Maqsat – partııa belsendileriniń kásibıligin kóterý

“Nur Otan” halyqtyq-demokratııalyq partııasynyń Ortalyq apparatynda Joǵary partııa mektebiniń jańa oqý kezeńiniń ashylýyna oraı semınar ótti. Joǵary partııa mektebin qurýdyń negizgi maqsaty – partııanyń básekege qabilettiligin, sondaı-aq, partııalyq basqarýshylar men partııa belsendileriniń, uıym jetekshileriniń kásibıligin kóterý. Bul – elimizdiń daǵdarystan keıingi jańarý kezeńinde asa qajetti ári mańyzdy qadamdardyń biri sanalady.

Semınar jumysyn ashqan par­tııa Tóraǵasynyń birinshi orynba­sa­ry Nurlan Nyǵmatýlın óz só­zinde Joǵary partııa mektebiniń Elbasy Nursultan Nazarbaevtyń ke­zekten tys XII sezde ortalyq jáne aımaqtyq deńgeıde partııa­lyq-saıası júıesin jetildirý baǵy­tyndaǵy tapsyrmasyn oryndaý maqsatynda qurylǵandyǵyn atap ótti. “Barshańyzǵa belgili, qazirgi ýa­qytta zamanǵa saı bilim, tájirıbe bolmasa úlken tabystarǵa jetý, básekege qabiletti bolý múmkin emes. Sondyqtan, Elbasymyz, par­tııa­myzdyń Tóraǵasy Nursultan Na­zarbaev árqashanda partııa kadr­larynyń saıası bilimin, tájirıbesin kúsheıtý, sapasyn kóterý týraly tapsyrma berip keledi. Sebebi, Prezıdentimizdiń bıylǵy tarıhı Jol­daýynda kórsetilgendeı, elimiz­diń ındýstrııalyq-ınnovasııalyq damýy – aldaǵy 10 jyldyń ishin­degi eń negizgi baǵyttarynyń biri. Ony júzege asyrý jańa qadamdy, jańa ıdeıany, jańa bilimdi qajet etedi”, – dedi N. Nyǵmatýlın. Semınar barysynda qazirgi tańda partııanyń mejeli jospar­lardy júzege asyrýdy baqylaý, baǵalaý jáne taldaý jumystaryn úılestirý arqyly basymdyqty qalyptastyrý qajettigi aıtyldy. Al ol úshin ınnovasııalyq joba­lar­dy júzege asyrý úrdisine qaty­sa­tyn jáne basqarýǵa qabiletti, tolyqqandy daıyndyqtan ótken basshylar qajettigi sózsiz. Jıyn aıa­synda sondaı-aq, Joǵary partııa mektebiniń jańa tyńdaýshylaryna ókildik jáne nasıhat jumysyn qo­sa atqarý mindeti júktelip otyr­ǵan­dyǵy, sondyqtan, elimizdiń ındýs­trııalyq-ınnovasııalyq damý baǵ­dar­lamasyn tolyqqandy júzege asy­rýǵa baǵyt­talǵan partııa qyz­meti týraly bastaý­ysh uıym jetek­shi­leriniń jan-jaqty habardar bolýyn qamtamasyz etý máseleleri de áńgime ózegine aınaldy. Basqosý kezinde belgili bolǵa­nyn­daı, ótken tórt aıdyń ishinde atalǵan mektepte túrli aımaqtan 200-deı adam dáris alsa, olardyń deni bas­taýysh partııa uıymdary tóra­ǵalary eken. Semınar kezinde sóz alǵan Prezıdent kómekshisi, “Nur Otan” HDP Innovasııalyq komıtet tóraǵasy Baqyt Sultanov eldegi áleýmettik-ekonomıkalyq baǵ­darla­ma­lardy júzege asyrý ba­rysy jáne oǵan “Nur Otan” par­tııa­synyń qo­syp jatqan úlesi tý­raly mańyzdy aqparattar berdi. Al oqý baǵdar­lamasynyń partııalyq kadrlar úshin mańyzdylyǵy men “Nur Otan” HDP Joǵary partııa mektebi qyzmetiniń basym baǵyt­ta­ry týraly mektep dırektory Baqyt Esekına baıandady. Jıyn sońynda “Nur Otan” JPM veb-saıtynyń tusaýy kesildi. Láıla EDILQYZY.