Batyr toıynyń dúbiri jaqyndap keledi

Keńes Odaǵynyń Batyry, qazaq halqynyń qaharman perzenti Baý­yrjan Momyshulynyń týǵanyna 100 tolýyna arnalǵan mereıtoıǵa baılanysty daıyndyq jumystary aıaqtalyp keledi. Búginde batyr toıyndaǵy dý­man­nyń dúbirin arttyratyn ulttyq at sporty oıyndaryn ótkizýdi moı­yndaryna alǵan komıssııa óz ju­mys­taryn tııanaqtaı tústi. My­sa­ly, kókparǵa qatysqysy keletin sha­bandozdar komandasy batyr at­yn­­daǵy ıppodromǵa 20 qyrkúıek kú­­ni kelip, aldyn-ala tirkelýi ke­rek. Sonda 21-25 qyrkúıek araly­ǵynda ótetin dodaǵa emin-erkin qa­tysyp, baq synaı alady. Aldyn-ala jasalǵan boljam boıynsha, óte tartysty ótedi dep kútilip otyrǵan bul básekede jeńimpazdar koman­da­sy “Nıva” avtokóligimen marapat­ta­lady. Júldegerler de syılyqtan quralaqan qalmaıdy. Alaman báıge (25 km), toq báıge (16 km) jáne qunan báıge (11 km) 25 qyrkúıek kúnderi ótkizilmek. Ol úshin júırik ıeleri oblys orta­ly­ǵy­na kúni buryn jetip, báıgege qa­tysýǵa tıisti jarnalaryn tóleıdi. Báıgeden birinshi kelgen tul­parlardyń ıelerine “Djıp”, “Jı­­gýlı” jáne “Neksııa” kólikteri tap­­syrylady. Júldeli oryndarǵa ıe bolǵandar baǵaly syılyqtarǵa ıe bolady. Batyr toıynda sondaı-aq taǵy basqa da ulttyq at sporty oıyn­da­ryn tamashalaýǵa bolady. Kósemáli SÁTTIBAIULY, Jambyl oblysy.