“Jol kartasy” jalǵasyn tabady

Jaqsy nátıje bergen “Jol kar­tasy” baǵdarlamasy aldaǵy ýaqytta da jalǵasyn tabady. Eńbek jáne ha­lyq­ty áleýmettik qorǵaý mınıstri Gúl­shara Ábdiqalyqovanyń Batys Qa­zaqstan oblysyna eki kúndik jumys saparynan osyndaı oı túıýge bolady. Saparynyń alǵashqy kúni saıa­sat­ker áıelder klýbynyń alǵashqy oty­rysyna qatysyp, mádenıet jáne áleý­mettik sala qyzmetkerlerimen de kezdesip úlgergen Gúlshara Naýsha­qy­zy budan keıingi ýaqytyn “Jol kar­tasynyń” jergilikti jerde oryndalý barysymen tanysýǵa arnady. Áýeli kúr­deli jóndeýden ótken Jeńis ala­ńynda bolǵan mınıstr mundaǵy atqa­ryl­ǵan jumys sapasyna oń baǵa berdi. Batys Qazaqstanda sońǵy kezde áleýmettik sala nysandary kóptep ashy­lyp jatqany belgili. Qalanyń halyq tyǵyz qonystanǵan 9-shaǵyn aýdanynda Premer-Mınıstr Kárim Má­simovtiń qatysýymen bıyl ashyl­ǵan №5 qalalyq emhanany sonyń biregeıi deýge bolady. Jańa úlgimen salynǵan emdeý ornynyń ishi-syrty birdeı jarqyrap tur. Mınıstr de ǵımaratty asyqpaı aralap, medı­sı­nanyń sońǵy jetistikterimen jaraq­tan­dyrylǵan emdeý kabınetterin kóz­ben kórdi. Ǵımarattyń mańaıy abat­tandyrylyp, tal-terek otyrǵyzyl­ǵan. Gúlshara Ábdiqalyqova budan keıin Máskeý kóshesi boıyndaǵy uzyndyǵy eki shaqyrym quraıtyn kúrejol qurylysymen de tanysty. Buryn jaýyn-shashyndy kúnderi laısań bolyp jatatyn kóshege qat­qyl tabandy jol tóselgen. Merdiger ujym — “Ýralskdorstroı” JShS jol qurylysyna 212 adamdy tartyp, 213 mln. teńge qarjy ıgergen. Ár jumysshy orta eseppen 35-40 myń teńge mólsherinde tabys tapqan. “Jol kartasy-2010” baǵdarlamasy sheńberinde sheshimin tapqan jol qurylysynyń sapasy udaıy baqy­laýda jáne joǵary deńgeıde. Kóshe bo­lyp eseptelgendikten munda kólik­pen qatar jaıaý júrginshige arnalǵan trotýar da salynýda. Mártebeli meıman aralap kórgen soń­ǵy nysan — Eýrazııa kóshesi boıyn­daǵy №3 “Elochka” balabaqsha­sy 1975 jyly salynǵan ǵımaratta ornalasqan. Sodan beri kúrdeli jóndeý kórmegen balabaqsha eki jyl ishinde adam tanymastaı ózgeripti. Jaqsylyqqa jol bastaǵan sol “Jol kartasy”. Balabaqsha dırektory Olga Kanashkınanyń sózine qaraǵanda, eki kezeńnen turǵan jóndeý jumystaryn júrgizgen “SPS” JShS 59 adamdy qurylysqa tartqan. Ǵımarattyń ishi-syrty túgeldeı jańartylǵan, balalar oınaıtyn tóbesi jabyq on alańqaı jasaqtalǵan. Mınıstr mundaǵy jumys sapasyna da oń baǵa berdi. “Jol kartasy-2010” baǵdarla­ma­syna sáıkes Batys Qazaqstan oblysyna 5 mlrd. teńgeden astam qarjy bólingen edi. Sol qarjynyń kúni búgin 90 paıyzy ıgerilgen. Jalpy, oblystaǵy bul baǵyttaǵy jumystardyń qarqyny men sapasy jaqsy. Áleýmettik nysandardy jóndeý, jol salý isi osymen toqtap qalmaıdy. Indýstrııalandyrý, “Jol kartasy” baǵdarlamalary sheńberinde jalǵasa beredi, dedi G.Ábdiqalyqova saparynyń sońynda. Temir QUSAIYN.