Sát sapar!

Kókshetaý qalasyndaǵy Qoǵamdyq kelisim saraıynda, jalpyulttyq «Úlken el – úlken otbasy» jobasy aıasynda, «Táýelsizdik jylyna – 25 jyl» aksııasy bastaý aldy. Sharaǵa qatysqan etnomádenı ortalyqtardyń ókilderin, depýtattardy, oblystyq basqarmalar men departamentterdiń basshylaryn, qalyń jurtshylyqty quttyqtaý sózinde Aqmola oblysy ákiminiń orynbasary Nurlan Nurkenov Elbasy, Qazaqstan halqy Assambleıasynyń Tóraǵasy Nursultan Nazarbaev Assambleıanyń HHII sessııasynda jáne Qazaqstan patrıottarynyń forýmynda bastamashylyq kórsetken sharanyń mańyzdylyǵyn atap kórsetti. – Ǵasyrlar boıǵy arman Táýel­sizdikke qol jetkizý arqyly biz Otanymyzdy kórkeıtýdiń tarıhı múmkindigine ıe boldyq, – ­­ dedi Nurlan Jańbyrshyuly. Biz osynaý qysqa ári óte jaýapty 25 jylda serpindi eńbek etip, zamana kóshindegi múldem jańa, qýatty memleketti qura bildik. Búgingi kúni Qazaqstan memlekettik qurylystyń sapalyq jańa kezeńine shyqty. Barshamyzdy jeńiske bastaıtyn qadamdar Qazaqstan Respýblıkasynyń Tuńǵysh Prezıdenti Nursultan Nazarbaevtyń bes ınstıtýttyq reformasynda túbegeıli aıqyn­daldy. Ult Josparynyń temir­qazyǵy – elimizdi meılinshe damyǵan 30 memlekettiń qataryna qosýdy maqsat tutatyn «Máńgilik El» ıdeıasy. Álemdi qaýzaǵan daǵdarystarǵa qaramastan el ekonomıkasynyń serpindi ósimine baǵyttalǵan sharalar júzege asyrylýda. «Nurly Jol» baǵdarlamasy jal­ǵasyn taýyp, Údemeli ındýs­- trııalyq-ınnovasııalyq damý­dyń ekinshi besjyldyǵy bastaý aldy. Qazaqstan Eýrazııalyq ekonomıkalyq odaq pen Dúnıejúzilik saýda uıymynyń múshesi retinde Qazaqstan halqynyń turmysy men Otanymyzdyń gúldenýiniń maqsatty jolyn jalǵastyrýda. Bizdiń respýblıkamyz 2015 jyly eksporttaýshy jetekshi 50 eldiń qataryna qosylyp, álemdik satydaǵy 43-shi orynǵa kóterildi. Bıylǵy 1 qańtardan áleýmettik járdemaqylar, zeınetaqy men shákirtaqy, bıýdjettik mekemeler men memlekettik qyzmetkerlerdiń eńbekaqysy ósti. Qazirgi jaǵ­daıda mundaı kepildikti kez kel­gen memleket qamtamasyz ete ber­meıtini belgili. Búgingi kúni bizdiń barshamyz, ortaq Otany­myzdyń patrıoty retinde, naq­ty isterge jaýapkershilikpen kirisýimiz kerek. Táýelsizdik mu­rat­taryna adal bolý, shyraıly shańyraǵymyzdyń shattyǵyn eseleý árbir azamattyń asyl paryzy sanalady. Sondaı-aq, sharaǵa qa­tysý­shylar aldynda «Qazaq tili men mádenıeti» qoǵamdyq uıymynyń tóraǵasy Meırambek Qıyqov, «Orys qaýymdastyǵy» jáne «Vıdergebýrt» nemis qoǵamdyq birlestiginiń jetekshileri Alek­sandr Artemenko men Lıýbov Leneva sóz alyp, «Táýelsizdiktiń 25 jyldyǵyna – tuǵyrly 30 shara» bastamasyn kóterdi. Saltanatty basqosýda bir top bel­sendi azamatqa Memleket bas­shysynyń, oblys ákiminiń Alǵys hattary men «Qazaqstan halqy Assam­bleıasyna – 20 jyl» mere­kelik medaldary tabys etili. Shara qorytyndysynda, Táýel­- sizdigimizdiń 25 qurdasynyń «Alǵa, Qazaqstan!» ánin shyrqaýy jurt­shylyqty tebireniske bóledi. Baqbergen AMALBEK, «Egemen Qazaqstan». Aqmola oblysy.