AQSh Ońtústik Koreıaǵa V-52 bombardırovshıgin attandyrdy

ASTANA. 10 qańtar. AQSh sońǵy kúnderi Koreı túbegindegi ahýaldyń kúrt kúrdelene túsýine baılanysty Koreıa Respýblıkasyna óziniń V-52 strategııalyq bombardırovshıgin attandyrdy. Bul týraly «Renhap» agenttigine silteme jasaǵan TASS habarlady. Eki koreı memleketi arasyndaǵy qarym-qatynastyń qaıtadan qyrǵıqabaq qalypqa kelýine jaqynda KHDR-dyń sýtegi bombasyn synaqtan ótkizýdi sátti aıaqtaǵany jóninde málimdeme jasaýy boldy. Ońtústik Koreıa aqparat agenttiniń málimetine sáıkes, bombardırovshık túbekke Amerıkanyń Gýam aralynda ornalasqan áýe-qorǵanys kúshteri bazasynan jiberilgen. Seýldiń Phenıan áreketine baılanysty jasap jatqan qarsy sharalarynyń biri osy bolyp otyr. Munyń aldynda Ońtústik Koreıa KHDR-men shekarada nasıhattyq habar júrgizýin qaıta bastaǵan edi. Eske sala keteıik, KHDR 6 qańtar kúni sýtegi bombasyn synaqtan sátti ótkizgenin málimdegen bolatyn. Onda eldi úkimeti synaqtyń «aımaqtaǵy ekologııalyq ahýalǵa áser etpegeni» atap kórsetildi. Talǵat Raıymbek. Derek, sýret: TASS.