Qazaqstan Respýblıkasy Prezıdentiniń Jarlyǵy №169

Qazaqstan Respýblıkasy Prezıdentiniń keıbir aktilerine ózgerister men tolyqtyrýlar engizý týraly «Memlekettik aýdıt jáne qarjylyq baqylaý týraly» Qazaqstan Respýb­lıkasynyń 2015 jylǵy 12 qarashadaǵy Zańyn iske asyrý maqsatynda qaýly etemin: 1. Qosa berilip otyrǵan Qazaqstan Respýblıkasy Prezıdentiniń keıbir aktilerine engiziletin ózgerister men tolyqtyrýlar (budan ári – ózgerister men tolyqtyrýlar) bekitilsin. 2. Osy Jarlyq: 1) 2019 jylǵy 1 qańtardan bastap qoldanysqa engiziletin, ózgerister men tolyqtyrýlarǵa qosymshaǵa sáıkes jańa redaksııada jazylatyn Respýblıkalyq bıýdjettiń atqarylýyn baqylaý jónindegi esep komıteti týraly erejeniń (budan ári – Ereje) 15-tarmaǵynyń 3) tarmaqshasyn; 2) Erejeniń 2017 jylǵy 1 qańtardan bas­tap qoldanysqa engiziletin 15-tarmaǵynyń 9) tarmaqshasyn qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Prezıdenti N.NAZARBAEV Astana, Aqorda, 2016 jylǵy 11 qańtar №169 Qazaqstan Respýblıkasy Prezıdentiniń 2016 jylǵy 11 qańtardaǵy №169 Jarlyǵymen BEKITILGEN Qazaqstan Respýblıkasy Prezıdentiniń keıbir aktilerine engiziletin ózgerister men tolyqtyrýlar 1. «Memlekettik bılik organdary júıesindegi kadr saıasatynyń keıbir máseleleri týraly» Qazaqstan Respýblıkasy Prezıdentiniń 2002 jylǵy 29 naýryzdaǵy №828 Jarlyǵynda (Qazaqstan Respýblıkasynyń PÚAJ-y, 2004 j., №17, 212-qujat): 1) joǵaryda atalǵan Jarlyqpen bekitilgen Memlekettik saıası qyzmetshiler laýazymdarynyń jáne Qazaqstan Respýblıkasynyń Prezıdenti taǵaıyndaıtyn nemese onyń kelisýimen taǵaıyndalatyn, onyń usynýy boıynsha saılanatyn, sondaı-aq Qazaqstan Respýblıkasy Prezıdenti Ákimshiliginiń kelisimi boıynsha taǵaıyndalatyn ózge de basshy laýazymdy adamdardyń tizbesinde: «Astana jáne Almaty qala­larynyń, oblys­tardyń tekserý komıssııala-rynyń tóraǵalary tıisinshe Astana jáne Almaty qalalarynyń, oblystardyń máslıhattary tıisinshe Astana jáne Almaty qalalarynyń, oblystardyń máslıhattary-nyń hatshylary Ákimshilik Basshysy» degen jol mynadaı redaksııada jazylsyn: «Astana já­ne Almaty qalalarynyń, oblystardyń tekserý komıssııa­larynyń tóraǵalary tıisti oblystyń, respýblıkalyq mańyzy bar qalanyń, astananyń máslıhattary Respýblıkalyq bıýdjettiń atqarylýyn baqylaý jónindegi esep komıtetiniń Tóraǵasy Ákimshilik Basshysy »; 2) joǵaryda atalǵan Jarlyqpen bekitilgen Qazaqstan Respýblıkasynyń memlekettik saıası qyzmetshilerin jáne ózge de basshy laýazymdy tulǵalaryn kelisý, qyzmetke taǵaıyndaý jáne qyzmetten bosatý tártibi týraly erejede: 3-tarmaqtyń jetinshi abzasy mynadaı redaksııada jazylsyn: «Astana jáne Almaty qalalarynyń, oblystardyń tekserý komıssııa­larynyń tóraǵalary jóninde – Respýblıkalyq bıýdjettiń atqarylýyn baqylaý jónindegi esep komıtetiniń Tóraǵasy;». 2. «Respýblıkalyq bıýdjettiń atqarylýyn baqylaý jónindegi esep komıteti týraly erejeni bekitý týraly» Qazaqstan Respýblıkasynyń Prezıdentiniń 2002 jylǵy 5 tamyzdaǵy №917 Jarlyǵynda (Qazaqstan Respýblıkasynyń PÚAJ-y, 2002 j., № 26, 273-qujat): joǵaryda atalǵan Jarlyqpen bekitilgen Respýblıkalyq bıýdjettiń atqarylýyn baqylaý jónindegi esep komıteti týraly ereje osy ózgerister men tolyqtyrýlarǵa qosymshaǵa sáıkes jańa redaksııada jazylsyn. 3. «Qazaqstan Respýblıkasyndaǵy memlekettik josparlaý júıesi týraly» Qazaqstan Respýblıkasy Prezıdentiniń 2009 jylǵy 18 maýsymdaǵy №827 Jarlyǵynda (Qazaqstan Respýblıkasynyń PÚAJ-y, 2009 j., № 30, 259-qujat): joǵaryda atalǵan Jarlyqpen bekitilgen Qazaqstan Respýblıkasyndaǵy memlekettik josparlaý júıesinde: 30-tarmaq mynadaı redaksııada jazylsyn: «30. Memlekettik baǵdarlamanyń iske asyrylýyn monıtorıngteýdi ázirleýshi memlekettik organ ne Qazaqstan Respýblıkasynyń Prezıdenti nemese Qazaqstan Respýblıkasy Prezıdenti Ákimshiliginiń Basshysy ýákilettik bergen ózge memlekettik organ júrgizedi. Memlekettik baǵdarlamanyń iske asyrylýyn baǵalaýdy memlekettik jos­parlaý jónindegi ýákiletti organ jáne Respýblıkalyq bıýdjettiń atqarylýyn baqylaý jónindegi esep komıteti júrgizedi. Respýblıkalyq bıýdjettiń atqarylýyn baqylaý jónindegi esep komıteti memlekettik baǵdarlamalardyń iske asyrylýyn baǵalaýdy respýblıkalyq bıýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalary boıynsha ózge de baǵyttar boıyn­sha tıimdilikke memlekettik aýdıt jáne saraptamalyq-taldaý is-sharalaryn júrgizý sheńberinde júzege asyrady. Iske asyrylýyn monıtorıngteý men baǵalaý nátıjeleri boıynsha memlekettik baǵdarlama jáne ony iske asyrý jónindegi is-sharalar jospary túzetilýi múmkin.»; 35-tarmaq mynadaı redaksııada jazylsyn: «35. Úkimettik baǵdarlamalardyń monıtorıngin ony ázirleýge jaýapty memlekettik organ júrgizedi. Úkimettik baǵdarlamalardyń iske asyrylýyn baǵalaýdy memlekettik jos­parlaý jónindegi ýákiletti organ jáne Respýblıkalyq bıýdjettiń atqarylýyn baqylaý jónindegi esep komıteti júrgizedi. Respýblıkalyq bıýdjettiń atqarylýyn baqylaý jónindegi esep komıteti úkimettik baǵdarlamalardyń iske asyrylýyn baǵalaýdy respýblıkalyq bıýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalary boıynsha ózge de baǵyttar boıyn­sha tıimdilikke memlekettik aýdıt jáne saraptamalyq-taldaý is-sharalaryn júrgizý sheńberinde júzege asyrady. Úkimettik baǵdarlamalardyń iske asyrylýyn baqylaýdy Qazaqstan Respýblıkasynyń Úkimeti júzege asyrady.»; 44-tarmaq mynadaı redaksııada jazylsyn: «44. Respýblıkalyq bıýdjettiń atqarylýyn baqylaý jónindegi esep komıteti ortalyq memlekettik organdardyń strategııalyq josparlarynyń iske asyrylýyn baǵalaýdy respýblıkalyq bıýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalary boıynsha ózge de baǵyttar boıynsha tıimdilikke memlekettik aýdıt jáne saraptamalyq-taldaý is-sharalaryn júrgizý sheńberinde júzege asyrady.»; 52-tarmaq mynadaı redaksııada jazylsyn: «52. Oblystyń, respýblıkalyq mańyzy bar qalanyń, astananyń tekserý komıssııasy aýmaqtardy damytý baǵdarlamalarynyń iske asyrylýyn baǵalaýdy tıisti bıýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalary boıynsha ózge de baǵyttar boıynsha tıimdilikke memlekettik aýdıt jáne saraptamalyq-taldaý is-sharalaryn júrgizý sheńberinde júzege asyrady.»; mynadaı mazmundaǵy 58-1-tarmaqpen tolyqtyrylsyn: «58-1. Respýblıkalyq bıýdjettiń atqarylýyn baqylaý jónindegi esep komıteti tıimdilik aýdıti sheńberinde ulttyq kompanııalardyń damý strategııalarynyń iske asyrylýyn baǵalaýdy júzege asyrady.». 4. «Respýblıkalyq bıýdjettiń atqarylýy týraly jyldyq esepti jasaý jáne usyný erejesin bekitý týraly» Qazaqstan Respýblıkasy Prezıdentiniń 2009 jylǵy 16 qyrkúıektegi №871 Jarlyǵynda (Qazaqstan Respýblıkasynyń PÚAJ-y, 2009 j., № 39, 378-qujat): joǵaryda atalǵan Jarlyqpen bekitilgen Respýblıkalyq bıýdjettiń atqarylýy týraly jyldyq esepti jasaý jáne usyný erejesinde: 10-tarmaq mynadaı redaksııada jazylsyn: «10. Bıýdjetti atqarý jónindegi ortalyq ýákiletti organ osy Erejeniń 6-9-tarmaqtarynda belgilengen talaptarǵa sáıkes esepti qarjy jyly úshin respýblıkalyq bıýdjettiń atqarylýy týraly jyldyq esepti Qazaqstan Respýblıkasynyń Úkimetine, memlekettik josparlaý jónindegi ortalyq ýákiletti organǵa, Respýblıkalyq bıýdjettiń atqarylýyn baqylaý jónindegi esep komıtetine jáne ishki memlekettik aýdıt jónindegi ýákiletti organǵa esepti jyldan keıingi jyldyń 1 sáýirinen keshiktirmeı usynady.». 5. «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» Qazaqstan Respýblıkasy Prezıdentiniń 2010 jylǵy 4 naýryzdaǵy №931 Jarlyǵynda (Qazaqstan Respýblıkasynyń PÚAJ-y, 2010 j., № 20-21, 150-qujat): joǵaryda atalǵan Jarlyqpen bekitilgen Qazaqstan Respýblıkasynyń Strategııalyq damý josparyn, memlekettik baǵdarlamalardy, memlekettik organdardyń strategııalyq josparlaryn, aýmaqtardy damytý baǵdarlamalaryn ázirleý, iske asyrý, monıtorıng júrgizý, baǵalaý jáne baqylaý, sondaı-aq Eldi aýmaqtyq keńistikte damytýdyń boljamdy shemasyn ázirleý, iske asyrý jáne baqylaý qaǵıdalarynda: 16-tarmaqtyń 9) tarmaqshasy mynadaı redaksııada jazylsyn: «9) júrgizilgen baqylaý is-sharalary, memlekettik aýdıt jáne saraptamalyq-taldaý is-sharalary týraly málimetterdi;»; 19-tarmaqtyń 6) tarmaqshasy mynadaı redaksııada jazylsyn: «6) júrgizilgen baqylaý is-sharalary, memlekettik aýdıt jáne saraptamalyq-taldaý is-sharalary týraly málimetterdi;»; 24-tarmaq mynadaı redaksııada jazylsyn: «24. Qujattardy baǵalaý: barlyq baǵalaý kezeńindegi, osy Qaǵıdalardyń 15-17-tarmaqtaryna sáıkes jasalatyn iske asyrý týraly eseptiń, statıstıkalyq aqparattyń; baqylaý tekseristeriniń; memlekettik aýdıt jáne saraptamalyq-taldaý is-sharalarynyń; úkimettik emes uıymdardyń, ǵylymı ınstıtýttardyń, halyqaralyq sarapshylardyń jáne basqalardyń baǵalaýy negizinde júrgiziledi.»; 26-tarmaqtyń 5) tarmaqshasy mynadaı redaksııada jazylsyn: «5) júrgizilgen baqylaý is-sharalary, memlekettik aýdıt jáne saraptamalyq-taldaý is-sharalary týraly málimetterdi;»; 59-tarmaq mynadaı redaksııada jazylsyn: «59. Qazaqstan Respýblıkasynyń Strategııalyq damý josparyn baqylaý memlekettik jáne úkimettik baǵdarlamalardyń, memlekettik organdardyń strategııalyq josparlarynyń, aýmaqtardy damytý baǵdarlamalarynyń, ulttyq basqarýshy holdıngterdiń, ulttyq holdıngterdiń, jarǵylyq kapıtalyna memleket qatysatyn ulttyq kompanııalardyń damý strategııalarynyń iske asyrylýy boıynsha monıtorıng, baǵalaý jáne júrgizilgen baqylaý is-sharalarynyń, tıimdilik memlekettik aýdıti jáne saraptamalyq-taldaý is-sharalarynyń nátıjeleri negizinde júzege asyrylady.»; 77-tarmaq mynadaı redaksııada jazylsyn: «77. Eldi aýmaqtyq-keńistikte damytýdyń boljamdy shemasyn baqylaý memlekettik jáne úkimettik baǵdarlamalardyń, memlekettik organdardyń strategııalyq josparlarynyń, aýmaqtardy damytý baǵdarlamalarynyń, ulttyq basqarýshy holdıngterdiń, ulttyq holdıngterdiń, jarǵylyq kapıtalyna memleket qatysatyn ulttyq kompanııalardyń damý strategııalarynyń iske asyrylýy boıynsha monıtorıng, baǵalaý jáne júrgizilgen baqylaý is-sharalarynyń, memlekettik aýdıt jáne saraptamalyq-taldaý is-sharalarynyń nátıjeleri negizinde júzege asyrylady.»; 114-tarmaq mynadaı redaksııada jazylsyn: «114. Respýblıkalyq bıýdjettiń atqarylýyn baqylaý jónindegi esep komıteti memlekettik aýdıt jáne qarjylyq baqylaý obektileriniń tıisti jylǵa arnalǵan tizbesine sáıkes tıimdilikke memlekettik aýdıt jáne saraptamalyq-taldaý is-sharalaryn júrgizý sheńberinde júrgiziletin baǵalaýdy qospaǵanda, memlekettik baǵdarlamalardy baǵalaý olardy iske asyrýdyń árbir úsh jyly ótkennen keıin (aralyq) jáne josparly kezeńniń qorytyndylary (túpkilikti) boıynsha júzege asyrylady.»; 118, 119-tarmaqtar mynadaı redaksııada jazylsyn: «118. Respýblıkalyq bıýdjettiń atqarylýyn baqylaý jónindegi esep komıteti memlekettik aýdıt jáne qarjylyq baqylaý obektileriniń tıisti jylǵa arnalǵan tizbesine sáıkes ózi júrgizetin tıimdilik memlekettik aýdıti jáne saraptamalyq-taldaý is-sharalary sheńberinde memlekettik baǵdarlamaǵa júrgizgen baǵalaý qorytyndylary tıimdilik memlekettik aýdıti jáne saraptamalyq-taldaý is-sharalarynyń nátıjeleri boıynsha Respýblıkalyq bıýdjettiń atqarylýyn baqylaý jónindegi esep komıtetiniń qaýlysy qabyldanǵannan keıin jeti jumys kúni ishinde Qazaqstan Respýblıkasy Prezıdentiniń Ákimshiligine, memlekettik josparlaý jónindegi ýákiletti organǵa jáne memlekettik baǵdarlamany ázirleýge jaýapty memlekettik organǵa jiberiledi. 119. Memlekettik baǵdarlamalardy baqylaý memlekettik baǵdarlamany, úkimettik baǵdarlamalardy, memlekettik organdardyń strategııalyq josparlaryn, oblystardy, respýblıkalyq mańyzy bar qalany, astanany damytý baǵdarlamalaryn, ulttyq basqarýshy holdıngterdiń, ulttyq holdıngterdiń, jarǵylyq kapıtalyna memleket qatysatyn ulttyq kompanııalardyń damý strategııalaryn iske asyrý boıynsha monıtorıng, baǵalaý jáne júrgizilgen baqylaý is-sharalarynyń, tıimdilik memlekettik aýdıti jáne saraptamalyq-taldaý is-sharalarynyń nátıjeleri negizinde júzege asyrylady.»; 159-tarmaq mynadaı redaksııada jazylsyn: «159. Ortalyq memlekettik organdardyń strategııalyq josparlaryn baǵalaýdy Respýblıkalyq bıýdjettiń atqarylýyn baqylaý jónindegi esep komıteti memlekettik aýdıt jáne qarjylyq baqylaý obektileriniń tıisti jylǵa arnalǵan tizbesine sáıkes ózi júrgizetin tıimdilik memlekettik aýdıti jáne saraptamalyq-taldaý is-sharalary sheńberinde júzege asyrady.»; 162-tarmaq mynadaı redaksııada jazylsyn: «162. Respýblıkalyq bıýdjettiń atqarylýyn baqylaý jónindegi esep komıteti memlekettik aýdıt jáne qarjylyq baqylaý obektileriniń tıisti jylǵa arnalǵan tizbesine sáıkes ózi júrgizetin tıimdilik memlekettik aýdıti jáne saraptamalyq-taldaý is-sharalarynyń sheńberinde ótkizgen memlekettik organnyń strategııalyq josparyn baǵalaýdyń qorytyndylary tıimdilik memlekettik aýdıti jáne saraptamalyq-taldaý is-sharalarynyń nátıjeleri boıynsha Respýblıkalyq bıýdjettiń atqarylýyn baqylaý jónindegi esep komıtetiniń qaýlysy qabyldanǵannan keıin jeti jumys kúni ishinde strategııalyq josparlarǵa baǵalaý júrgizýge ýákiletti organdarǵa, Qazaqstan Respýblıkasy Prezıdentiniń Ákimshiligine jáne memlekettik aýdıt jáne qarjylyq baqylaý obektilerine jiberiledi.»; mynadaı mazmundaǵy 162-1-tarmaqpen tolyqtyrylsyn: «162-1. Memleket aksıoneri bolyp tabylatyn ulttyq basqarýshy holdıngterdiń, ulttyq holdıngterdiń, ulttyq kompanııalardyń damý strategııalary men josparlarynyń iske asyrylýyna Respýblıkalyq bıýdjettiń atqarylýyn baqylaý jónindegi esep komıteti júrgizetin baǵalaýdyń qorytyndylary Qazaqstan Respýblıkasy Prezıdentine toqsan saıynǵy aqparatqa engiziledi.»; 164-tarmaq mynadaı redaksııada jazylsyn: «164. Memlekettik organdardyń strategııalyq josparlaryn baqylaý memlekettik organdardyń strategııalyq josparlarynyń iske asyrylýy boıynsha monıtorıng, baǵalaý jáne júrgizilgen baqylaý is-sharalary, tıimdilik memlekettik aýdıti jáne saraptamalyq-taldaý is-sharalary nátıjeleriniń negizinde júzege asyrylady.»; 196, 197-tarmaqtar mynadaı redaksııada jazylsyn: «196. Oblystyń, respýblıkalyq mańyzy bar qalanyń, astananyń tekserý komıssııasy memlekettik aýdıt jáne qarjylyq baqylaý obektileriniń tıisti jylǵa arnalǵan tizbesine sáıkes ózi júrgizetin tıimdilik memlekettik aýdıti jáne saraptamalyq-taldaý is-sharalary sheńberinde ózi júrgizgen aýmaqty damytý baǵdarlamasyn baǵalaýdyń qorytyndylary tıimdilik memlekettik aýdıti jáne saraptamalyq-taldaý is-sharalarynyń nátıjeleri boıynsha oblystyń, respýblıkalyq mańyzy bar qalanyń, astananyń tekserý komıssııasynyń qaýlysy qabyldanǵannan keıin jeti jumys kúni ishinde jergilikti atqarýshy organǵa jáne memlekettik josparlaý jónindegi ýákiletti organǵa jiberiledi. 197. Aýmaqtardy damytý baǵdarlamasyn baqylaý aýmaqtardy damytý baǵdarlamalaryn iske asyrý jónindegi is-sharalar josparynyń iske asyrylýy boıynsha monıtorıng, baǵalaý jáne júrgizilgen baqylaý is-sharalarynyń, tıimdilik memlekettik aýdıti jáne saraptamalyq-taldaý is-sharalarynyń nátıjeleri negizinde júzege asyrylady.». 6. «Qazaqstan Respýblıkasynyń memlekettik nagradalarymen nagradtaýǵa usynýdyń jáne olardy tapsyrýdyń tártibi týraly nusqaýlyqty, Qazaqstan Respýblıkasynyń memlekettik nagradalary qujattarynyń úlgilerin jáne Qazaqstan Respýblıkasynyń memlekettik nagradalary belgileriniń sıpattamasyn bekitý týraly» Qazaqstan Respýblıkasy Prezıdentiniń 1999 jylǵy 8 qarashadaǵy №90 ókiminde (Qazaqstan Respýblıkasynyń PÚAJ-y, 1999 j., № 53, 521-qujat): joǵaryda atalǵan ókimmen bekitilgen Qazaqstan Respýblıkasynyń mem­lekettik nagradalarymen nagradtaýǵa usynýdyń jáne olardy tanys­tyrýdyń tártibi týraly nusqaýlyqta: 6-tarmaq mynadaı redaksııada jazylsyn: «6. Qazaqstan Respýblıkasy Prezıdentiniń atyna: menshik nysandaryna qaramastan uıymdardyń, jergilikti memlekettik organdardyń qyzmetkerlerine, óńirlik qoǵamdyq birlestikterdiń ókilderine – Astana jáne Almaty qalalarynyń, oblystardyń ákimderi; oblystardyń, respýblıkalyq mańyzy bar qalalardyń jáne astananyń tekserý komıssııalarynyń tóraǵalaryna – Respýblıkalyq bıýdjettiń atqarylýyn baqylaý jónindegi esep komıtetiniń Tóraǵasy; ortalyq memlekettik organdardyń, Qazaqstan Respýblıkasynyń Prezıdentine tikeleı baǵynatyn jáne esep beretin organdardyń, respýblıkalyq shyǵarmashylyq odaqtar men qoǵamdyq uıymdardyń qyzmetkerlerine – osy uıymdardyń basshylary; ortalyq memlekettik organdardyń, Qazaqstan Respýblıkasynyń Prezıden­tine tikeleı baǵynatyn jáne esep beretin organdardyń birinshi basshylaryna, Astana jáne Almaty qalalarynyń, oblystardyń ákimderi men máslı­hat­tarynyń hatshylaryna – Qazaqstan Respýblıkasynyń Parlamenti men Úkimeti usynymdar engizedi. Nagradtaýǵa usynylǵandardyń árqaısysyna usynym jeke daıyndalady.». Qazaqstan Respýblıkasy Prezıdentiniń 2016 jylǵy 11 qańtardaǵy №169 Jarlyǵymen bekitilgen ózgerister men tolyqtyrýlarǵa QOSYMShA Qazaqstan Respýblıkasy Prezıdentiniń 2002 jylǵy 5 tamyzdaǵy №917 Jarlyǵymen BEKITILGEN Respýblıkalyq bıýdjettiń atqarylýyn baqylaý jónindegi esep komıteti týraly EREJE Osy Ereje Qazaqstan Respýblıkasynyń zańnamalyq aktilerine sáıkes Respýblıkalyq bıýdjettiń atqarylýyn baqylaý jónindegi esep komıtetiniń mártebesin, ókilettikterin jáne jumysynyń uıymdastyrylýyn aıqyndaıdy. 1. Jalpy erejeler 1. Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) Qazaqstan Respýblıkasynyń Prezıdentine tikeleı baǵynatyn jáne esep beretin, «Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańyna sáıkes syrtqy memlekettik aýdıtti jáne qarjylyq baqylaýdy júzege asyratyn memlekettik aýdıt jáne qarjylyq baqylaýdyń joǵary organy bolyp tabylady. 2. Esep komıteti óz qyzmetin Qazaqstan Respýblıkasynyń Konstıtýsııasyna jáne Qazaqstan Respýblıkasynyń zańdaryna, Qazaqstan Respýblıkasy Prezıdenti men Qazaqstan Respýblıkasy Úkimetiniń aktilerine, Qazaqstan Respýblıkasynyń ózge de normatıvtik quqyqtyq aktilerine, sondaı-aq osy Erejege sáıkes júzege asyrady. 3. Esep komıteti memlekettik mekemeniń uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy bar mórleri men mórtańbalary, belgilengen úlgidegi blankileri, óziniń týy, logotıpi, Qazaqstan Respýblıkasynyń zańnamasyna sáıkes qazynashylyq organdarynda esepshottary bolady. 4. Esep komıteti azamattyq-quqyqtyq qatynastarǵa óz atynan túsedi. 5. Esep komıtetiniń, eger Qazaqstan Respýblıkasynyń zańnamasyna sáıkes osyǵan ýá­kilettik berilgen bolsa, memlekettiń atynan azamattyq-quqyqtyq qatynastardyń tarapy bolýǵa quqyǵy bar. 6. Esep komıteti óz quzyretiniń máseleleri boıynsha Qazaqstan Respýb­lıkasynyń zańnamasynda belgilengen tártippen, eger mundaı sheshimdi qabyldaý osy Erejemen nemese Qazaqstan Respýblıkasynyń qoldanystaǵy zańnamasymen Esep komıteti Tóraǵasynyń quzyretine jatqyzylǵan bolsa, Esep komıteti Tóraǵasynyń qaýlylary, normatıvtik qaýlylary nemese buıryqtary túrinde sheshim qabyldaıdy. 7. Esep komıtetiniń qurylymyn Esep komıtetiniń Tóraǵasy, músheleri jáne apparaty quraıdy. Esep komıtetiniń shtat sany lımıtin Qazaqstan Respýblıkasynyń Prezıdenti bekitedi. 8. Esep komıtetiniń zańdy mekenjaıy: Qazaqstan Respýblıkasy, Astana qalasy, Esil aýdany, Orynbor kóshesi, 8-úı, «Mınıstrlikter úıi». 9. Memlekettik organnyń tolyq ataýy – «Respýblıkalyq bıýdjettiń atqarylýyn baqylaý jónindegi esep komıteti» memlekettik mekemesi. 10. Osy Ereje Esep komıtetiniń quryltaı qujaty bolyp tabylady. 11. Esep komıtetiniń qyzmetin qarjylandyrý respýblıkalyq bıýdjetten júzege asyrylady. 12. Esep komıtetine kásipkerlik sýbektilerimen Esep komıtetiniń fýnksııalary bolyp tabylatyn mindetterdi oryndaý turǵysynda sharttyq qatynastarǵa túsýge tyıym salynady. Eger Esep komıtetine Qazaqstan Respýblıkasynyń zańnamalyq aktilerimen kirister ákeletin qyzmetti júzege asyrý quqyǵy berilse, onda osyndaı qyzmetten alynǵan kirister respýblıkalyq bıýdjettiń kirisine jiberiledi. 2. Memlekettik organnyń mıssııasy, negizgi mindetteri, fýnksııalary, quqyqtary men mindetteri 13. Esep komıtetiniń mıssııasy Qazaqstan Respýblıkasynda ekonomıkalyq turaqtylyqty qamtamasyz etý maqsatynda qarjy tártibin nyǵaıtý, memleket qarajatyn, memleket pen kvazımemlekettik sektor sýbektileriniń aktıvterin paıdalaný tıimdiligin arttyrý bolyp tabylady. 14. Esep komıtetiniń mindetteri – halyqtyń turmys jaǵdaılary sapasynyń qarqyndy ósýin jáne eldiń ulttyq qaýipsizdigin qamtamasyz etý úshin ulttyq resýrstardyń (qarjylyq, tabıǵı, óndiristik, kadrlyq, aqparattyq) tıimdi jáne zańdy basqarylýyn taldaý, baǵalaý jáne tekserý. 15. Esep komıtetiniń fýnksııalary: 1) mynalarǵa: óziniń mazmuny boıynsha Qazaqstan Respýblıkasy Úkimetiniń tıisti esebine qorytyndy bolyp tabylatyn, esepti qarjy jyly úshin respýb­lıkalyq bıýdjettiń atqarylýy týraly esep daıyndaı otyryp, Qazaqstan Respýblıkasynyń bıýdjet júıesiniń qaǵıdattaryna sáıkes respýblıkalyq bıýdjetti josparlaýdyń jáne atqarýdyń; memlekettik aýdıt jáne qarjylyq baqylaý obektileri (budan ári – memlekettik aýdıt obektileri) qyzmetiniń; respýblıkalyq bıýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalary boıynsha ózge de baǵyttar boıynsha Qazaqstan Respýblıkasy Memlekettik josparlaý júıesi qujattaryn iske asyrýdyń; memleket aksıoneri bolyp tabylatyn ulttyq basqarýshy holdıngterdiń, ulttyq holdıngterdiń, ulttyq kompanııalardyń damý strategııalary men damý josparlaryn iske asyrýdyń; kvazımemlekettik sektor sýbektileri qyzmetiniń ekonomıkanyń nemese ekonomıkanyń jeke alǵandaǵy salasynyń, memlekettik basqarýdyń áleýmettik jáne basqa da salalarynyń damýyna áseriniń; memlekettik jáne memleket kepildik bergen boryshtyń, sondaı-aq memleket kepilgerligi boıynsha boryshty qalyptastyrýdyń jáne basqarýdyń; baılanysty granttardy, bıýdjettik ınvestısııalardy, memlekettik jáne memleket kepildik bergen qaryzdardy, memleket kepilgerligimen tartylatyn qaryzdardy jáne memleket aktıvterin paıdalanýdyń; memlekettik organdar men kvazımemlekettik sektor sýbektileriniń taý­arlardy, jumystardy, kórsetiletin qyzmetterdi satyp alýdy josparlaý negizdiliginiń, olardyń iske asyrylýynyń jáne júzege asyrylý tıimdiliginiń; taýarlar, jumystar, kórsetiletin qyzmetter satyp alýǵa bólingen (jumsalǵan) ulttyq qarjy resýrstarynyń mólsheri men satyp alynǵan taýarlardyń, jumystardyń, kórsetiletin qyzmetterdiń naryqtyq quny arasyndaǵy aıyrmany baǵalaýdy qosa alǵanda, baǵa belgileýdiń; kvazımemlekettik sektor sýbektileriniń aktıvterin basqarýdyń; salyqtyq jáne kedendik ákimshilendirýdiń; sharttardyń; qorshaǵan ortany qorǵaý salasyndaǵy; aqparattyq tehnologııalar salasyndaǵy tıimdiligine aýdıt júrgizý; 2) mynalarǵa: respýblıkalyq bıýdjet qarajaty men ulttyq resýrstardy paıdalaný boıyn­sha memlekettik aýdıt obektileri qyzmetine; memlekettik aýdıt obektileriniń býhgalterlik esepti júrgizý jáne qarjylyq eseptilikti jasaý anyqtyǵyna jáne durystyǵyna; memlekettik organdar men kvazımemlekettik sektor sýbektileriniń shart talaptaryn oryndaýyna; respýblıkalyq bıýdjetke túsetin túsimderdiń, bıýdjetke túsetin túsimderdi alýdyń tolyqtyǵyna jáne ýaqtylyǵyna, sondaı-aq respýblıkalyq bıýdjetten qate (artyq) tólengen somany qaıtarýǵa, esepke jazý durystyǵyna; memlekettik tótenshe bıýdjettiń atqarylýyna; respýblıkalyq bıýdjet qarajatyn, onyń ishinde nysanaly transfertter men kredıtterdi, baılanysty granttardy, memlekettik jáne memleket kepildik bergen qaryzdardy, memleket kepilgerligimen tartylatyn qaryzdardy, memleket kepilgerlikteri men aktıvterin paıdalanýǵa, sondaı-aq memlekettik-jekeshelik áriptestik jobalary boıynsha memlekettik mindettemelerdiń, onyń ishinde memlekettik konsessııalyq mindettemelerdiń oryndalýyn qarjylandyrýǵa; Qazaqstan Respýblıkasy Ulttyq qoryn qalyptastyrýǵa jáne paıdalanýǵa; Qazaqstan Respýblıkasy Ulttyq Bankiniń aktıvterin Qazaqstan Respýblıkasy Prezıdentiniń kelisimimen nemese onyń tapsyrmasy boıynsha ǵana paıdalanýǵa; kvazımemlekettik sektor sýbektileriniń ózderine bólingen respýblıkalyq bıýdjet qarajatyn qarjy-ekonomıkalyq negizdemege sáıkes paıdalanýyna sáıkestik aýdıtin júrgizý; 3) respýblıkalyq bıýdjettiń shoǵyrlandyrylǵan qarjylyq eseptiligine aýdıt, Qazaqstan Respýblıkasynyń Ulttyq Bankin qospaǵanda, bıýdjettik baǵdarlamalar ákimshileriniń jáne memlekettik mekemelerdiń qarjylyq eseptiligine aýdıt júrgizý; 4) memlekettik aýdıttiń jáne qarjylyq baqylaýdyń jalpy standarttaryn ázirleý jáne Qazaqstan Respýblıkasynyń Prezıdentine bekitýge engizý; 5) respýblıkalyq bıýdjet jobasyn onyń shyǵystarynyń negizgi baǵyttary boıynsha aldyn ala baǵalaý qaǵıdalaryn ázirleý; 6) mynalardy: syrtqy memlekettik aýdıt jáne qarjylyq baqylaý júrgizý qaǵıdalaryn, onyń ishinde onda memlekettik aýdıt qorytyndylary boıynsha qabyldanatyn qujattardyń, Esep komıteti men oblystardyń, respýblıkalyq mańyzy bar qalalardyń, astananyń tekserý komıssııalarynyń (budan ári – tekserý komıssııalarynyń) tıisti qujattarda qoldanylatyn logotıpteriniń nysandary qamtylady; Memlekettik josparlaý júıesiniń qujattaryna, memleket aksıoneri bolyp tabylatyn ulttyq basqarýshy holdıngterdiń, ulttyq holdıngterdiń, ulttyq kompanııalardyń damý strategııalary men damý josparlaryna baǵalaý júrgizý qaǵıdalaryn; memlekettik aýdıt obektileriniń tıisti jylǵa arnalǵan tizbesin qalyp­tastyrý jáne syrtqy memlekettik aýdıt júrgizý kezinde qoldanylatyn táýekelderdi basqarýdyń úlgilik júıesin; tekserý komıssııalary týraly úlgilik erejeni; syrtqy memlekettik aýdıttiń jáne qarjylyq baqylaýdyń rásimdik standarttaryn; syrtqy memlekettik aýdıttiń jáne qarjylyq baqylaýdyń rásimdik standarttaryn ázirleý jáne bekitý qaǵıdalaryn; Memlekettik aýdıt jáne qarjylyq baqylaýdyń biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalaryn; Memlekettik aýdıtor biliktiligin ıelenýge sertıfıkaty bar adamdardyń tizilimin júrgizý qaǵıdalaryn; memlekettik aýdıt jáne qarjylyq baqylaý organdarynyń úılestirý keńesi týraly erejeni; salyq qupııasyn quraıtyn málimetterge ruqsaty bar syrtqy memlekettik aýdıt jáne qarjylyq baqylaý ýákiletti organdary laýazymdy adamdarynyń tizbesin; ishki memlekettik aýdıt jónindegi ýákiletti organmen kelisý boıynsha memlekettik aýdıt obektilerinde anyqtalatyn buzýshylyqtar synyptaýyshyn; ishki memlekettik aýdıt jónindegi ýákiletti organmen kelisý boıynsha memlekettik aýdıtor biliktiligin ıelenýge úmitker adamdardy sertıfıkattaý qaǵıdalaryn; ishki memlekettik aýdıt jónindegi ýákiletti organmen kelisý boıynsha Memlekettik aýdıtor biliktiligin ıelenýge úmitker adamdardy sertıfıkattaý jónindegi ulttyq komıssııa týraly erejeni; memlekettik qyzmet isteri jónindegi ýákiletti organmen kelisý boıynsha «B» korpýsynyń memlekettik ákimshilik qyzmetshileri bolyp tabylatyn, syrtqy memlekettik aýdıt jáne qarjylyq baqylaýdyń ýákiletti organdarynyń memlekettik aýdıtorlary laýazymdarynyń sanattaryna qoıylatyn úlgilik biliktilik talaptaryn; ishki memlekettik aýdıt jónindegi, memlekettik múlikti basqarý jónindegi ýákiletti organdarmen jáne memlekettik josparlaý jónindegi ortalyq ýákiletti organmen kelisý boıynsha kvazımemlekettik sektor sýbektilerine arnaıy maqsattaǵy aýdıt júrgizý jáne kvazımemlekettik sektor sýbektilerine arnaıy maqsattaǵy aýdıt júrgizý boıynsha aýdıtorlyq qorytyndyny usyný qaǵıdalaryn; ishki memlekettik aýdıt jónindegi ýákiletti organmen kelisý boıynsha memlekettik aýdıtorlardyń kásibı ádep qaǵıdalaryn; ishki memlekettik aýdıt jónindegi ýákiletti organmen kelisý boıynsha memlekettik aýdıttiń jáne qarjylyq baqylaýdyń rásimdik standarttaryn; ishki memlekettik aýdıt jónindegi ýákiletti organmen kelisý boıynsha táýekelderdi basqarý júıesine belgilenetin biryńǵaı qaǵıdattar men tásilderdi; ishki memlekettik aýdıt jónindegi ýákiletti organmen kelisý boıynsha memlekettik aýdıt jáne qarjylyq baqylaý organdary qyzmetkerlerin qaıta daıarlaý jáne olardyń biliktiligin arttyrý qaǵıdalaryn; ishki memlekettik aýdıt jónindegi ýákiletti organmen kelisý boıynsha Esep komıtetiniń memlekettik aýdıt jáne qarjylyq baqylaý organdarymen ózara is-qımyl qaǵıdalaryn; salyq jáne bıýdjetke tólenetin basqa da mindetti tólemderdiń túsýin qamtamasyz etý salasyndaǵy ýákiletti organmen kelisý boıynsha salyq qupııasyn quraıtyn málimetter tizbesin jáne olardy usyný tártibin; Qazaqstan Respýblıkasynyń Bas prokýratýrasymen, ekonomıkalyq jáne qarjylyq qylmystardy tergeý jáne sybaılas jemqorlyqqa qarsy is-qımyl jónindegi ýákiletti organdarmen birlesip, syrtqy memlekettik aýdıtti jáne qarjylyq baqylaýdy júrgizý kezinde anyqtalǵan quqyq buzýshylyqtar boıynsha memlekettik aýdıt materıaldaryn berý qaǵıdalaryn ázirleý jáne bekitý; 7) ishki memlekettik aýdıt jónindegi ýákiletti organ ázirleıtin ishki memlekettik aýdıt jáne qarjylyq baqylaý júrgizý qaǵıdalaryn kelisý; 8) Qazaqstan Respýblıkasynyń arnaýly memlekettik organdary ázirleıtin Qazaqstan Respýblıkasynyń arnaýly memlekettik organdarynda memlekettik aýdıt jáne qarjylyq baqylaý júrgizý qaǵıdalaryn kelisý; 9) respýblıkalyq bıýdjet jobasyn onyń shyǵystarynyń negizgi baǵyttary boıynsha aldyn ala baǵalaý; 10) óz quzyreti sheginde sybaılas jemqorlyqqa qarsy is-qımyldar boıynsha sharalar qabyldaýdy qamtamasyz etý; 11) memlekettik aýdıt jáne qarjylyq baqylaý organdarynyń qyzmet­kerlerin qaıta daıarlaýdy jáne olardyń biliktiligin arttyrýdy uıymdastyrý; 12) memlekettik aýdıtor biliktiligin ıelenýge úmitker adamdardy sertıfıkattaý qaǵıdalaryna sáıkes, syrtqy memlekettik aýdıtti júzege asyratyn memlekettik aýdıtorlarǵa kandıdattardyń bilimin rastaý jónindegi qyzmetti uıymdastyrý; 13) Qazaqstan Respýblıkasynyń bıýdjet jáne ózge de zańnamasyn, onyń ishinde ulttyq qaýipsizdikti qamtamasyz etý salasyndaǵy zańnamasyn jetildirý jóninde usynymdar engizý, Qazaqstan Respýblıkasynyń memle­kettik aýdıt jáne qarjylyq baqylaý máseleleri boıynsha normatıvtik-quqyqtyq aktilerin ázirleý jáne kelisý; 14) memlekettik aýdıt jáne qarjylyq baqylaý salasynda taldaý jáne zertteýler júrgizý, ádisnamalyq basshylyqty júzege asyrý, memlekettik aýdıt salasynda oqytý baǵdarlamalaryn iske asyrý; 15) memlekettik aýdıt jáne qarjylyq baqylaý organdary júıesine kiretin ishki memlekettik aýdıt jónindegi ýákiletti organnyń, ishki aýdıt qyzmetteriniń táýekelderdi basqarý júıesin úılestirý; 16) memlekettik baqylaý jáne qadaǵalaý organdarymen, ózge de memle­kettik organdarmen, memlekettik aýdıt obektilerimen aqparat almasý, sondaı-aq elektrondyq memlekettik aýdıt júrgizý maqsatynda memlekettik aýdıt jáne qarjylyq baqylaý jónindegi biryńǵaı derekqordy damytýdy, onyń jumys isteýin qamtamasyz etý; 17) aýdıtorlyq qorytyndyda bergen usynymdardyń jáne mindetti túrde oryndalýǵa baǵyttalǵan nusqamalardyń monıtorıngin júıeli negizde júzege asyrý; 18) tekserý komssııalary, ishki memlekettik aýdıt jónindegi ýákiletti organ júrgizgen memlekettik aýdıt nátıjelerin taný úshin olardyń memlekettik aýdıt jáne qarjylyq baqylaý standarttaryn saqtaýyna baqylaý júrgizý; 19) respýblıkalyq bıýdjetke qatysty saraptamalyq-taldaý qyzmetin júzege asyrý; 20) shoǵyrlandyrylǵan qarjylyq eseptilikke aýdıt júrgizý úshin jergilikti bıýdjettiń atqarylýy týraly aqparatty jınaqtap qorytý; 21) tekserý komıssııalaryna ádistemelik kómek kórsetý; 22) memlekettik aýdıtor biliktiligin ıelenýge sertıfıkaty bar adamdardyń tizilimin júrgizý; 23) júrgiziletin memlekettik aýdıt jáne qarjylyq baqylaý qorytyn­dylaryn taldaý, bıýdjettiń atqarylýy, memleket pen kvazımemlekettik sektor sýbektileriniń aktıvterin paıdalaný prosesinde anyqtalǵan buzý­shylyqtar men kemshilikterdiń sebepteri men saldarlaryn jınaqtap qorytý jáne zertteý; 24) memlekettik aýdıt jáne qarjylyq baqylaý jónindegi biryńǵaı derekqordy ákimshilendirý; 25) memlekettik aýdıt obektileriniń tıisti jylǵa arnalǵan tizbesin qalyptastyrý; 26) ishki memlekettik aýdıt jónindegi ýákiletti organnyń jáne tekserý komıssııalarynyń memlekettik aýdıt obektileriniń tıisti jylǵa arnalǵan tizbesin jáne olarǵa ózgeristerdi kelisý; 27) memlekettik aýdıt jáne qarjylyq baqylaý organdary úılestirý keńesiniń jumysyn uıymdastyrý; 28) aldyn ala, aǵymdaǵy jáne keıingi baǵalaý túrinde saraptamalyq-taldaý qyzmetin júzege asyrý. 16. Esep komıtetiniń quqyqtary men mindetteri: 1) Qazaqstan Respýblıkasy Prezıdentiniń memlekettik aýdıtti jáne qarjylyq baqylaýdy júzege asyrýǵa baılanysty máseleler boıynsha tapsyrmalaryn, sondaı-aq Qazaqstan Respýblıkasy Prezıdentiniń ózge de jekelegen tapsyrmalaryn oryndaıdy; 2) toqsan saıyn Qazaqstan Respýblıkasynyń Prezıdentine jáne Parlamentine Esep komıtetiniń jumysy týraly aqparat, sondaı-aq Qazaqstan Respýblıkasynyń Prezıdentine memlekettik aýdıt jáne qarjylyq baqylaý organdary jumysynyń kórsetkishteri týraly jyl saıynǵy aqparat, Qazaqstan Respýblıkasynyń Parlamentine óziniń mazmuny boıynsha Qazaqstan Respýblıkasy Úkimetiniń tıisti esebine qorytyndy bolyp tabylatyn, esepti qarjy jyly úshin respýblıkalyq bıýdjettiń atqarylýy týraly jyl saıynǵy esep usynady; 3) memlekettik bıýdjet saıasatyn iske asyrýǵa qatysady, Qazaqstan Respýb­lıkasynyń bıýdjet zańnamasyn jetildirý jáne Qazaqstan Respýblıkasynyń qarjy júıesin damytý jóninde usynystar ázirleıdi jáne olardy tıisti ýákiletti organdardyń qaraýyna usynady; 4) syrtqy memlekettik aýdıt júrgizýge baılanysty máseleler boıynsha memlekettik aýdıt obektileriniń laýazymdy adamdarynyń tıisti aqparatyn tyńdaıdy; 5) memlekettik aýdıt jáne saraptamalyq-taldaý is-sharalary barysynda anyqtalǵan (anyqtalatyn) buzýshylyqtar men kemshilikterdi joıý jóninde sharalar qabyldaıdy; 6) qupııalylyq rejıminiń, qyzmettik, kommersııalyq nemese zańmen qorǵalatyn ózge qupııanyń saqtalýyn eskere otyryp, memlekettik aýdıt jáne qarjylyq baqylaý organdarynyń aýdıtorlyq esepterin suratady jáne taldaıdy ári memlekettik aýdıttiń sapasyn arttyrý jóninde usynymdar beredi; 7) bıýdjet qarajatyn, kredıtterdi, baılanysty granttardy, memleket pen kvazımemlekettik sektor sýbektileriniń aktıvterin, memlekettik jáne memleket kepildik bergen qaryzdardy, sondaı-aq memleket kepilgerligimen tartylatyn qaryzdardy paıdalaný máseleleri boıynsha Qazaqstan Respýb­lıkasynyń aýdıtorlyq qyzmet týraly jáne memlekettik aýdıt týraly zańnamasyna sáıkes júrgiziletin aýdıt nátıjelerin baqylaýdy júzege asyrady; 8) syrtqy memlekettik aýdıttiń jáne qarjylyq baqylaýdyń ýákiletti organdarynyń jumysyn úılestirý úshin, onyń ishinde basqa da memlekettik organdarmen nemese uıymdarmen ózara is-qımyl jasaý boıynsha quqyqtyq aktiler qabyldaıdy; 9) qupııalylyq rejıminiń, qyzmettik, kommersııalyq nemese zańmen qorǵalatyn ózge qupııanyń qamtamasyz etilýi eskerile otyryp, óz qyzmeti týraly aqparatty buqaralyq aqparat quraldaryna ornalastyrady; 10) berilgen ókilettikter sheginde ekonomıkalyq qaýipsizdiktiń táýekelderin taldaý jáne anyqtaý jóninde sharalar qabyldaıdy; 11) ortalyq memlekettik organdarmen ózara is-qımyl jasaýda tekserý komıssııalarynyń atynan olardyń múddesin bildiredi; 12) Qazaqstan Respýblıkasy Prezıdentiniń Ákimshiligimen kelisý boıyn­sha oblystardyń, respýblıkalyq mańyzy bar qalalardyń, astananyń máslıhattaryna tekserý komıssııasynyń tóraǵasyn taǵaıyndaýǵa (bosatýǵa) usynys engizedi; 13) ózderi qabyldaǵan aktilerdiń merzimdik jınaqtaryn, bıýlletender, jýrnaldar jáne basqa da basylymdar shyǵarady; 14) memlekettik aýdıt jáne qarjylyq baqylaý organdarynyń qyzmetin baǵalaýdy júzege asyrady; 15) barlyq memlekettik organdardyń, uıymdar men laýazymdy adamdardyń oryndaýy úshin mindetti, anyqtalǵan buzýshylyqtardy joıý týraly jáne olarǵa jol bergen laýazymdy adamdardyń jaýaptylyǵyn qaraý týraly nusqama shyǵarady; 16) Qazaqstan Respýblıkasynyń ákimshilik quqyq buzýshylyqtar týraly zańnamasynda kózdelgen quzyret sheginde ákimshilik is júrgizýdi qozǵaıdy; 17) memlekettik aýdıt obektisiniń laýazymdy adamdarynyń áreketterinde qylmystyq nemese ákimshilik quqyq buzýshylyq belgileri anyqtalǵan jaǵdaılarda, materıaldard