Aty ańyzǵa aınalǵan Leonıd Jabotınskıı ómirden ótti

ASTANA. 14 qańtar. Búgin ataqty aýyr atlet, Olımpııalyq oıyndardyń eki dúrkin 14 chempıony Leonıd Jabotınskıı 77 jasynda ómirden ozdy. Bul týraly «Sovetskıı sport» gazetine silteme jasaǵan egemen.kz habarlady. О́limniń sebebi habarlanyp otyrǵan joq. Asa aýyr salmaqta óner kórsetken aýyr atlet eki kezek Olımpııalyq oıyndardyń (1964, 1968), tórt márte álemniń (1964, 1965, 1966, 1968), eki ret Eýropanyń (1966, 1968) jáne bes dúrkin KSRO-nyń (1964, 1965, 1966, 1968, 1969) chempıony atandy. Atlet álemniń - 19, Keńes Odaǵynyń – 20 jáne Ýkraınanyń 58 ret rekordyn jańartqan. 1979 jyly Zaporojede Leonıd Jabotınskııdiń bastamasymen aýyr atletıkadan olımpııalyq rezervtegi «Spartak» jasóspirimder sport mektebi ashylyp, oǵan atlettiń esimi berildi. Qalada jyl saıyn Leonıd Jabotınskııdiń júldesi úshin týrnır ótkizilip keledi. Sportshy eki ret KSRO-nyń Eńbek Qyzyl Tý ordenimen, Ýkraınanyń «Eńbek sińirgeni úshin» ordeniniń  II jáne III dárejesimen nagradtalǵan. Ol sondaı-aq Zaporojeniń qurmetti azamaty bolǵan. Leonıd Ivanovıch Jabotınskıımen qoshtasý rásimi 16 qańtar kúni saǵat 10:00-11:00 aralyǵynda Ýkraınanyń Zaporoje qalasy, Lermontov kóshesi, 21-úıde (L.I.Jabotınskıı atyndaǵy sport mektebi) ótedi. Talǵat Raıymbek. Derek, foto: Sovetskıı sport.