Komıssııa jumysy shıratýdy qajetsinedi

“Nur Otan” HDP Ortalyq apparatynda “Batys Eýropa – Batys Qytaı”  halyqaralyq tranzıttik dáliziniń qurylysyna baqylaý júrgizý máselesine arnalǵan Memlekettik qarjylardy júıeli paıdalanýdy baqylaý jónindegi komıssııanyń  kezekti otyrysy ótti. Onda atalǵan aýqymdy jobanyń belgili bir kezeń aralyǵyn qamtyǵan qorytyndysy shyǵaryldy. Oǵan atalǵan komıssııanyń tóraıymy, Parlament Májilisiniń depýtaty Gúljan Qaraǵusova qatysty. Strategııalyq mańyzǵa ıe ınfraqurylymdyq jobany júzege asyrý – búginde arnaıy qurylǵan sarapshylar tobynyń aıryqsha nazarynda turǵandyǵy belgili. Bul rette partııa músheleri tıisti monı­torıng júrgizip, ár toqsan saıyn ótkizetin kezdesýlerinde atalǵan jo­banyń jaı-kúıine jan-jaqty baǵa beredi. Iаǵnı, búginde kólik magıstrali nysandaryndaǵy aýqym­dy jumystardy sarapshylar tobynyń músheleri, Parlament depýtattary, sondaı-aq, partııalyq baqylaý bólimsheleri atqarýda. Otyrys barysynda elimizdiń Kólik jáne kommýnıkasııa vıse-mınıstri Dýlat Kúterbekov komıs­sııanyń aldyńǵy otyrysynda qa­byldanǵan usynymdar men olar­dyń oryndalý barysy jóninde baıan­dasa, al aımaqtyq qoǵamdyq ko­mıssııanyń jetekshileri, depý­tattar Aqtóbe, Almaty, Jambyl, Qyzylorda jáne Ońtústik Qa­zaqstan oblystaryndaǵy jol qurylysy nysandarynyń qazirgi tańdaǵy jaǵdaıyn saraptan ótkizdi. Máselen, “Nur Otan” HDP Par­tııalyq baqylaý komıtetiniń tór­aǵasy Boran Rahymbekov óz sózinde eger aldyńǵy 3 aıda kóbinese eńbek zańnamasy salasyndaǵy zań buzý­shylyqtar jóninde aıtylyp kelse, endigi kezekte partııalyq baqylaý bólimsheleriniń barlyǵy qurylys jumystarynyń sapasyna aıryqsha mán bermek, dedi. Al “Nur Otan” HDP-nyń elimiz Úki­metindegi arnaıy ókili, sarap­tama tobynyń jetekshisi Vladımır Dvoreskıı elimizdiń Kólik jáne kommýnıkasııa mınıstrligi komıs­sııa usynymdarynyń basym kóp­shiligin júıeli oryndaǵanyn atap ótti. Olarǵa jergilikti áleýmettik-kásipkerlik korporasııalardy atal­ǵan jobanyń júzege asyrylýyna tartý, Aqtóbe jáne Hromtaý jer­lerindegi aınalma joldar qury­lystaryn jobalaý, júk máshıne­leriniń júk salmaǵyn baqylaýdy qamtamasyz etý sekildi is-shara­lardy jatqyzýǵa bolady. Desek te, basqosýda áli de kóp­tegen ózekti máselelerdiń kún tár­tibinde turǵandyǵyna kóz jet­ki­zil­di. Máselen, salaǵa qajetti otan­dyq mamandardyń jetispeýshiligi, merdigerlerdiń Qazaqstannyń eńbek zańnamasy men kelisim-shart min­dettemelerin durys oryndamaýy, qu­rylysqa qatysty ózge de ol­qy­lyqtardyń oryn alýy – komıssııa jumysyn áli de shırata túsýdi talap etpek. Otyrys sońynda birqatar usynymdarǵa negizdelgen qaýly qabyldandy. Olar elimizdiń Kólik jáne kommýnıkasııa mınıstrigine, joǵaryda atalǵan oblystar ákim­digine jáne Úkimetke jiberiletin boldy. Láıla EDILQYZY.