Ulybrıtanııa Nıgerııa áskerin «Boko haramǵa» qarsy daıyndaıdy

ASTANA. 14 qańtar. Ulybrıtanııalyq mamandar nıgerııalyq áskerılerdi «Boko haram» lańkestik tobynyń sodyrlaryna qarsy kúreske daıyndamaq. Bul týraly TASS aqparat agenttigine silteme jasaǵan egemen.kz tilshisi habarlady. Ulybrıtanııanyń qorǵanys mınıstrligi jyl boıy Nıgerııaǵa 300-ge jýyq jaýynger men áskerı jiberiletinin habarlady. Áskerı qyzmetshilerdiń bul toby osy eldiń qarýly kúshterin «Boko haram» terrorıstik uıymyna qarsy turýǵa oqytyp-úıretpek. Ulybrıtanııa qorǵanys mınıstrliginiń habarlaýynsha, ázirge aǵylshyn koroldik polkiniń 35 áskerı qyzmetshisi týraly ǵana sóz bolyp otyr. Olar eldiń soltústik aımaǵynda terrorısterge qarsy soǵysyp júrgen nıgerııalyq qaýipsizdik kúsh qurylymdaryn jattyqtyryp, oqytady. Osyǵan oraı Ulybrıtanııanyń qorǵanys mınıstri Maıkl Fellon:«Biz «Boko haram» lańkestik toby tóndirgen úlken qaýipke qarsy kúreste Nıgerııaǵa qoldaý kórsetemiz», – dep málimdedi. Ol sondaı-aq: «Bizdiń tarapymyzdan áskerı qyzmetshilerdi daıyndaý baǵytynda qosymsha qoldaý jasaý eldiń qarýly kúshterine asa mańyzdy lańkestikke qarsy is-sharalardy júzege asyrýda tyń serpin beredi», – dep atap ótti. Aıta keteıik, «Boko haram» – (haýs tilinen aýdarǵanda «Batys bilimi – kúná» degendi bildiredi) Nıgerııanyń soltústigi men soltústik-shyǵysynda lań salyp júrgen terrorıstik top. Lańkestik uıym eldiń barlyq aýmaǵynda ıslam halıfatyn quryp, sharıǵat talaptaryn engizýdi kózdep júr. Terrorıstik top batystyń bilim júıesine, demokratııa men bılikti bólý prınsıpterine, sondaı-aq, batys kıimderin kııýge, ózge de «jat» mádenıettiń belgilerine túbegeleıli qarsylyq kórsetip keledi. Elaman Qońyr. Derek: TASS. Sýret: vesti-nedeli.com.