Foto: instagram.com/arsentomsky
Bul týraly kásipkerdiń ózi «Tarıhı jeńistiń bastaýynda turǵan adamǵa kólik syıladym» dep jazba jarııalady.
«Mıhaıl Shaıdorovtyń jetistigi Qazaqstan men sheteldegi mıllıondaǵan adamǵa shabyt berdi. Alaıda bul saltanattyń artynda jyldar boıǵy kúndelikti eńbek, tártip pen janqııarlyq jatyr.
Bir kezde Stanıslav Aleksandrovıch ulynyń bıik shyńǵa jetý jolyn qoldaý úshin óz kóligin satqan edi. Bul oqıǵa maǵan erekshe jaqyn. Men de sengen isim úshin eki ret kóligimdi sattym», dedi Arsen Tomskıı.
Sondaı-aq kásipker syıdy tabystaý sátindegi Stanıslav Shaıdorovtyń tolqyǵanyn jetkizdi.
«Kólikti tabystaý rásiminde Stanıslav Aleksandrovıch kóz jasyn tyıa almady. Bul – ulymen birge uzaq joldy júrip ótken jáne óziniń senimi olımpıadalyq altynǵa aınalǵanyn kórgen adamnyń kóz jasy. Ár chempıonnyń artynda bir kezde «Men saǵan senemin» degen jan turady. Uly jeńister árdaıym senimnen bastalady», dep jazdy ol.
Mıhaıl Shaıdorov jalaqysy týraly málimdegen Sport mınıstrligine renishin bildirdi
