“Beıbit mıssııa” jalaýyn kóterdi­

Keshe Almatyda “Beıbit mıssııa – 2010” terrorǵa qarsy birlesken áskerı oqý-jattyǵýy sheńberinde Shanhaı yntymaqtastyq uıymyna múshe memleketter Qarýly Kúshteri Bas shtabtary bastyqtarynyń qatysýymen áskerı-saıası keńes ótti. Keńes barysynda Shanhaı yn­tymaqtastyq uıymyna múshe mem­leketterdiń áskerlerin shartty da­ǵ­darys jaǵdaıyn retteýge paıdalaný týraly usynystar qarastyrylyp, jan-jaqty pysyqtaldy. Áskerı-saıası keńeske qatysý­shy­lar halyqaralyq jáne aımaqtyq jaǵ­daıǵa, ShYU qorǵanys qaýip­siz­digi sa­lasyndaǵy yntymaqtastyq pen basqa da ortaq múddedegi birneshe másel­e­­lerge keńinen toqtaldy. “Beı­bit mıs­sııa-2010” oqý-jattyǵýy­nyń jetekshi­si general-maıor Murat Maı­keev ás­ke­rı-saıası keńeske qa­tysý­shylardyń nazaryna oqý-jattyǵýdyń maqsaty men mańyzyn, sondaı-aq shartty áskerı-saıası jaǵdaıdy jetkizdi. Keńes qorytyndysy boıynsha Shanhaı yntymaqtastyq uıymyna múshe memleketter Qarýly Kúshteri Bas shtabtarynyń bastyqtary birlesken jedel dırektıva ázirlep, oǵan qol qoıdy. Qazirgi ýaqytta Qazaqstan Qa­rý­ly Kúshteri Qurlyq áskerleriniń “Má­tibulaq” polıgonyna “Beıbit mıs­sııa-2010” oqý-jattyǵýyna qa­ty­sý úshin Qazaqstan, Qytaı, Reseı, Tájikstan jáne Qyrǵyzstannyń ás­kerı bólim­she­leri shoǵyrland­yry­lyp jatyr. – ShYU-ǵa múshe memleketter túgelge derlik qatysatyn osyndaı úlken deńgeıdegi jattyǵý uıym tarı­hyndaǵy sózsiz mańyzdy oqıǵa deýge turarlyq, – dep atap ótti QR QM Shtabtar bastyqtary komıte­tiniń tóraǵasy, general-polkovnık Sáken Jasuzaqov. – Bul jattyǵýlar álem­dik qaýymdastyqqa ShYU-nyń aı­maqtaǵy turaqtylyq pen qaýipsiz­dikti qamta­masyz etýge qaýqarly jáne zamanaýı qaýip-qaterlerge qarsy turarlyq tapsyrmalardy óz betinshe sheshýge qabiletti ekenin kórsete bilýi kerek. Qazaqstan 2010 jylǵy maýsym aıy­nan bastap Shanhaı yntymaqtas­tyq uıymyna tóraǵalyq etýdi qolǵa aldy. Osyndaı jaýapty laýazymda otyryp, uıymǵa múshe memleketter­diń qatysýy­men “Beıbit mıssııa- 2010” oqý-jattyǵýyn ótkizý bizdiń el úshin úlken mártebe. Bıylǵy jattyǵýǵa úsh myńnan astam áskerı qyzmetshi qatystyry­lady. Sonymen qatar, úsh júzdiń ústinde áskerı tehnıka, elýden astam ushaqtar men tikushaqtar tartylǵan. Terrorǵa qarsy halyqaralyq jat­tyǵýǵa daıyndyq pen ony ót­ki­zýge QR Tótenshe jaǵdaılar mı­nıstr­liginiń, IIM Ishki áskerleriniń, Ulttyq qaýipsizdik komıtetiniń bólimsheleri de qatystyrylatyn bolady. Jattyǵý baǵdarlamasyna sáıkes áskerler jedel tapsyrmany alǵan sátten bastap terrorǵa qarsy birlesken operasııalarǵa daıyndyq pen ony ótkizýge kirisedi. Jattyǵýǵa ázirlik barysynda ShYU-ǵa múshe memleketter Qarýly Kúshteriniń bólimsheleri birneshe birlesken daıyndyqtar ótkizedi. Jattyǵýdyń sheshýshi kezeńi 2010 jylǵy 24 qyrkúıekke josparlanǵan. Jattyǵýlardy baqylaý úshin “Má­tibulaq” polıgonyna ShYU-ǵa múshe memleketterdiń qorǵanys mınıstr­leri, sondaı-aq Ázirbaıjan men Ýkraına qorǵanys vedomstvola­ry­nyń basshylary keledi. Ońtústik astanada ótken áskerı-saıası keńesten soń uıym Qarýly Kúshteri Bas shtabtarynyń bastyq­tary “Mátibulaq” polıgonyna ush­yp keldi. Bul jerde joǵary laýa­zymdy meımandarǵa jattyǵý je­tekshisi, Qurlyq áskerleriniń bas qolbas­shy­sy general-maıor Murat Maıkeev oryn alǵan shartty jaǵ­daı­dy baıan­dap, aımaqtaǵy koa­lı­sııalyq kúsh­terdiń ornalasýyn jet­kiz­di. Son­daı-aq, bas shtab bas­tyq­taryn bi­rikken kúshterdiń operasııa­lardy or­yndaý barysynda birlese qımyldaý jos­par­larymen tanystyrdy. Muharbek MAHAMBET, QR Qorǵanys mınıstrliginiń baspasóz qyzmeti.