“Qyzyljar” kombaıny shyǵaryla bastady

Memleket basshysy Nursul­tan Nazarbaevtyń taǵy bir tap­syr­masy Qyzyljar óńirinde oryn­daldy. Ol – “Qyzyljar-1300” dep atalatyn astyq kom­baı­nynyń qurastyrylýy. Joba jýyrda júzege asyp, sý jańa on tehnıka óz ıelerin tapty. “Qaz­Be­lagroprommash” birlesken ká­sip­orny” JShS-nyń ashylý saltana­tyna jınalǵandardy otandyq aýylsharýashylyq tehnıkalary­nyń básekege qarymdy qyrlary erekshe qyzyqtyrdy. Kóktemge salym Belarýs memleketiniń mamandary Qyzyl­jar óńirine arnaıy isasparmen kelip, oblys basshylyǵymen eki jaqqa da tıimdi bolatyn bir­les­ken kásiporyn ashý ýaǵdalas­ty­ǵyna qol jetkizgen edi. Arada kóp uzamaı óndiris orny Taı­yn­sha stansasynda oryn teýip, má­shı­ne-traktor jóndeý zaýyty­nyń ǵımaraty bosatylyp berildi. Qazaqstan men Belarýstiń “QazBelagroprommash” birlesken kásiporny astyq jınaıtyn kombaındardy TMD elderine de jetkizýmen aınalysatyn bolady. Prezıdent jýyrda oblysta bol­ǵan jumys saparynda alǵash qurastyrylǵan “qyr kemelerin” kórip, “Qyzyljar” ataýyn usyn­­ǵan edi. Tusaýkeser rásimde sóılegen sózinde oblys ákimi Serik Bilálov Elbasy bıylǵy Joldaýynda agroónerkásip keshenin damytýǵa baılanysty keleli mindetter qoıǵanyn, so­lardyń biri údemeli ındýstrııa­lan­dyrý baǵyty bolyp taby­la­tynyn, búgingi jıyn óńirde ın­vestısııalyq saıasatty iske asy­rýdyń naqty kórinisi, máshıne jasaý salasyn órkendetýdegi mańyzdy oqıǵa ekenin jetkizdi. JShS keleshekte jylyna 250 kombaın qurastyrýdy mejelep otyr. Bir kombaınnyń baǵasy 17 mıllıon teńgeni quraıdy. Reseıdikine qaraǵanda 5 mıllıon teńgege arzan. Belarýstiń “Lıda Agromash” zaýyty bas dırektorynyń oryn­basary Andreı Zaharchýk dıqan­darǵa usynylyp otyrǵan kom­baın­darǵa jan-jaqty sıpattama berip, artyqshylyqtaryn jipke tizgendeı aıtyp berdi. Ol óz sózinde birlesken kásiporyn ónim­deriniń sapaly ári arzan aýylsharýashylyq tehnıkalaryn shyǵarýmen álemdik rynokta tanymal nemistiń “CASE” fır­masyna balama ekenin aıta kelip, úsh deńgeıli tazartý masaqtan dánniń tolyq alynýyna, 260 attyq kúshi bar qýatty motor bir saǵatta 12-14 tonna astyq tazar­týǵa múmkindik beretinin alǵa tartty. Kabına kondısıonermen, kompıýtermen jabdyqtalǵan. Sol-aq eken, 10 kombaınnyń ıeleri tabyla ketti. “Nadejda-Sever” JShS-niń dırektory Dáýrenbek Qabdóshev ózderiniń ınvestory “Bogvı” fırmasynyń 5 kombaın satyp alýǵa yqylasty ekenin jetkizse, “Esmuqanov”, “Mádına” JShS-lar da osyn­sha tehnıkaǵa “quda tústi”. О́mir ESQALI. Soltústik Qazaqstan oblysy.