Máseleniń mánisi
О́rt bolardan bir kún buryn ǵana biz Shaldaı orman sharýashylyǵynda bolyp, “Ertis ormany” tabıǵı rezervatynyń basshysy Qazbek Ámetovpen kezdesip, orman sharýashylyqtarynda jasalyp jatqan jumystar barysymen tanysyp qaıtqan edik. О́kinishke qaraı, 8 qyrkúıek kúni bastalǵan daýyl kezinde Sharbaqty jáne Lebıaji aýdandaryna qarasty orman sharýashylyqtary qyzyl órtke orandy. Oblystyq tótenshe jaǵdaılar basqarmasynyń habaryna qaraǵanda, ormanǵa jaqyn ornalasqan Kókjal, Shoqtal, Jabaǵyly aýyldarynda ormanshylar arasynda adam shyǵyny oryn aldy, 6 adam qaza boldy, jaraqat alǵandary da bar. Kópshilik turǵyndar kórshiles Begen, Tósaǵash aýyldaryna ýaqytsha kóshirildi. Shamamen orman sharýashylyǵynyń 2 myń gektardaı jeri órtenip ketti.
Orman órti oryn alǵan aýmaqqa Úkimettiń osy oqıǵany erekshe nazarǵa alýy nátıjesinde Tótenshe jaǵdaılar mınıstri Vladımır Bojko jáne oblys ákim Baqytjan Saǵyntaev ta jedel kelip jetti. О́rtti aýyzdyqtaý jáne turǵyndardyń qaýipsizdigin qamtamasyz etý jónindegi jedel shtab quryldy. Qazir barlyq tehnıkalar jumylyp, ushaqtar kelip, órtti sóndirýge áskerıler, quqyq qorǵaý oryndary, órt sóndirý qyzmetteriniń jáne jergilikti ákimdikter tarapynan búkil kúsh-qýattar jumyldyrylýda. Astanadan osy salaǵa qatysy bar mınıstrlik ókilderi de kelip jetti. Lebıaji aýdandyq aýrýhanasynda oblystyq densaýlyq saqtaý basqarmasy tarapynan barǵan jedel sanıtarlyq brıgadalar órtke kúıip jaralanǵan ormanshylarǵa, aýyl adamdaryna kómek jasaýda. Sóıtip, ala jazdaı tynysh jatqan Shaldaı ormandaryna órt qaıta aınalyp soqty. Qatty jelden elektr symdary oralyp ushqynnan órt shyqty ma degen dúdámal bar. Jergilikti jurtshylyq munyń sebebi, qalyń aǵashty qyrqyp, paıda kórmek bolǵandardyń orman ishin bólise almaı birimen-biri “qyryq pyshaq” bolýynyń kesirinen bolýy da múmkin dep otyr. Bireýler shyrpy shaqpasa ózdiginen turǵan qalyń aǵash qandaı jel bolsa da ózinen-ózi tutanbaıdy ǵoı... Farıda BYQAI. Pavlodar oblysy.
