Aǵa býyn qamqorlyqsyz qalmasyn

Jýyrda Qazaqstan Respýblı­kasy­nyń Ardagerler uıymy Or­talyq keńesiniń tóralqasy kásip­kerlerge, eńbek ujymdaryna Qart­tar kúnine oraı úndeý qa­byldady. Onda bylaı delingen: “Birikken Ulttar Uıymynyń Bas Assambleıasy 1990 jylǵy 14 jeltoq­sandaǵy otyrysynda 1 qa­zandy “Qart­tar kúni” dep ataý jó­ninde sheshim qabyl­daǵan bolatyn. Osy kúndi keńinen jáne jappaı atap ótý bizdiń respýblıkamyzda izgilikti dás­túrge aınaldy. Bul – Táýelsiz Qa­zaq­stannyń qurylýyna jáne ekono­mı­ka­lyq bazasynyń qalyptasýyna bel­sen­di túrde úles qosqan aǵa býynǵa degen qo­ǵam rızashylyǵynyń birden bir belgisi. Aǵa býynnyń mol tájirıbesi, sarqylmas danalyǵy jáne orasan kúsh-qýaty árbir otbasyna ǵana emes, búkil qoǵamǵa paıdaly eń­bek­ti ári qaraı jalǵastyrýdyń mańyz­dy faktory bolyp tabylady. Jasy ulǵaıǵan shaǵynda árbir qarııa ózine bóliner kóńilge, meıi­rimdilik pen kómekke zárý bolady. Qarttar turmys jaǵdaıynyń jaq­sarýyna degen úmitti eń aldymen memlekettik organdardan kútedi. Árbir áleýmettik-baǵdarly mem­lekettiń, onyń ishinde Qazaqstan­nyń da óz azamattaryna laıyqty qarttyqty qamtamasyz etýi negizgi mindetterdiń biri bolyp tabylady. Osy baǵytta elimizdiń Prezıdenti N.Á.Nazarbaevtyń qarttarǵa jasap otyrǵan qamqorlyǵy asa zor. Elbasynyń zeınetaqy men jár­demaqy mólsherlerin kóbeıtýge baıla­nysty qabyldaǵan sharalary Qazaq­standy TMD elderiniń arasyndaǵy eń jo­­ǵary zeınetaqy tóleý deńgeıine kóterdi. Sonymen qatar elimizde áleý­met­tik kómekke muqtaj egde adam­dar az emes. Halyqaralyq Qarttar kúni qar­sańynda “Qazaqstan Respýblıkasy Ar­dagerler uıymy” qoǵamdyq bir­lestiginiń Ortalyq keńesi barlyq kásipkerlerdi, eńbek ujymdarynyń basshylaryn arda­gerlerge kómek kórsetip, olar úshin osy bir ataýly kúndi erekshe merekege aınaldyrýǵa shaqyrady”.