Akademıkke arnalǵan alqaly jıyn

Keshe Qazaq ekonomıka, qarjy jáne halyqaralyq saýda ýnıver­sı­tetinde atalǵan oqý orny rektory, ekonomıka ǵylymdarynyń dok­to­ry, professor, Ulttyq ǵylym aka­demııasynyń akademıgi Ǵabdyǵapar Seıitqasymovtyń 70 jyldyq me­reı­toıyna oraılastyrylǵan “HHI ǵasyrdaǵy álemdik jáne Qazaqstan ekonomıkasynyń damý barysy men basym baǵyttary” atty halyq­ara­lyq ǵylymı-tájirıbelik konfe­ren­sııa ótti. Onda elimizdiń sony­men qatar alys-jaqyn shetel­der­den bilikti sala ǵalymdary qaty­syp, pikir sabaqtastyrdy. Osy sharaǵa oraı ǵalymnyń ǵy­lymı-monografııalyq týyndy­lary jáne ózge de avtorlarmen bir­lesip jazǵan eńbekteri men oqý­lyq­tary qoıylǵan arnaıy kitap kór­mesi uıymdastyryldy. Ǵabdyǵapar Saǵıtulynyń ómiri men shyǵarma­shylyǵy jaıynda ýnıversıtettiń qarjy kafedrasynyń meńgerýshisi, ekonomıka ǵylymdarynyń dokto­ry, professor Aldanysh Nurymov baıandama jasady. Parlament Se­naty tóraǵasynyń orynbasary Mu­hambet Kópeev mereıtoı ıesine Se­nat tóraǵasynyń joldaǵan arnaıy quttyqtaý hatyn oqyp ber­se, Májilis depýtaty Beken Álim­­ja­nov ǵalymnyń san qyrly qa­sıet­­terine toqtaldy. Bul halyqaralyq ǵylymı-tá­jirıbelik konferensııanyń ótý barysy jaıynda ýnıversıtettiń ǵylym jónindegi prorektory fı­losofııa ǵylymdarynyń doktory, professor Tóleýǵalı Bóribaev “Kon­­ferensııanyń basty maqsaty, birinshiden, elimizdiń ekologııalyq ál-aýqatyn jaqsartý, ekonomı­ka­nyń baǵyt-baǵdarlaryn, sonymen qatar naqty júzege asyrý tetik­te­riniń teorııalyq, praktıkalyq jáne ádistemelik joldaryn usyný bolyp tabylady. HHI ǵasyrdyń eń basty máseleleri qarjylyq daǵ­da­rystan shyǵý joldaryn izdestirý desek, aýyl sharýashylyǵy máse­lelerin kóterý men jańartýdyń tıimdi joldaryn qarastyrý da ǵalymdar nazarynan tys qalmaq emes. Son­dyqtan osyndaı saýal­darǵa qatysty basqosýda naqty jaýaptar alynady dep oılaımyn. Jıynǵa qatysyp otyrǵan sheteldik ǵalymdar halyq­aralyq konferen­sııaǵa jaqsy baǵa­­syn beredi degen senimdemiz” – dedi. Akademık Ǵabdyǵapar Seıitqa­symovtyń tikeleı jetekshiligimen jazylǵan oqýlyqtar toptamasy Bilim jáne ǵylym mınıstrliginiń usynýy­men elimizdiń barlyq oqý orynda­rynda negizgi oqýlyq retinde oqy­ty­lýda. Ár jyldary jaryqqa shyqqan 15 monografııasyna degen suranys búginderi Otanymyzda ǵana emes, shetelderde, atap aıtsaq, Re­seı, Ger­manııa, Italııa, Latvııada qoldanys­­qa engen. Sondaı-aq aka­de­mıktiń je­tekshiligimen 5 ǵylym doktory men 30-dan astam ǵylym kandıd­at­­tary dıssertasııalaryn sátti qorǵaǵan. Ábdirahman QYDYRBEK, Astana.