Qazaqstan jastary Kongresiniń Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi bastamany qoldaý týraly
MÁLIMDEMESI
Elimizdiń jastar uıymdary atynan Qazaqstan jastarynyń kongresi Parlament Májilisi depýtattarynyń Parlamenttiń jáne barlyq dárejedegi máslıhattardyń merziminen buryn saılaýyn ótkizý jónindegi bastamasyna qoldaý kórsetedi. Biz besinshi shaqyrylymdaǵy Májilis depýtattarynyń atqarǵan jumysyna joǵary baǵa beremiz. Osy quramdaǵy depýtattardyń qyzmetiniń barysynda jastardyń azamattyq, áleýmettik jáne ekonomıkalyq belsendiligin arttyrý úshin quqyqtyq baza qalyptastyrý jóninde orasan zor jumys atqaryldy. «Memlekettik jastar saıasaty týraly» jańa zań qabyldandy. Sonymen birge, memleket ómirindegi azamattyq qoǵamnyń rólin arttyrýǵa jastardyń gýmanıtarlyq áleýetin arttyrýdy qamtamasyz etetin birqatar mańyzdy bastamalar is júzine asyryldy. Merziminen buryn saılaý ótkizý jónindegi bastamaǵa baılanysty jasalǵan qadam depýtattardyń azamattyq bastamalardy keńeıtý úshin jańa múmkindikter ashýǵa degen umtylysyn kórsetedi. Bul qadam úlken reformalar tusynda jáne daǵdarysqa qarsy sharalardy is júzine asyrý barysyndaǵy zańdy qadam bolyp tabylady. Ol depýtattardyń senim mandatyn jańartýǵa, sonymen birge, basty zań shyǵarýshy organǵa jańa kúshterdi tartýǵa yqpal etetin bolady.
