Avstrııamen aıanbaı aıqasyp baqtyq...

Ádette fýtbolda myńnan bir jaǵdaıda kezdeısoqtyq degen bolyp jatady. Biz bul joly Qazaqstan quramasynyń qonaqta Avstrııa úzdik komandasynan tóre­shi belgilegen negizgi ýaqyttan ke­ıingi qosymsha mınótterde eki gol jiberip alyp, aıaq astynan utylyp qalǵanyn osy kezdeı­soqtyqqa telı salmaı-aq qoıaıyq, biraq ji­git­terimizdiń osy kezdesýde jeńi­listi emes, quryǵanda teń oıyn­ǵa ábden laıyqty óner kór­setken­derine shúbá keltire al­maımyz. Tap osy matchta res­pýblıka qura­m­asy, sóz joq, óziniń elimiz táýel­sizdik alyp, derbes qurama koman­dasyn ha­lyq­aralyq sport arena­laryna shyǵara bastaǵaly bergi ta­rıhyndaǵy ázirge eń jaqsy oıy­nyn kórsetti. Avstrııanyń Zalsbýrg qala­synda ótken bul oıynda qazaq fýt­bolshylary alańsyz qorǵanys­qa ketip, qarsy­la­sy­nyń aıaq aly­syn ańdyp otyra bergen joq. Olar tip­ti kez­desýdiń kóp bóligin shabýyl­­men ótkizip, alań ıeleri qaq­pasynan sańylaý izdeýmen boldy. “Bizge qorǵanysqa ba­ryn­sha qatty nazar aýdarý kerek”, de­gendi qura­manyń bas jattyqtyrý­shysy Bernd Shtork árbir match saıyn qaı­ta­laýmen júretin. Al osy joly bizdi sońǵy mınótterde tap osy qorǵanysqa qatty kóńil bóle almaı qalǵanymyz taqyrǵa otyr­ǵyzyp ketti. Sonyń sal­dary­nan qosymsha ýaqyttyń bi­rin­shi jáne ekinshi mınótterinde qaqpa torynan dop alýǵa májbúr boldyq. Osynyń aldyndaǵy túrik­termen bolǵan oıynmen salystyr­ǵanda, Shtork alańǵa úsh oıynshy­ny óz­gertip shyǵardy. Bul joly jú­gir­gende óz salmaǵyn alyp júre al­maı­­tyn Sergeı Ostapenkonyń ornyna shabýyldyń aldyńǵy ótinde odan góri áldeqaıda shıraq Gleb Malsev oınady. Sol qap­tal­daǵy Genrıh Shmıtgaldi “Aq­tóbe” sa­pyn­da jarqyrap júr­gen Evgenıı Averchenko almastyrdy. Al alań­nyń ortasynda júretin Maksım Averchenkony jaqynda bizdiń aza­mattyqty qabyldaǵan reseılik Kaz­bek Geterıev yǵys­tyrdy.Ol ótken oıynda oınaǵan joq edi. Onymen bir mezgilde kelgen reseı­lik Alek­seı Popov ótken oıynda da, bul joly da ortańǵy shepte oıqastady. Bizdiń qaqpaǵa birinshi goldyń túsýine tap osy fýtbolshy sebepker boldy. Ol týraly áńgime alda... Match birinshi mınótterden asa tartysty bastaldy. Osy kezde biz­diń oıynshylar alań ıelerinen kem oıyn kórsetpedi, avstrııa­lyqtar bizdikinen az qatelespeı qalǵan joq. Eki jaǵy qaı tusynan kel­gende de, bir-birimen tepe-teń túsip jatty. Al qaqpaǵa tikeleı qaýipti aldymen avstrııalyqtar ja­­sady. Oıynnyń 10-shy mı­nó­tin­­de alań­nyń ortasynan dop alyp, alǵa um­tylǵan Martın Harnık áp-sátte bizdiń golkıper Andreı Sıdel­nıkovpen betpe-bet kele qaldy. Bir táýiri, qaqpa­shymyz asa sasa qoımady, órekpip kelip qalǵan shabýylshynyń soqqysyn qaı­taryp úlgerdi. Al úsh mınýttan ke­ıin osyndaı soq­qyny bizdiń Aleksandr Kıslısyn da jasady. Ol da osylaı alańnyń jartysyn kókteı ótip, qaqpa alańyna kirdi de, ortadan jerletip uryp jiberdi. Biraq dop shtanga baǵanasynyń janynan zý ete tústi. Taǵy eki mı­nót ótkesin Mark Iаn­ko oń qanat­tan kóldeneń kelgen dopty bizge qaraı tartyp kep saldy. Soqqy jasar kezinde Renat Abdýlınmen bettesip qalǵan ol múlt ketti. 16-shy mınótte Frans Shımer alys­tan keremet soqqy berdi. Ol da qaqpa janynan ys­qyryp óte shyqty. Matchtyń 28-shi mınótinde Nur­bol Jumasqalıev alańnyń orta­synda dopqa ıelik etip, alǵa júgirdi de, sońǵy núkteni ózi qoı­ǵysy keldi. Alaıda, onyń soqqy­syna dáldik jetispeı qaldy. 33-mınótte jasal­ǵan bizdiń shabýy­lymyzdy alań ıeleri qolmen oı­nap toqtatty. Osyǵan baıla­nysty berilgen aıyp dobyn oryndaǵan Geterıev ony qaqpa alańyna jetkizdi. Sol jerde dopty alań ıe­leriniń qaqpashysy baspen qaı­taryp úlgerdi. Budan keıin Azat Nurǵalıev te eki ret osyndaı aıyp dobyn oryndap, olardy shtan­ganyń alys bury­shy­nan asy­ryp jiberdi. Al 36-shy mınótte Shımer taǵy da ózin kór­sete bildi. Bul joly onyń soq­qy­syna Andreı Karpovıch kedergi keltirip úlgerdi. Soqqy sonda da bolsa, darbaza alańyna jetip, bizdiń golkıperdiń qolymen aýtqa jibe­ril­di. Osyǵan baılanysty be­ril­gen buryshtama doby taǵy da Shımerdi taýyp, onyń basy arqy­ly qaqpaǵa qaraı zaýlady. Biraq bizdiń darbazabon múlt ketken joq. Alań ıeleri ekinshi taımdy birden qaýyrt bastady. Shamasy, úzilis kezinde bapkerleri tarapy­nan kóp eskertý men aqyl-keńes alsa kerek, olar salǵan jerden shabýylǵa yshqyna kiristi. Bul bizdiń fýtbolshylardy jappaı qorǵanysqa kóship, aıaqtaryna tıgen dopty ońdy-soldy alysqa tebe berýge májbúr etti. Sondaı qarbalastardyń birinde, oıynnyń 49-shy mınótinde avstrııalyq Lıns bizdiń aıyp alańynda Ab­dýlınmen soqtyǵysyp, qulap qal­dy. О́ziniń áriptesi Felı Kavlak­pen qaqpaqyl oınap, ishke kirgen ol bizdiń oıynshyǵa qaraı ózi um­tylyp edi. Stadıon toly kórer­men men avstrııalyq fýtbolshylar penaltı talap etip turyp aldy. Biraq horvatııalyq tóreshi M.St­ra­­honıa bul arandatýǵa túsken joq. Bul aralyqta bizdiń Averchenko men Kıslısyn bir-birden qarsy shabýylǵa shyǵyp qaıtty. Sodan keıingi qaýipti soqqyny bizge 54-shi mınótte Ekrem Dag jasady. Osydan keıin qazaqstandyqtar qaıtadan esin jınap alǵandaı boldy. О́z-ózderine jaqsy kelip al­ǵan olar aldaǵy 11 mınóttiń aý­qymynda qarsylastarǵa qaraı úsh ret joıqyn qarsy shabýyl uıym­dastyrdy. Bulardyń bári de belgili bir dárejede qaqpaǵa aıtarlyqtaı qaýip tóndirdi. Bular­dyń birinshisi Karpovıchtiń pasy­nan keıin Aver­chenkonyń sol qap­talmen júgi­rip ótip, qaqpaǵa ba­ǵyt­taýymen aıaq­tal­dy. Ekinshi me­zet­te ekinshi taımda Malsevtiń ornyna shyqqan Sergeı Hıj­nı­chenkoǵa dop jiberildi. Bizdiń jaq­taǵy eń jas oıynshy. Biraq, bul dopqa jetip úlgere almady, ony qaqpashy Maho qaǵyp áketti. Ke­le­si kóriniste Aleksandr Kırov qarsy­lasynan qarsy alań betinde dop tartyp alyp, úsheýge tórteý bolyp shabýyldady. Biraq bizdiń jartylaı qorǵaýshy dopty óz aıa­ǵy­men qarsylasyna berip qoıdy. Alań ıeleriniń qaqpasy qul­pyn ashatyn eń qolaıly sátti bizdiń jigitter 66-shi mınótte du­rys paı­da­lana almady. Bizdiń qaqpa ala­ńy­na qaraı berilgen buryshtama dobyn Sıdelnıkov qaǵyp aldy da, ony qolymen qarsylastar alańyna qaraı áýe­lete laqtyrdy. Ol sol boıda ba­ryp Hıjnıchenkonyń ta­ba­ny as­tyna tústi. Ony ala sala al­ǵa um­tyl­ǵan Sergeı kelesi kezek­te Ju­masqalıevti soqqy jasaıtyn jerge ádemi shyǵardy. Al Nurbol ony alǵasyn shamamen 17 metr qa­shyqtyqtan qaqpaǵa qaraı zyr­lat­ty. Bul dopty Mahno qol­men joǵa­ry qaraı kóterip jiberip qana qaq­pasyn goldan aman saqtap qaldy. Budan eki mınót ótkesin alań ıeleri taǵy shabýylǵa shyqty. Aldymen alystan Krıstıan Fýhs uryp baıqastady. Ony Sıdel­nıkov sekirip baryp, buryshqa jiberdi. Al 70-shi mınótte bizdiń jaqtan tap sondaı bir jóńkilgen shabýyl órbidi. Ony Hıjnıchenko qaqpaǵa qaraı jaqsy uryp edi, biraq soqqysy jáı bolyp qa­lypty, qaqpashy qınalmaı ustap aldy. Sodan soń Jumasqa­lıev sta­­dıon toly kórermen­niń júre­gin toqtatyp qoıa jaz­daǵan ta­ǵy bir soqqyny keremet shıyr­dy. Bul jer­de osyǵan jetkizgen bizdiń ka­pı­tan Kar­povıch boldy. Ol aldymen aıyp alańy bury­shynan qaqpaǵa qaraı dop atty. Biraq soqqy tómen ket­ti de, qaqpa syzy­ǵy aldynan kólbeı ótti. Al onyń arǵy múıisinde qor­ǵaý­shylardyń kózderinen tasada qalǵan bizdiń Nurbol tur edi. О́ki­nishke oraı, onyń baspen urmaq bolǵan doby sol boıy silkinip óte shyqty. Oıyn­­nyń 89-shy mınótinde biz alań ıeleri qaqpasyna soń­ǵy márte soqqy jasap úlgerdik. Osymen oıyn teń aıaqta­latyndaı kóringen. Biraq tóreshi qosqan 4 mınót bárin búldirip ketti. Shamasy, bizdiń oıynshylar da osy kezde bári artta qalǵandaı bolyp, azdap bosańsyp ket­ken bolýy kerek. Sony alań ıeleri ádemi paıdalanyp ketti. Bul joly da bizdiń jigit­ter shabýyl uıymdas­tyryp kórmek sııaqty bol­ǵan. Olar óz alańdary ishinde dop al­ǵan boıda ony betal­dy tebe ber­meı, óz oıyn­shymyzǵa jet­kizýge tyrysyp baqty. Bizdi qurt­qan da osy boldy. Aıyp alańyn­daǵy qarbalas kezin­de dop Alekseı Popovtyń aıaǵy­nyń astyna top ete tústi. Ol muny birden alysqa tebý ornyna ıkemge keltirip alyp, óz áriptesine asyrmaqqa umtyldy. Onyń solaı tastaǵan dobyn Roland Lıns joldan ilip áketti... Sosyn bizdiń sasyp qalǵan jigitter gol artynan gol jiberdi. Esep – 0:2! Endi bizdiń toptaǵy qurama­lardyń eki týrda oınaǵan oıyn­dary nátıjelerin bereıik. 3 qyr­kúıek. Belgııa – Germanııa – 0:1. Ger­ma­nııa – Ázirbaıjan – 6:1. Túr­kııa – Belgııa – 3:2. Osymen eki oıynnan 6 upaı jınaǵan Ger­manııa jáne Túrkııa komanda­lary týrnır kes­tesinde 1-2 oryndardy bólisip keledi. Úshinshi orynda Avstrııa tur. Bul eki týrda sensasııa atanǵan oıyndar da oryn aldy. Biz bulardyń qataryna 3 qyrkúıek kúni Lıssabonda Portýgalııa men Kıpr arasynda ótken oıynnyń 4:4 esebimen teń oınalǵanyn, Fransııanyń óz alańynda Bela­rýsten 0:1 esebimen utylyp qal­ǵanyn, 7 qyrkúıekte Reseıdiń óz alańynda slovaktardan, chehtardyń lıtvalyqtardan osyndaı eseppen jeńilgenin aıtar edik. Barlyq toptardaǵy kezekti týrdyń oıyndary qazannyń 8-i kúni oınalady. Serik PIRNAZAR.