El senimin arttyrdy

Bas basylymnan Mem­leket basshysynyń «Ult Jos­pary – qazaqstandyq armanǵa bastaıtyn jol» atty maqalasyn erekshe ekpinmen oqyp shyqtym. Bile bilsek, bul qýana quptarlyq maqala boldy. Eń bastysy, eldi uıy­ta ári jarqyn jolǵa bas­taýshy bolyp otyr. Shyny kerek, dál osy kezeńde bizdiń Elbasy daralyǵyn, kóregen kóshbasshylyǵyn kórsete bildi. Bul – bir meniń ǵana emes, dúıim jurttyń pikiri. Bul jerde basa aıtar jaıt – sóz ben istiń qabysýy bolyp otyr. Oǵan ózimiz eńbek etip júrgen óńirden mysaldy kóptep keltire alamyn. Jetisýdyń kindik qalasy – Taldyqorǵan kúnnen kúnge túrlenip, sáni men saltanaty artýda. Memlekettik saıasatqa saı atqarylǵan ná­­tıjeli jumystyń jemisi sol, oblys ekonomıkasy anaǵurlym órkendep, bıýdjet qorjyny tolyǵa túsýde. Ekonomıst retinde aıtarym, Qurǵaq porttyń Jetisý jerinen ashylýy áli san múmkindiktiń jolyn ashyp qana qoımaı, telegeı tabystyń qaınar kózine aınalary anyq. Jalpy, Jetisý jeri Elbasy maqalasynda aıtylǵan Ekonomıkalyq yntymaqtastyq jáne damý uıymynyń standarttaryna sáıkes keletin óńir bolyp sanalady. Osy eldi damytý, halyqtyń áleýmettik jaǵdaıyn jaqsartýda atqa­rylyp jatqan ıgilikti ister sonyń jarqyn dáleli bolyp tabylady. Son­dyqtan jańa jyldyń alǵashqy kú­ninen Ult Josparyn oryn­­daý ýaqytynyń bas­talýy ekonomıkalyq jaǵ­daıdy jaqsartqan ústine jaqsarta túsetinine senim artamyz. О́ıtkeni, osyǵan deıin bastalǵan jumys jandy jalǵasyn taýyp, úlken qoldaý taýyp, tabys bastaýyn asha túseri haq. Nátıjesinde Qazaqstan órkenıetti, damyǵan 30 eldiń qatarynan óz ornyn alyp, gúldene túsetini anyq. Olaı deýime elimizdiń beıbit te qutty ómiri, sol ómirdi eline syılap qana qoımaı, odan ári kemeldene túsýine bastap otyrǵan Elbasyna degen senimim negiz bolady. Bas basylymdaǵy myna maqala sol oıymdy bekite tústi. Bolat SERIEV, I.Jansúgirov atyndaǵy Jetisý memlekettik ýnı­­versıteti qarjy-ekonomıka fakýl­tetiniń dekany. Almaty oblysy.