Foto: ashyq derekkóz
О́ńir ákimi Qumar Aqsaqalov Úkimet otyrysynda bıylǵy egis qurylymy Jol kartasynyń barlyq kórsetkishterine sáıkes oryndalatynyn málimdedi. Negizgi basymdyq bıdaı men maıly daqyldar óndirisin turaqtandyrýǵa berilip otyr.
Egis alqaptaryn ártaraptandyrý – negizgi baǵyt
Ákimniń aıtýynsha, áleýmettik mańyzy bar daqyldar men mal azyǵyna qajetti ósimdikterdiń alqaby da josparǵa saı ulǵaıtylady. Aýyl sharýashylyǵy mınıstrligi usynǵan talaptarǵa sáıkes, júgeri egistigi aıtarlyqtaı keńeıedi.
Atap aıtqanda, júgeri alqaby 15 myń gektarǵa deıin jetkizilip, ótken jylmen salystyrǵanda 4,2 esege artady. Bul mal sharýashylyǵyn sapaly jem-shóppen qamtamasyz etýge jáne qaıta óńdeý salasynyń shıkizat bazasyn nyǵaıtýǵa baǵyttalǵan.
Tehnıka men tuqym qory jetkilikti
О́ńir sharýashylyqtary joǵary ónimdi tuqymdarmen tolyq qamtamasyz etilgen. Sonymen qatar egis naýqanyn úzdik merzimde ótkizý úshin jeńildetilgen dızel otyny qajetti kólemde bólindi.
«Jeńildikti lızıng» baǵdarlamasynyń nátıjesinde 2025 jyly aýyl sharýashylyǵy qurylymdary 57 mlrd teńgege 1,3 myń birlik tehnıka men agregat satyp aldy. Bul kórsetkish agrarlyq sektordy jańǵyrtý isiniń qarqyn alǵanyn kórsetedi.
Qarjylandyrý jumystary jalǵasyp jatyr
Kóktemgi dala jumystaryna daıyndyq barysynda sharýashylyqtar Agrarlyq nesıe korporasııasy arqyly qarjylandyrý tetikterin paıdalanyp otyr. Qazirgi ýaqytta sharýashylyqtar 34,5 mlrd teńge kóleminde ótinim berip, onyń 15,3 mlrd teńgesi maquldandy.
О́ńirde kóktemgi dala jumystaryn qarjylandyrý prosesi toqtamaı jalǵasady. Mamandardyń pikirinshe, materıaldyq-tehnıkalyq jaraqtandyrýdyń jetkilikti bolýy egisti ońtaıly agrotehnıkalyq merzimde júrgizýge múmkindik beredi.
Qostanaı oblysy agrarlyq áleýeti joǵary óńirlerdiń biri sanalady. Sondyqtan egin naýqanyna daıyndyq, qarjylandyrý, tehnıkamen qamtamasyz etý jáne sapaly tuqym qoryn qalyptastyrý jumystary aldaǵy ónim kóleminiń turaqtylyǵyna negiz bolmaq.
