Qazaqstan Respýblıkasy Ulttyq Bankiniń resmı habary
Almaty 2010 jylǵy 17 qyrkúıek
“Qazaqstannyń faýnasy” monetalar serııasynan
“Qulaqty jumyrbas kesirtke” eskertkish kúmis monetasyn aınalysqa shyǵarý týraly
“Qazaqstan Respýblıkasynyń Ulttyq Banki týraly” Qazaqstan Respýblıkasynyń 1995 jylǵy 30 naýryzdaǵy № 2155 Zańyna sáıkes Qazaqstan Respýblıkasynyń Ulttyq Banki 2010 jylǵy 17 qyrkúıekte “Qazaqstannyń faýnasy” monetalar serııasynan “proof” sapasymen jasalǵan nomınaly 500 teńgelik “Qulaqty jumyrbas kesirtke” eskertkish kúmis monetasyn aınalysqa shyǵarady.
Monetanyń sıpattamasy:
Monetanyń nysany sopaqsha. Monetanyń bet jaǵynda (aversinde) ortada monetanyń nomınalyn bildiretin “500 TEŃGE” degen jazý bar. Nomınaldyń astynda moneta daıyndalǵan metaldy, onyń synamyn jáne massasyn bildiretin “Ag 925 24 g” degen jazý, monetanyń soǵylǵan jylyn bildiretin “2010” degen san jáne Qazaqstan teńge saraıynyń taýar belgisi jazylǵan. Joǵarǵy bóliginde aınaldyra memlekettik tilde “QAZAQSTAN ULTTYQ BANKI” degen jazý bar. Monetanyń tómengi bóliginde kóbelektiń stıldendirilgen kontýrly sýreti jáne ósimdikter kompozısııasy beınelengen.
Monetanyń syrt jaǵynda (reversinde) ortada shaǵyl qumynda eki qulaqty jumyrbas kesirtke beınelenip, bireýi altyn jalatyp oryndalǵan. Joǵarǵy bóliginde bult keskindelgen. Aınaldyra memlekettik tilde “QULAQTY JUMYRBAS KESIRTKE” jáne latyn tilinde “PHRYNOCEPHALUS MYSTASEUS” – túrdiń ataýy jazylǵan.
Monetanyń bet jáne syrt jaǵyndaǵy beıneler men jazýlar bederlenip jazylǵan.
Qyry (gýrt) bederli.
Moneta 925 synamdy kúmisten, massasy – 24 gramm, sopaqtyǵy 38,61 h 28,81 mm., “proof” sapasymen daıyndalǵan, taralymy – 4 myń dana.
Nomınaly 500 teńgelik eskertkish kúmis monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Qazaqstan Respýblıkasy Ulttyq Bankiniń osy resmı habarǵa túsindirmesi
“Qulaqty jumyrbas kesirtke” eskertkish kúmis monetasy “Qazaqstannyń faýnasy” monetalar serııasynyń úshinshi monetasy bolyp tabylady. Monetanyń nysany sopaqsha, ony daıyndaý kezinde altyn jalatý tehnologııasy paıdalanylady.
Qulaqty jumyrbas kesirtke (phrynocephalus mystaceus) – Qazaqstandy mekendeıtin kesirtkeniń alty túriniń ishindegi eń irisi. Onyń uzyndyǵy 24 sm jetedi, onyń jartysyna jýyǵy quıryǵy. Túrdiń ataýy eki ezýinde ornalasqan qulaq tárizdes sheti irkis-tirkis ornalasqan úlken teri qatparlaryna baılanysty shyqqan. Qulaqty jumyrbastyń túsi surǵylt jáne sarǵysh qaq tunbasy tárizdi qum tústes. Shaǵyldy qumdy mekendeıdi, qaýip tóngen kezde ony ańdýshynyń kóz aldynda asa jyldamdyqpen – denesi usaq dirildi qozǵalyspen qumǵa batyp bara jatqandaı kómiledi.
“Proof” sapasymen jasalǵan eskertkish kúmis monetalardy “Qazaqstan Respýblıkasy Ulttyq Bankiniń Qazaqstan teńge saraıy” sharýashylyq júrgizý quqyǵy bar respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi – ulttyq valıýta banknottary men monetalary dızaınynyń tujyrymdamasyna sáıkes ázirlengen.
“Proof” sapasymen jasalǵan eskertkish kúmis monetalar kolleksııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Monetalardy Qazaqstan Respýblıkasy Ulttyq Bankiniń barlyq fılıaldarynda satyp alýǵa bolady. Almaty qalasynda myna meken-jaı boıynsha: Panfılov kóshesi, 98. Anyqtama úshin telefony (727) 273-83-98.
