Izraıldiń burynǵy basshysy Shımon Peres aýrýhanaǵa tústi

ASTANA. 14 qańtar. Shımon Peres keýdesi aýyryp, aýrýhanaǵa tústi. Bul týraly TASS agenttigine silteme jasaǵan egemen.kz tilshisi habarlady. Nobel syılyǵynyń laýreaty, Izraıl saıasatynyń patrıarhy jáne osy eldiń burynǵy prezıdenti Shımon Peres júrek soǵysyndaǵy aqaýǵa baılanysty aýrýhanaǵa jatqyzyldy. Bul jóninde saıasatkerdiń kómekshisi Aıelet Frısh Izraıldiń áskerı radıosyna habarlaǵan. Tikeleı efırde ol Perestiń es-túsi anyq ári sóıleı alatynyn aıtyp: «Onyń keýde tusy aýyrdy», – dep málimdedi. Aıelet Frıshtiń sózine qaraǵanda, 92 jastaǵy saıasatker Tel-Avıv janyndaǵy Ramat-Gan qalasyndaǵy «Tel ha-Shomer» aýrýhanasyna jatqyzylyp, sol jaqta em qabyldaýda. Alaıda, Izraıldiń onynshy telearnasy ózderiniń derekkózderine súıenip, Perestiń ınfarkt alǵanyn, qazirgi tańda oǵan Tel-Avıv mańyndaǵy aýrýhanada ota jasap jatqanyn habarlady. Elaman Qońyr. Derek: TASS. Sýret: AP Photo.