Yntymaqtastyqqa belsendi úles

Keshe Májilis Tóraǵasy Oral Muhamedjanov Japonııanyń Qazaqstandaǵy Tótenshe jáne ókiletti elshisi Sıgeo Nasýıdi dıplomatııalyq qyzmetiniń aıaqta­lýyna oraı qabyldady, dep habar­lady Májilistiń baspasóz qyzmeti. Elshi óz sózinde Qazaqstan men Japonııa arasyndaǵy halyqara­lyq kelisimderdi bekitýge Parla­menttiń belsendi atsalysqanyn atap ótti. Birneshe kelisimderdi zańdastyrǵan quqyqtyq baza qos memlekettiń yntymaqtastyǵyn nyǵaıtý úshin óte mańyzdy boldy. Jýyrda Ja­ponııa parlamentshi­leri Astanada bolyp qaıtqany belgili. Olar Má­jilis úıine kelip, árip­testerimen de kezdesýler ót­kizdi. Elshi Japonııa depýtat­tary­nyń úlken rızashylyq­pen attan­ǵanyn málim etti. “Siz eki jyl boıy Qazaq­stan­dy jan-jaqty bile tústińiz. Par­la­ment­tiń qyzmetimen de jaqy­nyraq tanysyp, biraz jumys­tar­dy birge at­qardyńyz. Parlament­aralyq baı­lanystyń damýyna úles qosty­ńyz. Elimizdegi nátı­jeli qyzmeti­ńizge alǵysymyzdy bildiremiz”, – dedi O.Muha­medjanov. “Men eki jyl boıy jańa álem­di tanyp-bilgendeı boldym. Qa­zaq­stannyń tarıhy, halqynyń salt-dástúri meniń júregimde úl­ken áser qaldyrdy. Japonııa tur­ǵyndary ázirge Qazaqstan jaıly az biledi. Sondyqtan japon halqy Qazaq elin kóbirek bilýi úshin eki el ara­syndaǵy baılanysymyzdy jaqsy deńgeıge kóterýimiz kerek. Sol sekildi Qazaqstan turǵyn­dary da Japonııa jaıly tereńi­rek bilgenin qalaımyn. Týrızm salasy ázirge baıaý damýda. Aldy­myzda tur­­ǵan min­detter asa aýqym­dy. Múm­kin­di­gimiz óte zor. Men bul el­den ketsem de, árkez Qazaq­stan­nyń jetis­tik­terin na­sı­hattap jú­retin bola­myn”, – dedi S.Nasýı. Kezdesý sońynda Májilis Tór­aǵasy óz áriptesteri atynan elshiniń Qazaqstandaǵy mártebeli  qyzmetine rızashylyǵyn jetkize kelip, keleshektegi jumysynda tabysqa jete berýine tilektestigin bildirdi.