“Tobyl” des berer emes

О́tken aptada Qazaqstan ulttyq qurama­synyń Eýropa chempıonatynyń irikteý týrnırine qatysqanyna baılanysty jarııalanǵan úzilisten keıin fýtboldan el chempıonatynyń kezekti týry qaıta jalǵasty. Bıylǵy maýsymnyń birinshi jartysynan keıin chempıondyq ataqqa úmiti bar degen alty komanda bir topqa, al tómengi oryndarǵa ornalasqan komandalar ekinshi topqa aýysyp, matchtar ótkizdi. Sóıtip, birinshi topqa engen komandalar arasyndaǵy oıyndar mynadaı nátıjemen aıaqtaldy. “Lokomotıv” (Astana) – “Aqtóbe” 2:2. Bul match asa tartysty ótti. Astananyń jańa sta­dıo­nynyń jasyl alańyna shyqqan komandalar oı­ynnyń sońyna deıin bir-birine des bermeı óner kór­setti. Kezdesýde birinshi bolyp esepti aqtóbelikter ash­ty. Oıynnyń 25 mınótinde Murat Tileshov gol soq­sa, araǵa bir mınót salyp Ostapenko esepti teńes­tirdi. Al matchtyń ekinshi jartysynda astanalyqtar sapynda Qaırat Nurdáýletov dopty nysanaǵa dál tıgizse, qonaqtardy jeńilisten Emıl Kenjesarıev qutqaryp qaldy. Osy týrda “Atyraý” men “Shahter” (Qaraǵandy) arasyndaǵy oıyn da ózinshe tartysty da qyzyqty ótti. Kezdesý 1:1 esebimen aıaqtaldy. Onda atyraý­lyq­tar sapynda Álıev 11 metrlik aıyp dobyn or­yn­dasa, qaraǵandylyq Táttibaev oıynnyń aıaqtalýy­na 10 mınót qalǵanda esepti teńestirdi. Qostanaıdyń “Tobyl” komandasy kerekýlik “Ertis” klýbyn qabyldap, 4:0 esebimen utty. Bul kezdesýde Nurbol Jumasqalıev oıynnyń 38 jáne 47 mınótterinde eki dop soqsa, odan keıin Bakaev 82 jáne 90 mınótte dýbl jasady. Sóıtip, qosta­naı­lyqtar asa mańyzdy úsh upaıdy ıelenip, týrnır kes­te­sinde óziniń ókshesin basyp kele jatqan “Ertisten” 10 upaı aıyrmashylyǵymen ozyp ketti. Al týrnır kestesindegi 7 – 12 oryndarda orna­las­qan komandalar arasyndaǵy oıyndar mynadaı ná­tı­jemen aıaqtaldy. “Jetisý” – “Ordabasy” 0:2, “Oq­jetpes” – “Taraz” 0:0, “Aqjaıyq” – “Qaırat” 2:0.