Vladımır Vasılevıch NI

2010 jylǵy 10 qyrkúıekte 78 jasqa qaraǵan shaǵynda tamasha adam, talantty uıymdastyrýshy jáne basqarýshy, óziniń uzaq jyldarǵy joǵary kásibı qyzmeti­men eldiń áleýmettik-ekonomı­ka­lyq damýyna, Qazaqstan memle­ket­tiliginiń qalyptasýy men ny­ǵaıýy­na eleýli úles qosqan Vla­dı­mır Vasılevıch Nı qaıtys boldy. V.V.Nı 1933 jylǵy 7 qańtarda Reseı Federasııasynyń Vladı­vos­tok qalasynda týǵan. Onyń eńbek joly Qazaq ken-metal­lýrgııa ıns­tıtýtyn bitirgennen keıin bizdiń elimizdiń halyq sharýashylyǵy keshenimen tyǵyz baılanysty boldy. Ol kómir óndirý jónindegi ýchaske qyzmet­shisinen Memlekettik josparlaý komıtetiniń kómir ónerkásibi jáne gazdandyrý bólimi basty­ǵynyń orynbasaryna, odan keıin eldiń Mınıstrler Keńesi Tóraǵasynyń kómekshisine deıingi úlken eńbek jolynan ótti. О́ziniń uıymdastyrýshylyq qabiletiniń, joǵary kásibı jáne mo­raldyq qasıetteriniń arqa­syn­da Vladımır Vasılevıch qoǵamda zor bedel men qurmetke bólendi. Ol árdaıym bar kúsh-qýatyn jumysqa jumsap, ony janyn sala atqaratyn. Táýelsiz Qazaqstandy qurýdyń mártebeli paryzyna, elimizde prezıdenttik ınstıtýtyn damytýǵa adal bolyp, óziniń bel­sendi jumysymen reformalardyń alǵa qaraı basýyna, qoǵamda tu­raqtylyq pen kelisimdi qamta­ma­syz etýge járdemdesti. Bul, ásirese, onyń Prezıdent Apparaty Basshysynyń orynba­sary – Qazaqstan Respýblıkasy Prezıdentiniń janyndaǵy Sharýashylyq basqarmasynyń bastyǵy, sodan keıin Memleket basshysynyń Is basqarýshysy bolyp jumys istegen kezeńinde aıshyqty kórindi. Onyń úlesine Astana qurylysyna tikeleı de belsene qatysýdyń, memlekettik organdardy bizdiń jańa elordaǵa kóshirýdi qamtamasyz etýdiń zor qurmeti men jaýapkershiligi tıdi. V.V.Nıdiń qyzmetin memleket joǵary baǵalady, ol “Otan”, “Qazaqstan Respýblıkasynyń Tuńǵysh Prezıdenti Nursultan Nazarbaev” ordenderimen, kópte­gen medaldarmen nagradtalǵan. Vladımır Vasılevıchpen birge jumys istegenderdiń bári de ony bar bolmysymen iske berilgen adam retinde bildi, ol úshin elge jáne halyqqa, progress pen de­mokratııanyń joǵary murat­taryna qyzmet etý basty nárse bolatyn. Vladımır Vasılevıch Nıdiń jarqyn beınesi bizdiń júregimizde árdaıym saqtalady. Qazaqstan Respýblıkasy Prezıdentiniń Ákimshiligi. Qazaqstan Respýblıkasy Prezıdentiniń Is basqarmasy.