Qazaqstan Fermerler odaǵynyń Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi bastamany qoldaý týraly
MÁLIMDEMESI
Qazaqstan Fermerler odaǵy atynan Qazaqstan Respýblıkasy Parlamenti Májilisi jáne barlyq deńgeıdegi máslıhattar depýtattarynyń merziminen buryn saılaýyn ótkizý jónindegi bastamany qoldaımyz. Álemdik ekonomıkalyq daǵdarys ahýaly jaǵdaıynda elimizdiń agrarlyq salasynyń eńbekkerleri el ekonomıkasynda tereń silkinisterdi boldyrmaý jónindegi yqpaldy jáne tıimdi sharalardy qabyldaý úshin qolda bar barlyq múmkindikterdi jumyldyrýǵa degen umtylysty barynsha qoldaıdy. Saıası jáne ekonomıkalyq turaqtylyqty qoldaı otyryp, Fermerler odaǵy táýelsiz Qazaqstannyń jetistikterin saqtaýǵa jáne damytýǵa baǵyttalǵan Elbasynyń strategııalyq baǵytyn jalǵastyrýǵa degen umtylysqa birigýdi jaqtaıdy. Búgingi búkil álem jáne Qazaqstan úshin kúrdeli bolyp otyrǵan jaǵdaıda halyq seniminiń mandatyn qýattaýdyń jáne daǵdarysqa qarsy sheshýshi is-qımyldarǵa kirisýdiń mańyzy zor. Barlyq qazaqstandyqtardy Parlamenttiń jáne barlyq deńgeıdegi máslıhattardyń merziminen buryn saılaýyn ótkizý jónindegi bastamany qoldaýǵa shaqyramyz.
