1991 jyldan bergi demografııalyq derekter el turǵyndarynyń ómir sapasy men densaýlyq kórsetkishterinde aıtarlyqtaı oń ózgerister bar ekenin kórsetedi. Táýelsizdiktiń alǵashqy jylynda ortasha ómir súrý uzaqtyǵy 67,6 jas bolsa, 2001 jyly – 65,6 jas, 2011 jyly – 68,98 jas, al 2021 jyly – 70,23 jas bolǵan. Osylaısha, sońǵy úsh jarym onjyldyqta bul kórsetkish 8 jyldan astam ýaqytqa ósken.
Mamandardyń aıtýynsha, ómir súrý uzaqtyǵynyń artýyna ınfeksııalyq emes aýrýlarmen kúres baǵytynda júrgizilip jatqan júıeli jumystardyń yqpaly zor. 2025 jyly Qazaqstan Dúnıejúzilik densaýlyq saqtaý uıymynyń Eýropalyq óńirinde osyndaı aýrýlardan bolatyn ólim-jitimdi 25%-ǵa tómendetken elderdiń alǵashqy ondyǵyna endi. Bul – DDU-nyń Eýropalyq jumys baǵdarlamasyndaǵy mańyzdy kórsetkishterdiń biri.
Jalpy, densaýlyq saqtaý júıesin damytý, halyqtyń ómir súrý sapasyn arttyrý jáne ólim-jitimdi azaıtýǵa baǵyttalǵan memlekettik sharalar óz nátıjesin berip otyr.
Qazaqstanda medısınalyq kómektiń sapasyn basqarýdyń keshendi jospary bekitildi
Úkimettiń josparynsha, 2029 jylǵa deıin densaýlyq saqtaý salasyn damytý tujyrymdamasy aıasynda kútiletin ómir súrý uzaqtyǵyn 77 jasqa deıin jetkizý kózdelip otyr.
