Halyqaralyq qujattar qarymy

Májilis Tóraǵasy Oral Muhamedjanovtyń jetekshiligimen ótken palatanyń sársenbi kúngi plenarlyq otyrysynyń kún tártibinde toǵyz másele qaraldy. Maquldanǵan zań jobalarynyń deni halyqaralyq qujattarǵa qatysty boldy. Depýtattar osy otyrysta áriptesteri Kerimjan Bıjanovtyń ókilettigin óz ótinishi boıynsha merziminen buryn toqtatýdy qoldap daýys berdi. Zań jo­balarynyń ishin­de Munaı jáne munaı ónim­deri­niń aınalymy salasynda jaýap­kershilikti kú­sheıtý másele­le­ri boıynsha keıbir zańnamalyq ak­tilerge ózgerister men tolyqty­rý­lardy kózdeıtin zańdyq qujatty keıinge qaldyrý máselesi kóterildi. Depýtat Zaǵıpa Balıeva atalǵan zańdyq qujattaǵy norma, ıaǵnı 500 aı­lyq eseptik kórsetkish belgi­len­gen aıyppul kólemi Ákimshilik quqyq buzýshylyq kodeksiniń 48-babymen qabyspaıtyndyǵyn aı­typ, zań jobasyn keıinge qaldyra turýdy usyndy. Alaıda mundaı pi­kir­men kelispegen depýtattar ýaqyt joǵaltý qylmystyq qaýymdas­tyq­qa tıimdi degendi aıtyp, Senattan kelgen zańdyq qujatty maquldaǵan jón dep tapty. “Ýaqytsha ákelý týraly kon­ven­sııany ratıfıkasııalaý tý­raly” zań jobasy boıynsha baıandamany Qarjy mınıstriniń orynbasary Andar Shoqpytov jasady. Kon­ven­sııa 1990 jyldyń 26 maýsy­myn­da Ystambul qala­synda qa­byl­danǵan. Qujat taýarlardy ýa­qytsha ákelýdiń barlyq múmkin­dik­terin qaras­tyratyn biryńǵaı erejeli halyq­aralyq shart bolyp tabylady. Sondyqtan qujat taýar­lardy baj salyǵynsyz áke­lýge ári tez resimdeýge múmkindik beredi. Qazirgi tańda konvensııany 61 memleket bekitse, sonyń ishinde Biryńǵaı keden odaǵyna kiretin Reseı men Belorýssııa da bar. Zań jobasy biraýyzdan maqul­dandy. Elimiz ben Eýropa Investı­sııa­lyq banki arasyndaǵy sońǵy­synyń Qazaqstandaǵy qyzmetin retteıtin negizdemelik kelisimdi ratıfıkasııalaýǵa qatysty zań jobasy da depýtattar qoldaýyna ıe boldy. Atalǵan qujatqa N.Na­zar­baevtyń Belgııaǵa barǵan sapary barysynda qol qoıylǵan. 1978 jyly qurylǵan EIB Eýro­pa­lyq Odaqtyń iri kredıttik uıy­my sanalsa, onyń jarǵylyq qory 164,8 mıllıard eýrony quraıdy. Ekonomıkalyq damý jáne saýda vıse-mınıstri Marat Qusaıynov­tyń aıtýynsha, syrtqy qarjy kózderiniń qysqarýy jaǵdaıynda atalǵan qarjy ınstıtýty ınfra­qu­rylymdyq jobalarǵa arzan ári uzaq merzimdi nesıe berýge qaýqar­ly sanalady. Asqar TURAPBAIULY.