Halyqaralyq «Qazaq tili» qaýymdastyǵynyń MÁLIMDEMESI

Halyqaralyq «Qazaq tili» qaýymdastyǵy Parlament depýtattarynyń Májilisti taratý jáne Parlament pen barlyq deńgeıdegi máslıhattardyń merziminen buryn saılaýyn taǵaıyndaý týraly bastamasyn qoldaıdy. Qazaqstan Táýelsizdiginiń 25 jyldyǵy memleketti túbegeıli jańǵyrtýdyń sheshýshi kezeńine jáne álemdik qarjy-ekonomıkalyq daǵdarystyń kúsheıgen shaǵyna tuspa-tus kelip otyr. Elimiz mereıli beles jylynda asa jaýapty eki emtıhannan da abyroımen ótýi qajet. Parlament depýtattary ótken jyly 5 ınstıtýttyq reformany zańnamalyq qamtamasyz etý baǵytynda orasan jumystar atqardy. Endi ony naqty is júzinde júzege asyrý kezeńi keldi. Biz quramy qaıta jańǵyrǵan Májilis Ult Josparyn júzege asyrýǵa jáne «Qazaqstan-2050» Strategııasynyń asqaq mindetterin múltiksiz oryndaýǵa serpin beredi dep sanaımyz. Sonymen birge, álemdik ekonomıkanyń bet­alysyna qarasaq, aldymyzda eń kúrdeli, qıyn kezeń tur. Endeshe, jahandyq daǵdarystyń kelesi, qýatty tolqyny kelmeı turyp, elimizdiń saılaý naýqanynan tezirek ótip alǵany jáne basqa eshteńege alańdamaı, daǵdarysqa qarsy sharalardy muqııat júzege asyrǵany mańyzdy dep esepteımiz. Osyndaı paıymdardy ustana otyryp, biz – halyqaralyq «Qazaq tili» qaýymdastyǵy otandastarymyzdy el taǵdyryna beıjaı qaramaı, halyq qalaýlylarynyń bastamasyn qoldaýǵa shaqyramyz.