Bizdiń baǵytymyz aıqyn

«Biz ózimizdiń qazaqstandyq armanymyzdyń oryndalýy­na jáne Qazaqstannyń órken­deýine senimdi túrde qol jet­kizetin bolamyz!». Elbasymyzdyń respýblıka turǵyndaryna jarııalaǵan Ult Jospary bárimizdi asqaq armanǵa jeteleıtin osyndaı rýhty sózdermen bastalady. 2016 jyldyń 1 qańtarynan «5 ıns­tıtýttyq reformany júzege asyrý boıynsha 100 naqty qadam» aýqymdy strategııalyq baǵdar­lamany oryndaýdyń naqty qadamy­na kóshýimiz aldymyzǵa naqty min­detter qoıýmen birge, ja­han­dyq qıyn­dyqtardy eńserýdiń mol tájirıbesin qalyptasty­rary, jerimizdiń asty-ústindegi qısapsyz baılyqty uqypty­lyqpen paıdalanýǵa úıreteri, jańa tehnologııalardy erkin meń­gerip, asa damyǵan 30 eldiń qata­ryna jetýge jeteleri anyq. Prezıdentimizdiń elimiz­di te­reńdete jańǵyrtý jónindegi oı-ıdeıalaryna árkez jan-jaqty qoldaý kórsetip kele jatqan sol­tústikqazaqstandyqtar Ult Jos­paryn daǵdarysqa qarsy basty qujat retinde qabyldap, ósim, re­formalar, damý uǵymdarymen bir­tutas júıede qarastyrary anyq. О́ıtkeni, barlyq salany qamtıtyn tereń reformalyq ózgerister aýqymy asa keń. Onyń túpki maq­saty el ekonomıkasynyń serpin­di damýyn, halqymyzdyń dáýlet­ti ómir súrýin, memleket pen azamat­tyq qoǵamǵa demokratııa úrdisterin belsendirek engizýge zor yqpal jasaýdy ditteıdi. Búgingideı erekshe kezeńde ósip-órkendeýdiń álemdik órkenıetine qol jetkizýdiń mańyzdy ekenin Memleket basshysy taǵy bir aıǵaqtap berdi. Qoǵamǵa esep beretin ashyq memleket qurýdyń besinshi reformasy sheńberinde de birqatar túıindi máseleler sheshiletin bolady. Ásirese, qajetsiz ákimshilik kedergilerdi qysqartý, suraý salynatyn qujattar sanyn azaıtý arqyly memlekettik qyzmet kórsetýdi barynsha ońtaılandyrý, ashyqtyǵyn qamtamasyz etý ábden qoldaýǵa turarlyq. Búgingi kúni reformalar tabysy ult birligine bastar jol eke­ni eshqandaı dáleldeýdi qajet etpeıdi. Qazaqstan Táýel­siz­diginiń shırek ǵasyrǵa jýyq keze­ńi qazaqstandyqtardyń bıik belesterdi baǵyndyra alatynyn kórsetip berdi. Ony mek­tep-ınternattyń kúndelikti ómirinen de kórýge bolady. 10 etnos ókilinen quralǵan 130-ǵa jýyq qyzmetkerimiz beıbitshilik pen yntymaqtastyqtyń jarqyn úlgilerin kórsetip keledi. Qura­mynda 6 tárbıelenýshi bar klas­sı­kalyq bı toby jýyrda Italııada ótken halyqaralyq baıqaýda Gran-prıdi ıelendi. Baryp-qaıtý jol­saparyna aımaq basshysy Erik Sultanov qarjylyq qoldaý kórsetti. Qazir munda estý qabiletinen aıyrylǵan 145 kemtar bala tárbıelenedi. Mekemeniń elimiz boıynsha orta bilim beretin jalǵyz mektep-ınternat ekenin eskersek, Úkimet tarapynan jasalyp otyrǵan qamqorlyq aıryqsha ekenin basa aıtqym keledi. Sońǵy 6 jylda 11 túlegimiz joǵary bilim alyp shyqty. 3-i magıstratýrada oqıdy. Mektepaldy daıyndyq toby jumys isteıdi. Azamattyq birtektilik pen bir­tu­tastyqty nyǵaıtýǵa baǵyt­tal­ǵan qazaqstandyq formýlanyń dáıek­tilikpen oryndalatynyna senimdimiz.  Jankeldi TÁJIN, Petropavl qalalyq máslıhatynyń depýtaty, oblystyq arnaıy korreksııalyq mektep-ınternattyń dırektory. Soltústik Qazaqstan oblysy.