“Samuryq-Qazyna” qory – bas demeýshi

Sársenbi kúni “2011 jylǵy VII Qysqy Azııa oıyndary uıymdastyrý komıtetiniń atqarýshy dıreksııasy” AQ pen “Samuryq-Qazyna” ulttyq ál-aýqat qory” AQ arasyndaǵy yntymaqtastyqty nyǵaıtý jónindegi kelisimge qol qoıyldy. Azııa oıyndary – Qazaqstan­nyń sport tarıhyndaǵy erekshe oqı­ǵa. О́ıtkeni, ol elimizdiń sport­tyq menedjmentiniń tájirıbesin jetildirip qana qoımaı, álemdik aýqymdaǵy bet-bederin arttyrady. Oǵan qosa, otandyq kompanııa­lar­dyń qadamyn qaryshtatyp, olar­dyń brendin tanymal ete túsedi. VII Qysqy Azııa oıyndaryn ótkizýdi ekonomıkalyq turǵydan tıimdi paıdalaný maqsatynda uıym­­dastyrý komıteti 6 dáreje boıynsha 43 demeýshilik paket taldady. “2010 jylǵy VII Qysqy Azııa oıyndary uıymdastyrý ko­mı­tetiniń atqarýshy dıreksııasy” AQ-pen kelisimnen keıin “Sa­muryq-Qazyna” ulttyq ál-aýqat qory” AQ 2011 Azıadanyń bas demeýshisi bolatyn boldy. “Tájirıbe kórsetkendeı, halyq­aralyq sporttyq sharalarda birinshi deń­geıdegi negizgi paketter­ge iri ult­tyq kompanııalar ıe bola­dy. Máse­len, Beıjiń Olımpıa­dasynda negiz­gi seriktes – “Sinopec GNPC”, “Bank of China”, “China network”, “China mobile” kompa­nııa­lary bolsa, Sochıde ótetin Qysqy Olım­pııalyq oıyndardyń serik­testeri – “Rosneft”, “Ros­telekom”, “Sber­bank”, “Aero­flot”, t.b. “Samuryq-Qazyna” qory – iri kompanııa. Bul kompanııa iri áleý­met­tik jobalardy qoldaýda mol jár­demin tıgizip otyr. Sonyń ishin­de VII Qysqy Azııa oıyndaryn ót­kizbek”, – dep atap kórsetti 2011 jyl­­ǵy VII Qysqy Azııa oıyndary uıymdastyrý komıtetiniń atqarý­shy dıreksııasy” AQ prezı­denti Anatóli Qulnazarov. “Sheshim qabyldaý negizinde Azııa oıyndarynyń qazaqstandyq kom­panııalardy álemdik aýqymǵa bas­taı­tyn keremet múmkindigine erek­she mán berdik. Bul jaǵdaıdy maq­satty túrde paıdalanýymyz qa­jet. Azııa oıyndary Azııa ryno­gy­na ený jolyndaǵy senimdi seriktes­tikke jol ashady, – dedi “Sa­muryq-Qazy­na” UÁQ” AQ-tyń bas­qarýshy dırek­tory – basqarma múshesi Qaırat Áıtekenov. Uıymdastyrý komıtetiniń demeý­shilik paketi aıasynda “Sa­muryq-Qa­zyna” UÁQ kompanııa­sy­nyń bren­­din alǵa jyljytý jolyn­da Azııa oıyn­daryna deıin de, ony ót­kizý kezinde de keń kólemde qyz­met kór­setilmek. Bas demeýshi Azııa oıyn­­dary ótetin barlyq negizgi sport­tyq jáne qosal­qy nysan­dar men oqıǵaǵa arnalǵan nysandarǵa erekshe yqy­las tanytý­da. Bul pa­ket­tiń keremet­tigi – alǵa jyljy­ǵan baǵ­dar­lama­nyń keshendi ári maqsatty bolýy. “Samuryq-Qazyna” ıelik etken demeýshilik paket quny 3 mlrd. teń­geni quraıdy. Demeýshilik aıa­synda bó­lin­gen qarjy uıymdas­tyrýshy­lyq, teh­nı­kalyq jáne bet-beder má­selesin she­­shý­ge baǵyttal­maq. Uıym­dastyrý ko­­­mıteti barlyq sport­tyq nysandar­ǵa biryńǵaı baqylaý bıleti júıesin be­kitýdi josparlaýda. Bul josparǵa sport­tyq nysandardy ın­fra­qury­lym­­dyq jaǵynan jetildirý de kiredi. Son­daı-aq, testtik jarys ótkizý shy­­­ǵy­­ny jabylyp, aqparat­tar taratyl­maq.