Úlken el – úlken otbasy

Almatydaǵy «Dostyq» úıinde Qazaqstan halqy Assambleıasy músheleri Elbasy Nursultan Nazarbaevtyń «Ult jospary - qazaqstandyq armanǵa bastaıtyn jol» maqalasyn talqylady. Dóńgelek ústel basyndaǵy jıynda sóz alǵan Qazaqstan hal­qy Assambleıasy Tóraǵa­sy­nyń orynbasary Eraly Toǵ­janov: «Memleket basshysy óz maqalasynda Assambleıa jumysynyń jańa formatynyń basty baǵyttaryn aıqyndap berdi. «Ult jospary – qazaq­standyq armanǵa bastaıtyn jol» maqalasy 5 ınstıtýttyq reformany júzege asyrýdyń tájirıbelik jol kartasy ispettes. Bul maqala arqyly Ult josparynyń praktıkalyq júzege asýy bastaldy deýge bolady. Búgingi is-sharamyz jalpy birtutas ulttyń bolashaǵy týraly bes ınstıtýttyq reformanyń baǵytynda júrgizilip otyrǵan tórtinshi reforma. Bunyń negizinde, sóz joq, «Úlken el – úlken otbasy» atty úlken joba boı kórsetip tur. Sebebi, biz bul jobanyń alǵy sharttaryn ótken jyly-aq bastap jibergenbiz», dedi. Budan keıin QHA músheleri elimizdegi sońǵy saıası-qoǵamdyq oqıǵalardyń aıasynda, ıaǵnı ótken Assambleıa jylynda atqarylǵan jumystar jaıly aıtyp, pikir almasty. О́tken jyly 2002 jyly qabyldanǵan «QHA týraly» Zańǵa birneshe ózgeris engizilgeni de eske alyndy. «Úlken el – úlken otbasy» jobasy aıasynda naqty 20 shara júzege asyryldy. «20 ıgi is» jobasy aıasynda elimizdiń muqtaj otbasylaryna 2 mlrd .teńgeniń kómegi kórsetildi. Bul baǵyttaǵy jumys bıyl da jalǵasady. «Memleket basshysy aıtqan­daı, biz basty 5 qaǵıdatty jadymyzda myqtap ustanýymyz kerek, ol – negizdilik, sabaqtastyq, transparenttik, qadaǵalaý men baqylaý. Onyń ishinde búgingi tańda 25 qaǵıdat jáne júzege asyrylý ústinde», – dedi biraýyzdan Assambleıa músheleri. Talqylaýǵa QHA Keńesiniń múshelerimen qatar Parlament Májilisiniń jáne Almaty qalasy máslıhatynyń depýtattary, qoǵam jáne memleket qaıratkerleri, «Qoǵamdyq kelisim» KMM ókilderi, Almaty qalalyq Qazaqstan halqy Assambleıasynyń, Qazaqstan halqy Assambleıasy ǵylymı-saraptamalyq keńesiniń, etno­mádenı birlestikterdiń múshe­leri, stýdent-jastar qatysty. Shara sońynda QHA jalaýy «Dostyq» úıine saltanatty jaǵdaıda tabys etildi. Talǵat SÚIINBAI, «Egemen Qazaqstan». ALMATY. Sýretti túsirgen Iýrıı Bekker.