna (Qazaqstan Respýblıkasynyń PÚAJ-y, 2008 j., №47, 537-qujat) mynadaı ózgeris engizilsin: kórsetilgen qaýlymen bekitilgen salyq salýda jeńildigi bar memleketterdiń tizbesinde: 61-tarmaq alyp tastalsyn. 2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV.